周立波

周立波（1967年4月22號生）是上海鼎鼎有名個滑稽戲演員，1981年進入上海人民滑稽劇團。拜周柏春為師。勒80年代末成名，渠個表演風格邪氣特別，獨具一格，拿各派滑稽融合勒一道。但又弗會少脫才思敏捷個調侃搭仔嘲諷。90年代因個人原因，暫時性個離開劇場，迭段辰光當中渠接觸哉社會各種層面個物事。2006年12月1號，勒安福路戲劇沙龍開哉頭一場海派清口專場演出。2008年底，周立波獨創個海派清口《笑侃三十年》《笑侃大上海》勒上海產生了邪氣大個影響塔轟動。渠個藝術形式就是，一個人，一把提示夾，一隻矮凳，連勒浪兩個鐘頭個上海言話脫口秀。2010年成為中國大陸娛樂節目《中國達人秀》個評委之一。