小沙渡

小沙渡是中华人民共和国上海市普陀区苏州河边历史上一只摆渡口外加地名。1980年，西康路桥修好，小沙渡停运，小沙渡个只地名逐渐弗再用哉。^[1]

十九世纪中期，伊个辰光苏州河南岸有块凸出个咀巴有过苏州河个摆渡，来勒乃朝西康路桥个埭。伊个辰光，附近有11户居民住，种蔬菜、水稻。摆渡西面有只石灰窑，故咾也叫“石灰窑”。1899年，小沙渡成为苏州河南岸上海公共租界搭华界个分界处，摆渡口帮现在个江宁路桥一带沙滩统称小沙，周围一圈就叫小沙渡。二十世纪初，小沙渡地区逐渐形成上海纺织厂顶集中个地区，日资棉纺织工厂就来勒个埭^[2]。外地人来上海寻生活，工人来勒周边搭棚户住，成为棚户区。个埭也曾经经历多趟火灾搭战争个破坏。^[3][4]