杨家桥

楊家橋是乃朝中華人民共和國上海市普陀區桃浦鎮隻地名，桃浦流經箇地方。楊家橋箇地名從橫跨桃浦個木橋「永昌橋」來個^[1]，因為部橋後來叫楊家橋，橋名也變成功地名。一開始麼，楊家橋嘸啥人，後首來滬寧鐵路搭仔交通路開通，經過箇地方，外加有得火車站真如車站（乃朝個上海西站），故咾慢慢教鬧猛起來哉。20世紀20年代，暨南大學搬到楊家橋附近（乃朝暨南大學真如舊址），中國國際電訊局也勒垃1930年11月份個辰光勒楊家橋設立真如發報台（國際電台）。淞滬會戰個辰光，日軍轟炸國際電台搭仔暨南大學，炸唻楊家橋荒廢脫。^[2][3]