徐家汇观象台

徐家匯觀象台（法語：L'Observatoire de Zi-Ka-Wei），貤叫徐家匯天文台、天主教江蘇教會觀象台、徐家匯氣象台咾啥個，簡稱徐台，是老底子法國人來勒上海徐家匯設置個綜合觀測站，原址來勒乃朝徐匯區蒲西路166號。徐家匯觀象台是1872年由法國天主教耶穌會建立個，有中國頂古老個氣象觀測站，號稱「遠東氣象第一台」。^[1]全盛時期個徐家匯觀象台下頭有三隻附屬台，兼由氣象、天文、地磁、地震咾啥個觀測功能，提供天氣預報、授時等公共服務搭仔科研服務。抗日戰爭爆發以後，徐家匯觀象台地位弗斷下降，必過氣象觀測從嘸沒斷過^[2]；上海戰役結束以後畀共產黨接收，改編出上海中心氣象台搭仔上海天文台。徐家匯觀象台老建築現在還勒壗，是上海市文物保護單位，2012年，上海市氣象局出鈔票修繕伊，拿伊改造成功上海氣象博物館。^[3]2013年開始，博物館是徐家匯源景區個一部分，限時對遊客免費開放。^[4]

徐家匯天主教歷史建築群 徐家匯觀象台舊址
上海市文物保護單位
所在	上海市徐匯區
坐標	31°11′27″N 121°26′12″E
分類	近現代重要史跡及代表性建築
時代	1901年
編號	8-24
登錄	2014年4月4號