吳淞江
From Wikipedia, the free encyclopedia
Remove ads
吴淞江，东亚上海市区内河段习称苏州河（Soochow Creek），古称松江、吴江，亦名松陵江、笠泽江[1]，原为长江入海前着末一条支流，明代朝后成为黄浦江支流。吴淞江发源于苏州市吴江区松陵镇以南太湖沿岸个瓜泾口[2]，由西望东，勒拉今上海黄浦公园北侧外白渡桥以东汇入黄浦江，全长125公里。
地名来源
吴淞江，开初称松江。蒙元至元十五年（1278年）华亭府更名为松江府后，松江改叫吴淞江。上海开埠后，来沪外国人曾溯河朝上，发觉好趁船直抵苏州府城，乃末英文标准译名就变成功“Soochow Creek”[3]。1848年，上海道台搭英国驻沪领事签订展拓英租界条约个歇，头一趟勒正式文本里向，担吴淞江称为仔苏州河，后手来上海市区个民众也逐眼开始叫伊叫苏州河[4]。但苏州河北新泾开始个上游地区民众搭教科书等官方仍旧称之为吴淞江[5]。
地理水文概况
吴淞江，古太湖地区个三江之一（据《四库全书总目提要•卷十四•经部十四○书类存目二》：其训《禹贡》“三江”，既以松江、娄江、东江为三江咾啥），随太湖地区个逐渐成陆而弗断向东绵延。东晋时期，吴淞江入海口勒拉今上海青浦区白鹤镇西北个沪渎村[2]。唐代中期，入海口移至今上海虹口区顶北端个江湾镇以东。北宋时期，吴淞口移至今浦东高桥镇附近个南跄浦口，后最终由大跄浦口，即今吴淞口入长江[6]。
吴淞江早期作为太湖个下泄水道，河流宽阔。唐代个吴淞口宽达二十里，随后逐渐淤塞，至永乐初疏浚河道前，吴淞江只有150丈阔。目前吴淞江东西里狭、当中横里由苏州至甪直一段阔，顶阔个场许有得6、700米横里，上海市区段顶狭个场许只有得四五十米。
吴淞江受潮汐影响程度一般，地理学上向叫感潮河流。潮水来个辰光，潮流顶远好达到嘉定黄渡附近；受潮水影响咾水位发生变化个河段顶远是在拉青浦赵屯乡附近。吴淞江河流比降平缓，由黄渡至河口段，河底个比降仅为0.085‰。黄浦公园附近河口个多年平均潮位大概是3.12米，潮差1.83米。上游北新泾段高潮位2.78米，平均潮差0.72米[2]。
Remove ads
水利
疏浚情况
吴淞江个水利兴修好溯至唐元和年间。元和五年（810年），地方政府勒当时个松江华亭县青龙镇段修建河堤[7]。延及北宋庆历二年，自太湖至松江口（即松江出海口）全线堤坝修筑完毕，史称吴江塘路[8]。吴江塘路修建之后，松江水流蜿蜒曲折，乃末使得下游河道逐渐淤积，松江口宽度日趋狭小。
当时，吴淞江以南支流共96条，以北支流共82条，较大个河湾共五处，称之为五汇，较小个河湾共42处，称之为四十二弯。五汇，即白鹤汇、顾浦汇、安亭汇、盘龙汇搭河沙汇，迭眼大小弯道弗单减慢河水流速使下游淤积，外加勒潮汛期经常引发水患。自宋宝元元年起，当地政府采用裁弯取直个方法整理五汇。当年，勒拉华亭交昆山间个盘龙汇畀裁直，整修后个水道由四十里减至十里，工程完成后“道直流速，其患遂弭”[9]。北宋嘉祐六年（1061年），白鹤汇畀裁直。熙宁年间，白鹤汇与盘龙汇之间个顾浦汇畀裁直。迭三次裁弯取直以后，吴淞江个航运条件大幅改善，河道排水能力大幅提高。
但至北宋末宋徽宗崇宁二年（1103年），吴淞江下游潮泥淤积，水患复发。时任两浙路提举常平司个徐确通过考证《禹贡》中关于三江个内容，确定吴淞江古道，乃末上奏开挖自封家渡古道至大通港，但呒没几许辰光河口重新畀泥沙淤积煞，水患再度泛滥[10][11]。宋大观三年，两浙路监使重新疏浚吴淞江，共设置十二闸，以防长江河沙重新淤塞松江口。
虽然两宋三百余年，连续弗断个疏浚整修吴淞江也无法避免河流日渐萎缩个情况，但吴淞江个淤塞状况朆到达严重个地步。直到蒙元至元十四年，外海搭长江个大型商船仍能自吴淞江驶入，并直抵苏州个葑门。但此后，到大德八年(1304年），下游河道淤塞情况日趋严重。蒙元大德八年，时任海道千夫长个任仁发重新疏浚吴淞江[12]，西起当时上海县边界个吴淞江，东抵当时嘉定县个石桥浜。工程全长三十八里八十一步三尺，水道深一丈五尺，河面宽二十五长。之后元泰定元年(1324年）、至正元年(1341年），地方官员又两趟疏浚吴淞江，但始终只不过解决一时个问题，吴淞江逐渐萎缩个状况朆改观歇。
明洪武年间，吴淞江下游基本淤积成为陆地，黄浦（上海开埠后称黄浦江）汇入吴淞江个黄浦口个情况同样严重难以疏浚[13]。明永乐元年，苏州、松江两府地区发生大规模水患。明政府派户部右侍郎个夏元吉疏浚河道、弭平水患。夏元吉到任后，一方面采用元代周文英个观点，引太湖水从浏河、白茆入长江，即“掣淞入浏”。[14]另一方面伊担黄浦引入范家浜经吴淞口入长江，乃末吴淞口成为了黄浦江而弗是吴淞江个入河口，史称“黄浦夺淞”。但此举担吴淞江原先个上游来水进行分流，反而加速仔吴淞江个萎缩。明天顺二年，太湖流域大水，告咾疏浚西起大盈浦、东至吴淞江巡司个下游河道。此后勒拉成化十年、嘉靖元年分别两趟疏通吴淞江中游交上游河道。
明隆庆三年，时任南京都察院右佥都御史巡抚应天十府个海瑞整治吴淞江搭黄浦流域[15]。迭趟疏浚，担黄渡起至今福建路桥附近个河段由原宽三十丈缩减到十五丈，河床底部宽七丈五尺。迭趟疏浚完成后，吴淞江下游呈现出今朝看到个流向。迭歇，吴淞江勒近外白渡桥附近进入黄浦个范家浜河道，彻底成为黄浦江个支流哉。
满清时期，吴淞江下游疏浚依旧频繁，1670年，太湖水灾，翌年疏浚吴淞江。1673年，今福建路桥附近修建闸桥一座俗称老闸桥，17年后坍废[16]。1735年，勒金家湾即今大统路段新建闸桥，俗称新闸桥[16]。1763年，吴淞江黄渡镇段，因河弯水浅，而沿岸遍布民居，告咾勒拉镇南新开河道，称之为越河[2]。1827年，曹家渡上游区段疏浚，同时拆脱新闸桥。
1861年起，机器挖泥船开始用于吴淞江个河道疏浚。1914年6月，江南水利局成立吴淞江水利工程局，并分别于1919年、1920年、1924年分段疏通黄浦江下游区段个河流。1931年起至1937年，上海市工务局委托上海浚浦局开挖底泥。6年间共挖出底泥133万立方米。1950年，苏州河口至浒浦段进行底泥挖掘施工。此后个1963年、1979年、2011年分别进行了吴淞江个河道疏浚工程。
治污工程
1910年以前，上海个工业尚处起步阶段，苏州河水质朆受到歇污染。1911年，闸北水厂勒今恒丰路桥附近建造，2年后建成。闸北水厂采用苏州河水作为水源。但随苏州河沿岸工业区个兴起，沿河工厂担污水纷纷排入苏州河。自1920年起，每逢暑期高温来临，苏州河水便出现严重污染个状况。水中溶氧量为零，氮氨高达5毫克/升以上，外加水中有毒物质酚达到0.6毫克/升。1924年，由于苏州河水质情况极为严重，已经无法满足饮用水个水源最低标准，闸北水厂被迫搬迁至军工路，改用黄浦江水作为水源。1949年，污染区域扩大到吴淞江中山西路桥段。1956年，北新泾段水质也遭到污染。1977年，受污区域扩展至黄渡段，市区段河流鱼虾绝迹。到1990年，上海市境内个吴淞江共有27.6公里为严重污染河段。全年大部分时期，河流呈现黑臭个情况，严重影响了上海个景观搭市民生活。
苏州河整治一期工程
1988年，时任上海市市长个朱镕基确定整治苏州河工程作为市府个实事工程。1996年，经过多年个勘测、调研，上海市人民政府成立苏州河环境综合整治小组，确定“以水为中心、全面规划、远近结合、突出重点、分步实施”个方针。1997年，苏州河环境整治一期工程正式实施，河岸周围个黄浦、虹口、静安、闸北四区拆迁沿河码头，并布置沿河绿化，先行构造样板地段。1998年，市政府担沿河72家直接排污单位个排污口封堵脱，迭歇也勒上游兴建6条支流通往吴淞江个闸门。至2000年，苏州河个黑臭污染情况开始扭转[17]。
一期工程完成后，苏州河个恶臭状况勒2002年左右基本消除，水质达到地表水V类个景观水标准。其次勒2000年吴淞江污染顶重个断面底泥中，发现昆虫个幼虫。2001年，市区段重现成群个小型鱼类，同时滨河地区个绿化、公园、亲水准台大幅增加，改善了苏州河原先两岸枯燥个市容景观。
苏州河整治二期工程
2003年起，苏州河整治进入二期工程阶段，迭一阶段分八个项目完成，分别为：苏州河河口水闸建设工程、苏州河梦清园二期工程、苏州河上游地区-黄渡镇污水收集系统工程、苏州河中下游水系截污工程、苏州河沿岸市政泵站雨天排江量削减工程、苏州河两岸绿化建设工程、市容环卫建设专案、西藏路桥改建工程。二期工程总投资40亿元人民币，勒2005年底前全部完成。
二期工程完成后，吴淞江中游个河滨环境得到改善。迭歇新建成功个苏州河河口水闸个双向挡水，形成完善个苏州河综合调水系统，苏州河干流、支流水质继续稳步好转。吴淞江全线截流封堵向苏州河排污个污染源达到594个，嘉定区南翔、江桥、黄渡段个河道污染状况明显缓解。根据2005年个水质监测资料，化学需氧量、生化需氧量达到地表水IV类标准。氨氮标准受上游个支流等影响，但上下游个情况基本持平[18]。
苏州河整治三期工程
2006年起，苏州河开始进入大规模整治个压末一个阶段，三期工程。至2011年，三期工程进行到顶重要个疏浚底泥工程。三期工程主要分为水系截污治污工程、长宁区环卫码头搬迁工程、青浦地区污水处理厂配套管网工程和下游段防汛墙加固改造和底泥疏浚工程[19]。
Remove ads
经济
渔业
吴淞江自古作为吴越重要个河流，太湖搭长江、东海个沟通管道，渔业资源丰富。吴淞江中顶有名个是为松江鲈，迭种鲈鱼出产于松江之中，故名。东晋时，吴人张季鹰勒洛阳城因见秋风起，想念起吴地个莼菜、松江鲈鱼而辞官回乡，即莼鲈之思[20]。
航运
吴淞江勒元代以前，大型海上商船可经由此驶往苏州府城。19世纪末20世纪初，苏州河沿岸树立大量内河小火轮码头，是当时上海个内河客运中心（十六铺码头当时主要停靠海轮）。目前，吴淞江可由黄浦江内个上海港区驶入，沿河直达苏州宝带桥与京杭大运河相连。日常吴淞江水深低时一般勒拉2米以上，容百吨级船舶进入行驶。平常由于跨河桥梁、架空桥梁较多，加之市区段个桥梁普遍较低，个咾大潮来临时，船舶航行能力也只有百余吨[21]。
跨河桥梁
Remove ads
人文
旅游
苏州河治理工程推进仔以后，吴淞江水质也好转起来，吴淞江下游河段开始恢复游船搭赛龙舟，吸引并促进旅游产业。迭歇配合沿岸个历史建筑搭创意园区构成上海个一处旅游平台。
2000年，苏州河一期工程收尾，水质明显改善仔之后，苏州河上赛龙舟个传统民俗活动逐眼开始恢复起来。2003年10月下旬，由中国国家体育总局社会体育指导中心、上海市体育局、中国龙舟协会搭普陀区人民政府主办个第一届中国上海苏州河城市龙舟国际邀请赛开桨。到2011年已办到第八届，还有得荷兰、比利时等国一淘参加[22]。
2010年4月30日，上海世博会召开之前，吴淞江个普陀段开辟苏州河水上游览，[23]在丹巴路码头至昌化路码头间往返运行，同年8月15日，增加仔夜间航行[24]。
2020年底，勒拉上海中心城区个苏州河42公里岸线公共空间基本实现贯通开放。公共空间有绿地、道路景观搭亲水平台[25]。
2021年3月14号，苏州河42公里滨河空间当中个嘉定段基本完成，部分空间开始对外开放[26]。
2021年12月23号夜头，苏州河静安段6.3公里长个南北沿岸景观灯光侪亮哉[27]。
2022年1月18号，苏州河黄浦段个绿地灯光搭岸线灯光已经有蛮多哉[28]。
2022年9月17号，苏州河旅游水上航线开通试运营[29]。外滩源、四行仓库、昌化路、长风公园四个码头首先投入试运营。丹巴路码头、中山公园码头、西康路码头搭梦清园码头也会得勒拉2022年年内交付[30]。12月15号，“悠游苏州河”水上航线正式投入试运营[31]。
体育
上海赛艇公开赛从2021年开始，每年10月份会得勒拉苏州河上举行。当中，4.2公里项目个起点是普济路桥，500米项目个起点是河南路桥，伊拉个终点侪是外白渡桥附近个水域[32]。
滨河优秀建筑
吴淞江作为上海顶重要个一条河流以及近代上海个见证，近边优秀历史建筑众多。譬方外白渡桥、四川路桥、乍浦路桥等桥梁建筑，也有得俄罗斯联邦驻沪总领事馆、原英国驻沪总领事馆等政治建筑，还有得上海邮政总局、四行仓库等文化历史建筑。顶有得代表性个是：
- 外白渡桥
- 俄罗斯联邦驻上海总领事馆
- 上海大厦
- 英国驻上海总领事馆
- 乍浦路桥
- 光陆大楼
- 上海邮政总局
- 四川路桥
- 河滨大楼
- 上海总商会旧址
- 四行仓库
- 福新面粉厂
- 上海造币厂
- 圣约翰大学旧址
- 曹杨菜市场
Remove ads
参考文献
参见
Wikiwand - on
Seamless Wikipedia browsing. On steroids.
Remove ads