台州話
From Wikipedia, the free encyclopedia
Remove ads
台州話（國際音標：/tʰe33 tɕiǝu33 ɦua13/，羅馬字：T'e-tsiu wa）是吳語個地方話，是台州人講個話，台州是浙江東南一個海邊城市。台州話個發音、詞語、語法搭普通話差沒牢牢。其中臨海話有台州南北各地個特色，貤架臨海從向是台州個府城（瑲朞改到椒江），怪得臨海話也是台州話個代表。不過台州蕩地四鄉六坳講個話差別也蠻多。台州從向打角之故，蠻多吳越個古老發音特點也有留存。
廣義上，台州話包括臨海話、三門話、黃岩話、仙居話、太平話許，用個人有500多萬，等吳語人數個11.6%，台州話貤好細分南台片搭北台片。南台包括臨海、黃岩、椒江、路橋、溫嶺、玉環、樂清（清江以北）、仙居（東南部朱溪等鄉鎮）、永嘉（嶺頭鄉），語音搭北吳太湖片相近，代表話有臨海話搭太平話；北台包括三門、天台、仙居、寧海（西店摸南）、象山（南田、鶴浦、石浦許鄉鎮）、磐安（方前許鄉鎮），代表話有天台話。南北兩片交流起來一粒吃力，不過，南片相對來講都差不多，交流起來不吃力。
Remove ads
分片
台州話照腔調不樣好分三個小片：天仙小片，臨三小片搭南台小片。
南台小片
椒江（除章安街道），黃岩，路橋，溫嶺，玉環（除坎門，陳嶼許鎮），仙居個東南鄉（朱溪鎮許），永嘉（嶺頭鄉），樂清清江以北地區。
臨三小片
臨海，三門，寧海（西店鎮摸南），椒江（便只章安街道，本身臨海個），仙居（主要是下各鎮）、象山（南田鎮、石浦鎮、鶴浦鎮許）。
天仙小片
語音
台州話輔音攏共33個，分清音不送氣、清音送氣、全濁、次濁。
聲母
韻母
台州話個韻母有48個。
聲調
Remove ads
特點
1. 「交」許見母開口二等字，台州話里向基本上讀[k]，文讀、白讀不樣個少險。難板字讀/tɕ/要物分文[k]白[tɕ]，比方講「家屬」個「家」讀文讀[tɕia]/[cia]，「人家」個「家」讀白讀[ko]；「嘉、巧」字囥勒名字裏讀文讀音[cia]、[cʰiɔ]。（玉環話堂地除外）
2. 宕、江、通、臻（合口三等）攝個知、莊、章組聲母，台州話裏頭差蠻多。溫嶺話里，許字都讀舌面音；天台、三門、仙居話里向，宕攝字讀[ts]聲母個多，比方講「裝妝昌倡創商傷床」許；臨海話里向讀[ts]個字，比起頭前三個堂地來講數量少點。不過四個堂地，江、通、臻（合口三等）攝個字都讀/tɕ/，比方講「壯窗闖撞雙、中忠終腫沖蟲重竹祝粥叔觸、春唇純准順出術」許。
3. 效、流攝開口三等，知、章組字個聲母，台州話里向都蠻統一個，比方「手」搭「燒」兩個字，台州話里都讀舌面音，一般北部吳語都讀舌尖音。各許字，「超朝趙招召燒照少紹、抽周舟宙收手受臭獸售」也是僣。
4. 見、曉組聲母，後臗拼細音到，北部吳語裏向聲母都齶化到[tɕ]，南部吳語一許也齶化。台州話裏，除屑數堂地齶化爻之外，基本上都還帶箇特點，便是舌根音拼細音。箇一特點也是台州話獨成一派個主要特點之一。台州話裏，見曉組拼細音到，還照齊、撮呼分兩種。齊齒呼，除溫嶺、椒江、黃岩、玉環屑數堂地齶化爻之外，各許堂地都還保存舌根音[k]。一許人講，聲母不是舌根音[k]，是舌面中音[c]。實際上，箇舌面中音便是舌根音搭細音拼讀到，自自在在個「逆同化」，搭整體齶化變到舌面音[tɕ]是全個不樣個。另外，見、曉組聲母拼撮口呼到，台州話不管哪個堂地都不齶化，也便是[ky]、[kʰy]、[gy]、[hy]許，比方「舉歸區桂、卷捐圈勸、弓窮共兄凶、菊缺決曲」許字。總個來講，見、曉組拼「魚虞祭齊支脂微仙元先諄文陽東鍾」十五個韻母個合口三等字，瑲個台州話聲母都還不齶化。另外，止合三、通合三裏向一許有文白異讀個現象。比方「鬼軌衛危位、共供鞏恐」許，文讀音從撮口呼變到開合口呼。怪得，台州話個特色勿是尖團分不分，是尖團怎而分分。雖然南部吳語裏也有屑數堂地見組細音讀[k/c]，不過絕對無台州話裏向馨多、馨齊。
5. 宕、江攝韻母還有鼻韻、鼻化韻是北部吳語個共性。南部吳語裏有磐安、湯溪、文成、溫州許堂地韻尾落完，也不鼻化，是完全變元音韻母。台州話裏，三門話一許堂地變元音韻母，比方講張/tɕiæ/、幫/pɔ/。梗攝開口二等庚韻也讀/æ/，比方「撐生更梗坑硬棚爭耕」許。宕、江攝韻母，仙居、白塔許屑數堂地也讀元音韻母；天台話裏陽韻字讀鼻化韻母[iã]除外（實際上也有地區已經是[ia]、[a]），宕、江攝字都讀元音韻母[ɔ]、[uɔ]。臨海、溫嶺許堂地，貤搭北部吳語樣有鼻化韻。
6. 山攝合三仙韻知章組，北部吳語大多數堂地讀洪音，南部吳語個大多數讀細音，台州大多數搭南部吳語樣，讀撮口呼[yø]。比方講「專穿船傳」許字，臨海、天台、三門、溫嶺許堂地都讀細音。 便只黃岩、椒江搭溫嶺個屑數堂地（比方：澤國）讀洪音[ø]，聲母是舌尖音，不是舌面音（其實便是介音落爻）。
7. 效攝韻母，北部吳語大多數讀單元音，南部吳語裏頭是多元音個韻母，比例多。台州話裏向，三門、天台、仙居也讀雙元音[au]、[iau]。臨海、溫嶺許貤搭北部吳語樣是單元音。
8. 「萬」搭「飯」，台州話裏共個音，聲母都是[v]（屑數詞語有白讀音除外，比方講「千萬人」、「萬八」、「萬年路」）。南部吳語蠻多堂地音不樣，「萬」是[m]，「飯」是[v]，一兩個是[f]。
9. 「基」搭「資」，台州話裏都不共個音，頭個字是舌面音，後個字是舌尖音（寧海話里，「基」、「資」都讀[tsɿ]）。南部吳語裏向無數堂地共個音，聲母都是舌尖音。
10. 「姐」搭「者」共個韻𣍐。「姐、者」北部吳語裏不共個韻，南部吳語大多數共個韻要物共個音。台州話裏複雜點。假開三麻韻精組字韻母，台州話裏大多數讀[ia]韻，比方「笡(傾斜)斜邪謝」。「姐」兩個音：/tɕia/和/tɕi/。臨海、三門、黃岩、椒江許堂地讀[ia]韻，天台、仙居、溫嶺許堂地讀[i]韻。溫嶺個白讀是/ʨi/，文讀是[tɕia]要物/tɕiɛ/。麻韻章組字，台州話裏除「者」許屑數字外都讀[o]韻。「者」箇字台州話都讀/ʨia/。怪得，臨海、三門、黃岩、椒江、溫嶺許方言裏，「姐」、「者」共個音。
11. [ʨ]組聲母落爻。南部吳語裏[ʨ]組聲母落爻要物變零聲母有多有少。台州話裏目前無資料寫過箇現象。箇點搭北部吳語樣。
12. 小稱音變。箇南部吳語裏多，北部吳語裏少。台州話裏小稱音變搭南部吳語樣，也多險。
13. 陰平調型。陰平個調型，吳語個南搭北也差蠻多。北部吳語裏甬江小片搭上海小片個陰平調型是高降調，南部吳語大多數是中平調。台州話搭南部吳語樣，中平調多。臨海、黃岩、椒江屑數堂地小可中降。
14. 連讀變調個類型。南部吳語個變調類型「前變型」個多，北部吳語裏後字變調個多，台州話裏連讀變調個類型搭南部吳語樣，連讀變調個形式搭類型複雜。
Remove ads
特色詞彙
台州話讀音搭普通話猴不樣，實際上無數詞語用漢字寫起便是古老個詞。
人稱
複數
疑問代詞
副詞
- 不：讀feh，也好寫成『弗』。
- 不是：勿是
- 不要：休要
- 不會：要弗得
- 會：要勒得
- 可以：好，好用
- 不可以：嘸出，無用
- 正好：扣好
- 很：X猛，X顯，X得猛，能，侯，非常...
- 不止：弗叫
- 願意：肯
- 不願意：弗肯
- 對不起：對弗住
- 重新：轉
- 也許：嘸數
- 差點兒：差眼湊
- 打算(與事實相反)：划算
- 哪裏(謙虛)：打算啊、幾時咸、咸伊咸、咸橫咸、嚡橫咸
- 受不了、忍不住：醒弗牢，熬弗牢，忍弗牢(忍是內因，熬是外因)
連詞
- 如果：比方，假如，空是講，空把
名詞
- 上面：上向，上門，上面，上橫頭
- 下面：下向，下門，下面，下橫頭，下底
- 裏面：里向，里門，肚裏，裏面，裏頭
- 外面：外向，外門，外面，外頭
- 今天：今日
- 明天：天亮
- 去年：舊年、去年
- 明年：下年
- 早晨：枯心(頭)、五更
- 上午：早界(頭)
- 中午：日晝(頭)、日頭晝
- 下午：晏界(頭)、晚界(頭)
- 晚上：晚頭、黃昏(頭)、黃昏夜頭
- 白天：日里、日得
- 黑夜：夜裏、夜得
- 一下：一昶、一擊
- 剛才：頭起、起頭、對起、上先、對昶
- 剛剛：扣昶
- 從前：早垡、早日
- 現在：瑲朞、瑲
- 以後：轉日
- 以後幾年：轉來年
- 上次：上垡，頭遍
- 下次：下垡，轉遍
- 一次：一垡，一遍
- 工作，幹活：做生活
- 錢：鈔票，銅鈿
- 一毛錢：一角頭
- 五毛錢：五角頭
- 一塊錢：一塊頭
- 五塊錢：五塊頭
- 十塊錢：十塊頭
- 一百塊錢：一百塊頭
- 硬幣：鑞板、角子
- 散錢：散票
- 畜牲：眾生
- 窩：窠
- 學校：學堂
- 衣服：衣裳
- 家，家裏，房子：屋裏
- 桌子、椅子、凳子：桌、椅、凳頭
- 臉：面、面頰股
- 鼻子：鼻頭
- 肚子：肚、肚棚
- 長相：面臉、面嘴、面嘴相、面范、面狀、頭面、人范
- 身材：里子格
- 高度、長度：長頭
- 寬度：闊頭
- 腰圍：腰頭
動詞
- (雨、雪)下：落
- 下雨了：雨落來爻
- (雨、雪)停：晴
- 融化，溶化，熔化：煬
- 知道：有數，曉得
- 不知道：弗曉得、弗識、曉弗得
- 打：打
- 摔：摜
- 拿：馱
- 背：擐
- 提：挈
- 放：囥、拵
- 約束，戒：儆
- 端：掇
- 盛飯：兜
- 給：畀(撥)
- 擰：扭
- 踩：踏
- 用力踩：頓
- 擦拭：繳
- 扔：掽
- 握，持：捏、揢
- 把持：(車龍頭)把
- 塞：䂻、著(𣥼)
- 按、壓：捺
- 撓癢：抓
- 看：望
- 想：忖
- 說：講
- 哭：沱
- 喝：呷
- 眨：䀹(䀫)
- 弄、做：妝
- 欺負、戲弄：妝(裝)扮
- 聊天：講白嗒
- 站：徛
- 跑：𧼱
- 走：趒
- 回：轉
- 追：遰(遞)
- 蹲：跍
- 跨：踫(𨂝)
- 穿(衣裳)：撯(着)
- 穿(褲子)：系
- 下棋：撯(着)棋
- 睡覺：睏覺
- 玩：攪、嬉、賤、來
- 找：尋
- 丟臉、臉紅：倒霉
- 倒霉：倒運
- 塗抹：搨
- 晾：㫰
- 滴水：渧
- 挑選：揀
- 篩選：遴
- 娶老婆：討老安
- 發霉：出白殕
- 收拾：捉拾
形容詞
- 多：旺
- 好看：好看(看，音欠)、好望
- 差：吞
- 錯：賺
- 對：是
- 胖：壯
- 瘦：㾹
- 寬：闊
- 窄：狹
- 小：細
- 黑：烏
- 正確：正是
- 有X：有得
- 沒有X：無(俗作：嘸)得
- 沒有：無
- 簡單：省力，簡單
- 空的穀子、餓：㾎(音瞎）
- 夠了：有爻，是爻
- 厲害：實力，結棍
- 行，可以：好用
- 不行，不可以：無用
- 年輕：後生
- 最後：落腳，末腳
- 髒：邋遢、疙瘩、破爛
- 容易X：快X
- 不容易髒：難齷齪
- 乾淨：乾淨、清爽
- 惹人厭，討厭：戳眼
- 噁心：膩心
- 難為情，害羞，靦腆：倒霉
- 身材：人山
- 壞：吞
- 壞了：無用
- 死定了：送命
- 囂張：橫、花蒼蠅
稱謂
Remove ads
相關條目
Wikiwand - on
Seamless Wikipedia browsing. On steroids.
Remove ads