浦东县

浦东县，是上海市已撤销个一个县。面积158平方公里，人口大约码子有50万^[1]。县人民委员会驻浦东南路，也就是现在个东昌中学^[2]。

设立

1958年10月20号，经过国务院全体会议第81次会议通过，根据上海市人民委员会1958年8月1号报告，决定成立浦东县，撤销东郊区、东昌区两个区，拿个两个区个行政区域作为浦东县个行政区域。^[3]，起名个原因是地片名浦东。

县东面是川沙县，南面是上海县，西面是黄浦江，北面是长江口。^{[4] [5]}

行政区划

浦东县成立个辰光，下头有3个街道办事处搭仔15个乡：高庙街道、塘桥街道、周家渡街道、耀华乡、艾镇乡、六里乡、严桥乡、孔桥乡、泾南乡、二塘乡、海滨乡、凌桥乡、金桥乡、陆行乡、张桥乡、东沟乡、高东乡、高南乡。 ^[6]

后些来，改成6个街道办事处、高桥、洋泾、杨思3个县属镇搭仔11个人民公社。^[7]

撤销

1961年1月25号，经过国务院全体会议第108次会议通过，撤销浦东县，拿原来浦东县里向个农村地区划归川沙县，靠近市区个城镇分别划拨黄浦、南市、杨浦个三个区。^[3][8]。原来是个个县个东昌路街道、崂山西路街道、张家浜街道畀划拨黄浦区^[9][10]。原来是个个县个周家渡街道、塘桥街道畀划拨南市区^[11][12]。原来个个县里向，浦东大道北面，洋泾街道大部分搭仔其昌栈往东个地方畀划拨杨浦区^[13][14]。原来是个个县个洋泾、杨思、高桥地区个金桥、张桥、东沟、高南、高东、高桥、凌桥、严桥、杨思、洋泾等10个人民公社畀划拨川沙县^[15][8]。原来是个个县个上海炼油厂、上海石油采购供应站、上炼新村等单位搭地区畀划拨吴淞区^[16][17]。