嵊泗县

嵊泗縣是浙江舟山個一個縣，徠勒上海搭長江口個東南半邊、杭州灣東半邊、浙江東北半邊、舟山群島北半邊。嵊泗縣包括泗礁山、大洋山、小洋山、嵊山等404隻島嶼，當中常住有人個島15隻。小洋山現在是上海重要個港口，該𡍲有東海大橋連到上海浦東。

注意：搿只頁面包含Unicode 新版用字：「𡍲」。有點字可能弗會得正常顯示，儂好看看Unicode 擴展漢字。

嵊泗縣政府來泗礁島高頭個菜園鎮。嵊泗陸地面積86平方公里，海域面積8,738平方公里，堪稱「一分島礁九十九分海」。該晌有7個鄉鎮，戶籍總人口8萬。老底子屬浙江，清朝中前期個辰光劃畀由江蘇管轄，1953年劃還畀浙江（1960-1962年個辰光歸上海）。