南市区（上海市）

南市區是中華人民共和國上海市已撤銷個一個市轄區。垃拉上海市中心城區東南部，東、南瀕黃浦江，搭浦東新區隔江相望，西鄰盧灣區，北接黃浦區。全區面積8.29平方公里，戶籍人口435,420人（2000年6月底）。區人民政府駐陸家浜路1100號。2000年6月13號，國務院批覆同意撤銷南市區，併入黃浦區。

1959年12月3號，上海市人民委員會決定撤銷邑廟區搭蓬萊區個建制，合併為南市區。1961年2月10號，浦東縣建制撤銷，伊所屬個周家渡、塘橋兩地區劃畀南市區。1984年9月30號，川沙縣楊思、六里、嚴橋三隻鄉個部分地區劃畀南市區。1988年5月13號，川沙縣楊思鎮全部搭楊思鄉個部分地區（包括川楊河水域）劃歸南市區。1993年1月1號，浦東新區成立，南市區黃浦江以東個周家渡街道、南碼頭街道、上鋼新村街道、塘橋街道搭楊思鎮劃歸浦東新區。