上海公共租界

上海公共租界（英文：Shanghai International Settlement）是近代立在中國存在過個幾隻公共租界之一（挺下來個有閩南鼓浪嶼個鼓浪嶼公共租界搭仔蕪湖個蕪湖公共租界）。由老早個上海英租界搭上海美租界合併形成。擁有管理租界個專門機構工部局。對上海個發展搭城市文化個確立有邪氣深遠個影響。

1928年個上海公共租界外灘，右面是歐戰銘記碑

一戰前個上海工部局旗幟

一戰前個上海工部局徽章

隨咾同大清簽訂條約個列強越來越多，伊拉個國民也成為租界管理個一部分，工部局旗浪印有奧匈帝國、丹麥、法蘭西第三共和國、義大利王國、荷蘭、瑞典-挪威聯盟、葡萄牙王國、俄羅斯帝國、西班牙王國、英國搭仔美國個國旗。

佢個座右銘謳作Omnia Juncta in Uno（拉丁文），意思是合眾為一。

歷史

上海縣城搭租界個變遷圖

上海公共租界個歷史從1840年代初期開始，一直持續到1940年代開始辰光，基本上有一個世紀。

創立

1843年11月，上海依照英國搭滿清帝國個《南京條約》，對西方國家個人開放居住個權利。佢最頭起個外國居民，主要是美國人英國人，畀其他人謳作「上海蘭人」（Shanghailanders）。12月，上海道台搭英國領事劃定上海英租界個界限，迭個區域，就是乃朝個上海外灘附近。到1844年，已經有英國個怡和洋行、寶順洋行租界土地，開始修造西方樣式個樓宇房屋。1845年，英國搭上海道台簽署《上海土地章程》。個當中，正式拿上海老城廂北面八百多畝個土地確定為英國個居留地。1846年，南、西面邊界也確定，迭個辰光，租界面積有一千多畝。

1848年11月27號，英租界個西面邊界退役到乃朝個西藏路；立在同一年，美國聖公會個傳教士開始立在吳淞江北面修造自家個房屋，搭上海道台進行交涉之後，虹口開始作為美國個租借地，形成美租界。

1853年9月7號，小刀會拿上海老城廂占據。上海道台遠循。租界正式擺脫對上海地方政府個交涉，開始自家完全獨立發展。1853年，太平天國賊匪占據江寧府。1854年7月11號，上海個三大租界建立聯合機構上海工部局，建立萬國商團並組建市面警察機構，正式形成上海城邦共同體。

定型搭拓展

1862年，因為權力矛盾，法國人退出聯合租界，自家設立公董局並管理上海法租界。1863年9月，英國搭美國立在上海個租界正式合併，一道交把工部局（Shanghai Municipal Council)管理。1848年11月27號青浦教案之後，上海道台允許英租界範圍西推，面積達到2800多畝。弗過，美租界一直無具體邊界。一直到1893年確定邊界之後，才確認美租界面積7800多畝。1899年，公共租界再次擴張，面積達到33000多畝（22平方公里）。北面個邊界達到寶山縣交界處，西面一直拓展到靜安寺，租界內興修各種設施，一派繁榮，蔚為大觀。

越界築路

為繼續獲得城邦發展個土地，公共租界多趟搭地方官僚交涉，弗過因為迭個辰光排外情緒逐步高漲，交涉無果而終。所以，工部局決定效仿南面個公董局，搞越界築路，越界築路個區域是租界好擁有徵稅搭控制權個場化，到1914年之後，公共租界依靠越界築路拿面積托拓展到4.7萬畝。

法律地位個解決（1920-1937年）

1920年代，上海公共租界個根基開始收到衝擊威脅。1925年5月30號，立在左翼個組織下頭，中國示威者勒拉南京路遊街，老閘捕房個巡捕槍殺示威者，引起中國全國性個愛國運動。五卅運動以後，大規模越界造路基本停止。上海公共租界繼續向外個擴張逐步畀控制下來。1927年，中國國民黨立在蔣中正個統帥下進行北伐戰爭，引發列強強烈緊張，上海租界個英法部隊達到兩萬多人，時刻警惕中國國民黨破壞上海個租界界限。弗過蔣最終妥協，立在江灣搞大上海計劃，公共租界繼續繁榮，弗過自治權已經越來越受到南京國民政府個威脅。

孤島

1937年中日戰爭暴發之後，日本軍隊老快攻克上海守軍，同時進入蘇州河以北個公共租界。之後，蘇州河以南個租界分別由美國、英國軍隊駐守，立在之後個戰爭中繼續保持中立長達4年。立在租界內個機構繼續運轉。同時因為戰爭原因，各地大量人口流入，變相造成公共租界個畸形繁榮。但是，隨咾第二次世界大戰個全面爆發，上海公共租界個軍隊亦弗得弗撤退。第一趟是1939年，因為波蘭戰役爆發，駐滬個英軍撤退。第二趟亦是阿末一次發生拉1940年8月，義大利王國對盟軍發動地中海戰役個兩個號頭以後。

終結

1941年12月8號，太平洋戰爭暴發，鼓吹黃種人解放旗號個日本人進駐公共租界個蘇州河南面區域。1943年，工部局正式撤銷，日本人裝模作樣拿租界交還汪精衛個傀儡政府，上演昭和性質個醜劇。1943年8月，公共租界個歷史正式結束。

管理機構

工部局大樓正門

工部局

主文章：上海公共租界工部局

上海公共租界工部局（Shanghai Municipal Council）是上海公共租界個行政管理機關，相當於租界裡向個政府，有伊拉自家個警察。必過，司法機構還有獨立個「會審公廨」，相當於法院。

工部局主要是英國控制，美國也部分參與工部局個管理生活里向。1920年代，費信惇（Stirling Fessenden）擔任工部局總董。1873年開始，工部局董事會裡向為德國人保留1個席位。第一次世界大戰結束以後，箇個席位畀轉交畀日本。1928年以後，工部局為華董增加三到四個席位。

上海公共租界個行政體制同上海法租界弗一樣，後者是法蘭西殖民帝國個一部分，是受法國駐印度支那總督個支配個；上海公共租界則是一個地方自治體，並弗直接受任何外國領事，甚至英國領事個管理。

巡捕房

上海公共租界巡捕房勒拉1854年8月成立，攏總有14個分區捕房。

會審公廨

主文章：會審公廨

提籃橋監獄

主文章：提籃橋監獄

萬國商團（Shanghai Volunteer Corps）

主文章：萬國商團

法律

公共租界嘸統一個法律體系。市議會有《土地條例》搭據箇制訂立個各許條例，對定居點個全部人有約束力。此外，搭中國簽訂治外法權條約個國家個公民搭主體是畀箇國本國個法律管轄。

1947年，領事裁判權全面取消，租界裡向個西方國家個人犯民刑事案件會得移送各國個領事裁判個法律根源消失哉，中國真正重新掌有全國個司法管轄權。