江苏省
中国个省 From Wikipedia, the free encyclopedia
Remove ads
江蘇省，中華人民共和國一個省份，簡稱蘇，勒世界第三大河長江搭淮河下游，黃海邊浪。省會是六朝古都南京。
| 江蘇省 | |
| 簡稱：蘇 | |
| 省會 | 南京 |
| 面積 - 總面積 - 占全國面積％ - % 水域面積 |
第24位 102,600 平方千米 1.07% xx% |
| 人口 - 總人口 (2003年底) - 占全國人口％ - 人口密度 |
第5位 7405.8萬 5.7% 721／平方千米 |
| 國內生產總值 - 總值 (2005年) - 占全國生產總值％ - 人均國內生產總值 |
第3位 18272.12億人民幣 10.67% 24843.13人民幣 |
| 行政區類別 | 省 |
| |
歷史
江蘇得名於1666年，取兩個府個首字：「江寧」個「江」，「蘇州」個「蘇」。
春秋戰國
勒上古時代，江蘇援開華夏文明中心————河南西北部蠻遠個，其北部是古代民族淮夷個地盤，南部是古代民族越族個一個聚居地。從周朝開始，接觸增多，江蘇南部興起個吳國 (國都姑蘇，今蘇州)，是周朝個幾百個諸侯國之一。春秋末期，吳國勒國王闔閭辰光變成強國，勒前484年打敗北方強國齊國（現在勒山東），稱霸一方。前473年，吳國撥勒現在浙江東部個越國滅脫，前333年，越國又撥西面個強國楚國滅脫，最終秦國勒前221年消滅所有個對手，形成基本統一個中國。
漢晉南北朝
勒中國頭一個黃金時代漢朝 (前206年 – 220年)， 江蘇還是一個遠離華北平原文明中心個荒蠻之地。當時江蘇屬於2個州: 北部徐州搭南部揚州。三國辰光，江蘇南部是吳國 (222年－280年)個大本營。317年，西晉撥北方游牧民族攻破，貴族逃到江南，勒建康(今南京)先後建立東晉搭之後個4個朝代 (南朝，420年－589年)。江蘇北部變成雙方交火個中間地帶，有個辰光屬於南方，有個辰光屬於北方。
隋唐
589年隋朝滅脫陳，重新統一南北，完成貫通南北個京杭大運河。
唐朝(618年-907年) 是中國第二個黃金時代。後期揚州成為中國頂頂有名個商業城市，俗稱「鹽埠頭」。今江蘇南部屬於江南東道，江北淮河以南屬於淮南道。但是該歇個江蘇地區勒搿個辰光，還弗像中原一帶能重要。
宋朝
宋朝(960年-1279年) ，賅鈔票個商人階層搭新興個市場經濟得到發展，蘇州搭揚州等主要城市成為新興商業中心，成為「富裕」搭「奢侈」個代名詞。
今江蘇蘇錫常鎮地區屬兩浙西路。南京地區屬江南東路、江北淮河以南部分屬於淮南東路。
元朝
明朝
1368年，洪武皇帝（朱元璋）建立明朝，拿占據中原個蒙古人趕脫，定都南京。朱元璋以南京搭俚老家鳳陽為中心，拿周邊城市拼成「直隸」，像拿浙西個蘇州府、松江府、常州府、鎮江府併到直隸里向。永樂皇帝遷都北京後改南直隸；勒後來今朝個江蘇省境內一龍總設7個府，里向勒江南個有5個：應天府（南京）、蘇州府、松江府（上海）、常州府搭鎮江府；勒到江北個只有2個：揚州府搭淮安府。
1421年，永樂皇帝（朱棣）遷都北京。之後，南北兩京搭兩直隸並立200多年，江蘇，特別是南部蘇州地區，主要因為紡織工業繁榮，繼續成為全國個經濟中心，並且工業化搭城市化程度最高，大大小小市鎮星羅棋布，地價高、賦稅重，名列全國之首。同時搿一帶個文化水準也是全國頂高個，狀元人數勒全國科舉考試中長期占相對比較高個比重（清代數字是全省占40％，蘇州府占20％），對全國文化性格搭審美情趣產生深遠影響。揚州搭淮安2座城市因為是京杭大運河上漕運（南方糧食運到京城）搭食鹽貿易個控制點，名列中國長江以北少數幾個頂繁榮個城市當中。
洪武皇帝拿長江淮河南北差異大來交關個地區放勒一個行政區里向。幾個世紀以來，江南個富裕程度搭影響力大大超過江北，也為之後「江南江北，兩個世界」打下伏筆。
清朝
1645年，清朝部隊攻占揚州搭南京，俘虜南明弘光皇帝，乃末拿南直隸改成江南省。1666年，因為江南省規模忒大，分設江蘇省搭安徽省，個也是現代江蘇得名個開始。清軍勒揚州、江陰搭嘉定等地撥激烈抵抗，製造揚州十日、江陰屠城了啥實梗個慘劇。
清代，江蘇巡撫駐紮勒蘇州，安徽巡撫駐紮勒安慶，勒南京設有節制江蘇、安徽、江西三省個兩江總督。江蘇、安徽兩省個鄉試吶，一例共用同一個江南貢院（勒今南京夫子廟）。1780年之前，管理安徽民政個安徽布政使也長期寄駐勒南京，1780年安徽布政使遷到安慶之後，勒南京另設江寧布政使一職，管理江寧（南京）、揚州、淮安、徐州4府搭通、海2直隸州。江蘇學政駐紮勒江陰。另外勒淮安府城駐紮有漕運總督，府城西北15公里處清江浦（今淮安市主城區）駐紮有南河總督（江南河道總督）。兩淮鹽運使駐紮勒揚州。
清代江蘇省勒沿海地區增設3個直隸州：太倉、通州（南通）搭海州（連雲港），並拿徐州由直隸州升成府。因為人口大量增加，江蘇南部交關縣儕一分為兩，造成2個縣共用1個縣城個情況（民國之後消失），蘇州城裡向甚至同時有3個縣個縣衙：吳縣、長洲縣搭元和縣。
1840年代，江蘇開始受西方影響，江蘇東南部原來一個弗知名個小地方上海縣撥開成通商口岸，並設立上海公共租界搭上海法租界，迅速發展成貿易、金融搭國際化個大都會，後來勒1927年正式脫離江蘇成為獨立個院轄市。鎮江搭蘇州也有過規模較小個租界。晚清時期，江蘇南部還受到過太平天國運動個強烈影響達十幾年，庚申之劫使得該個地區損失交關慘重。
中華民國
中華民國勒1912年成立，一起先幾個月個首都是南京。1916年袁世凱過輩仔全國陷入軍閥割據狀態，江蘇也換著幾趟東家，北伐戰爭前夕是孫傳芳。該個辰光，江蘇南部個民族工商業迅速崛起，無錫、南通搭常州個紡織工業發展得蠻來事。
1927年4月，蔣介石勒南京建立中央政府，並勒10年裡向統一著大半個中國，同時進行著蠻多現代化建設，包括修建早期個公路網了啥。1928年國民政府正式定都南京仔，進行大規模個首都建設，南京，上海脫離江蘇省，江蘇省會遷到鎮江（1929年）。
1937年抗日戰爭全面爆發，蔣介石個黃金時代中斷。1937年12月13號，南京陷落，勒3個月裡向，死脫300，000人，個就是日本人製造個臭名昭著個南京大屠殺。滬寧鐵路沿線個蘇州了無錫了常州了鎮江了儕撥拉弗同程度個破壞。故歇之後一逕到1945年戰爭結束，南京是中國東部淪陷區汪精衛傀儡政府個首都。
戰爭之後中央政府從重慶還都南京，朆過多少辰光就搭立足東北、華北個中國共產黨爆發國共內戰。其中1948年底徐州附近個淮海戰役，共產黨基本浪打敗國民黨個主力。1949年4月，共產黨軍隊迅速渡過長江，攻占 南京，國民政府撤退到台灣，必過中華民國個憲法浪還是認為南京原是中華民國個正式首都。
中華人民共和國
中華人民共和國成立仔，首都遷到北京。建國初江蘇省撥拉分成過蘇北行署搭蘇南行署，1953年咦合併成江蘇省，省會來南京。
1980年代，江蘇南部個鄉鎮企業就交關有名。尚況鄧小平經濟改革開始個熱點地區集中勒南部海岸個廣東省，朆有多少辰光就拿江蘇超過。1990年代開始，以上海為中心個長江三角洲地區得到重視，江蘇南部搭上海聯繫緊密個兩個城市蘇州搭無錫充滿活力，國內生產總值儕超過省會南京，名列全國十強。
Remove ads
地理
行政區劃
| 地級市 | 市轄區 | 縣級市 | 縣 |
| 南京(副省級) | 玄武 白下 秦淮 建鄴 鼓樓 下關 浦口 棲霞 雨花台 江寧 六合 溧水 高淳 | / | |
| 徐州 | 鼓樓區 雲龍區 九里區 賈汪區 泉山區 | 新沂 邳州 | 豐縣 沛縣 銅山 睢寧 |
| 連雲港 | 連雲區 新浦區 海洲區 | / | 贛榆 灌雲 東海 灌南 |
| 宿遷 | 宿城區 宿豫區 | / | 沭陽 泗陽 泗洪 |
| 淮安 | 清江浦區 淮陰區 淮安區 洪澤區 | / | 金湖 盱眙 漣水 |
| 鹽城 | 亭湖區 鹽都區 大豐區 | 東台 | 射陽 阜寧 濱海 響水 建湖 |
| 揚州 | 廣陵區 江都區 邗江區 | 儀徵 高郵 | 寶應 |
| 泰州 | 海陵區 高港區 姜堰區 | 靖江 泰興 興化 | / |
| 南通 | 崇川區 港閘區 | 海門 啟東 通州 如皋 海安 | 如東 |
| 鎮江 | 京口區 潤州區 丹徒區 | 揚中 丹陽 句容 | / |
| 常州 | 鐘樓區 天寧區 新北區 武進區 金壇區 | 溧陽 | / |
| 無錫 | 錫山區 惠山區 濱湖區 梁溪區 新吳區 | 江陰 宜興 | / |
| 蘇州 | 吳中區 相城區 姑蘇區 虎丘區 吳江區 | 崑山 太倉 常熟 張家港 | / |
經濟
根據2005年江蘇省國民經濟和社會發展統計公報公布江蘇省2005年地區生產總值（GDP）為18272.12億，居全國第三(僅次於廣東搭山東)，比上年增長14.5%。全年進出口總額2279.41億美元。
人口
2005年底，全省常住人口7474.5萬人，全年人口出生率9.24‰，死亡率7.03‰，人口自然增長率2.21‰。
方言
作為一個朱元璋製造個南直隸後遺症，江蘇 嘸沒單一個文化搭方言。整個省份按照流域劃分，大體可以分為三大方言區。其中，吳語是搭南面個浙江、上海有相似關係。江淮官話當中個南京等地搭淮西聯繫也比較大。揚州、鹽城、淮安、鎮江搭下頭個城市是淮東口音。徐州牌場許，就徹底是內亞個中原官話哉。 弗過，搭安徽弗一樣，江蘇個中原官話使用人口比較少，大部分人儕是講吳語或者江淮官話個。近幾年，因為普通話個強制推廣。來勒蘇州、無錫等外來人口多個大城市，吳語個使用已經收到邪氣大個衝擊。
江淮官話
揚州、淮安、鹽城3市全部，南京、鎮江、泰州3市大部，連雲港市區搭下頭灌雲、灌南2縣，宿遷沭陽、泗陽、泗洪3縣，南通市區搭下頭如皋市、海安縣全部、如東縣大部、通州市小部。
吳語
中原官話
徐州市全部，宿遷市區，連雲港贛榆、東海2縣。
Remove ads
文化
江蘇自古以來是中國文化重心之地，並經歷文化重心從唐漢以前個江淮地區到唐漢以後個江南地區轉移。江蘇勒文化上有「吳韻漢風」一說，江南地區屬於吳文化圈，而徐州連雲港淮北地區則屬於中原文化搭北方語系（北語）地帶，兩者之間為吳韻漢風共同滋潤個江淮地區。這種文化高頭個差異，也讓江蘇人對省份認同感弗是老強。一般吳越地區個居民更歡喜認同蘇南或者蘇錫常個概念，江淮地區個居民更歡喜認同淮揚個概念。
全省共有2個世界遺產、5個國家重點風景名勝區、7座國家歷史文化名城、5座省級歷史文化名城、7座中國歷史文化名鎮、120個全國重點文物保護單位（含京杭大運河江蘇段）、645處省級文物保護單位。
Remove ads
旅遊
2003年底，國內旅遊收入975.0億元，國際旅遊外匯收入11.3億美元。
教育
江蘇是中國教育大省。2003年全省擁有普通高校105所，本專科在校生85.97萬，研究生在校生5.36萬。普通高校數搭在校人數儕居全國首位。普通高中在校生124萬，普通初中在校生370.35萬，小學生人數579.39萬。
江蘇一龍總有89個國家重點學科，88位勒江蘇工作個兩院院士，11所211工程高校，10所中央部委直屬高校。江蘇個國家重點學科、兩院院士、一級學科博士授權單位，一級學科博士授權專業、博士點、碩士點、國家重點實驗室等數量儕居全國第二位。
教育部屬&211&985
教育部屬&211
國防科工委屬&211
省屬&211
省屬
宗教
基督教
好統計個信徒作興有120萬人，多數集中來北部宿遷、淮安、鹽城、徐州、連雲港5市。
勒江蘇北部，僅原真耶穌教會信徒就有廿萬人。
南京個金陵神學院是中國基督教獨獨個全國性學堂。
勒有星城市還保留著部分老早傳教士造個老教堂，像南京個聖保羅堂、漢中堂搭蘇州個聖約翰堂、樂群社會堂、思杜堂。近年把來，江蘇南北各地咦新建著一批大型教堂。
天主教
好統計個信徒21萬人。
- 南京教區--信徒有12萬人，無錫市頂頂集中。轄區包括蘇州、南通、徐州以外個10個市。
- 蘇州教區
- 海門教區
- 徐州教區
伊斯蘭教
- 南京三山街淨覺寺
- 鎮江山巷清真寺
佛教
道教
- 蘇州玄妙觀
- 句容茅山道院
建國後主要領導人
- 省委書記
- 陳丕顯（1949年5月 - 1952年10月）（蘇南區委書記）
- 蕭望東（1949年5月 - 1952年10月）（蘇北區委書記）
- 柯慶施（1952年10月 - 1954年8月）
- 江渭清（1954年8月 - 1970年12月）
- 許世友（1970年12月 - 1977年12月）
- 許家屯（1977年12月 - 1984年12月）
- 韓培信（1984年12月 - 1989年12月）
- 沈達人（1989年12月 - 1993年9月）
- 陳煥友（1993年9月 - 1999年12月）
- 回良玉（1999年12月 - 2002年12月）
- 李源潮（2002年12月 - ）
(截止2006年1月)
- 省長
- 譚震林（1952年11月 - 1955年2月）
- 惠浴宇（1955年2月 - 1968年3月）
- 許世友（1968年3月 - 1977年12月）（革委會主任）
- 許家屯（1977年12月 - 1979年12月）（革委會主任）
- 惠浴宇（1979年12月 - ？）
- 韓培信（？ - 1983年5月）
- 顧秀蓮（1983年5月 - 1989年4月）
- 陳煥友（1989年4月 - 1994年9月）
- 鄭斯林（1994年9月 - 1998年9月）
- 季允石（1998年9月 - 2002年12月）
- 梁保華（2002年12月 - ）
(截止2006年1月)
Remove ads
外部連結
- 中國江蘇（官方網站）
Wikiwand - on
Seamless Wikipedia browsing. On steroids.
Remove ads