北冰洋

北冰洋（英语：Arctic Ocean）勒北半球，是北极边浪北极圈范围个大洋。畀欧亚大陆搭北美洲包牢，一面连牢大西洋，一面连牢太平洋。

北冰洋冬天畀冰冻牢。因为蒸发得穷少，外加交关河侪流进去，所以咸度勒五大洋里向顶顶低。

北冰洋是世界五大洋里向顶小顶浅个。面积1405.6万平方公里，占仔世界大洋面积个3.6%。平均深度1200-1300米，是世界大洋平均深度个三分之一，顶深个场许就5450米深。

因为北冰洋大部分辰光侪结冰，航运活动穷少，外加面积亦小，有点人认为北冰洋弗好算“洋”，叫俚“北极海”。

全球五大洋

太平洋 | 印度洋 | 大西洋 | 南冰洋 | 北冰洋