河南路桥

河南路橋是中國上海市區蘇州河丄座橋，橋北面是虹口區河南北路，南面是黃浦區河南中路，長111.5米，寬29米，是座5孔拱形連續梁橋。

2022年上海賽艇公開賽個辰光拍個

歷史

河南路橋老底子是清道光廿三年（1843年）開個擺渡口，叫三擺渡。清光緒元年（1875年），工部局造仔座木橋，叫三擺渡橋。光緒九年（1883年）又拿老底子木橋拆脫，另外造座新橋。因為清朝末年，橋北面造仔座天后宮，故咾也叫「天后宮橋」。民國16年（1927年），老底子座木橋拆脫，改造出座長64.46米，寬18.2米個3孔混凝土懸臂掛孔橋，叫河南路橋。

2006年6月份，老個河南路橋拆脫重造，2009年1月19號造好通車，從四車道拓寬到六車道，「修舊如舊」，用「外掛玻璃纖維混凝土裝飾板」工藝對橋身、橋墩、腰線咾啥個按照老橋拷貝出來。

2009年12月28號，剛開始用弗到一年個河南路橋橋墩柱表面裝飾板裂開來哉，發現里向是編織袋、水泥塊咾啥個交關垃圾。阿末，工程總承包單位上海建工集團畀相關責任人警告、記過處分，罰1－2萬塊。^[1][2]