朝宗门

朝宗門，又叫大東門，是上海明清時期個一座城門，勒拉上海老城廂東面，今朝個上海市黃浦區中華路復興東路路口西面。

明嘉靖三十二年，為咾防備倭寇入侵，修上海城牆，朝宗門是伊個辰光開個6座城門之一。其南面個肇嘉浜上設有一座水門，方便水路進出黃浦江。水門搭仔城門是同時造好個^[1]。朝宗門裡向本來是大東門大街，門外本來是大碼頭街，好通到黃浦江邊浪個碼頭，一向是上海老城商業興盛個地方。

1912年（民國元年），上海拆城牆，朝宗門被拆脫，護城河被填脫，改成中華路搭人民路，通行有軌電車，大東門變成功地名搭仔電車站名。