徐家汇观象台

徐家汇观象台（法语：L'Observatoire de Zi-Ka-Wei），貤叫徐家汇天文台、天主教江苏教会观象台、徐家汇气象台咾啥个，简称徐台，是老底子法国人来勒上海徐家汇设置个综合观测站，原址来勒乃朝徐汇区蒲西路166号。徐家汇观象台是1872年由法国天主教耶稣会建立个，有中国顶古老个气象观测站，号称“远东气象第一台”。^[1]全盛时期个徐家汇观象台下头有三只附属台，兼由气象、天文、地磁、地震咾啥个观测功能，提供天气预报、授时等公共服务搭仔科研服务。抗日战争爆发以后，徐家汇观象台地位弗断下降，必过气象观测从呒没断过^[2]；上海战役结束以后畀共产党接收，改编出上海中心气象台搭仔上海天文台。徐家汇观象台老建筑现在还勒壗，是上海市文物保护单位，2012年，上海市气象局出钞票修缮伊，拿伊改造成功上海气象博物馆。^[3]2013年开始，博物馆是徐家汇源景区个一部分，限时对游客免费开放。^[4]

徐家汇天主教历史建筑群 徐家汇观象台旧址
上海市文物保护单位
所在	上海市徐汇区
坐标	31°11′27″N 121°26′12″E
分类	近现代重要史迹及代表性建筑
时代	1901年
编号	8-24
登录	2014年4月4号