四川北路街道

四川北路街道是上海市虹口區一個街道辦事處，東到歐陽路、臨平北路、四平路、虹口港，南到海寧路，西到河南北路、武進路、羅浮路、軌道交通3號線、寶源路、寶山路、東江灣路，北到四川北路、甜愛支路、山陰路、四達路，面積約2.33平方公里^[1][2]。戶籍人口12.76萬人（2009年）。

四川北路街道

歷史

歷史上，箇只街道管個地方是上海公共租界北區搭仔越界築路區。箇塊地方1860年代開始造個，到20世紀初，多倫路、溧陽路、山陰路、黃渡路兩面造出來交交關關個花園洋房、公寓、里弄，今朝叫伊拉山陰路歷史文化風貌區。四川北路形成繁榮個商業街。

四川北路街道里向個路多數儕嘸沒拓寬過，還是租界造伊個辰光個路闊，包括南北向貫穿管理範圍個四川北路。

20世紀上半葉，曾有多唻嚇死人個日本僑民住拉四川北路街道管理區域裏向，區域裏向出現為伊拉服務個福民醫院（今朝個第四人民醫院）等。魯迅、茅盾、郭沫若、丁玲等作家也跑到箇埭來住，開展文學活動。

2018年1月29號，經上海市人民政府批准，四川北路街道海寧路以南個區域同已經撤銷脫個提籃橋街道合併出北外灘街道^[3]。