澳门 - Wikiwand

澳門（葡萄牙語：Macau；英語：Macao），簡稱澳，全稱澳門特別行政區，是中華人民共和國兩個特別行政區之一，垃拉南海北岸、珠江口西側，北接廣東省珠海市，東面搭鄰近個香港相距63公里，其餘兩面搭南海鄰接。

澳門由澳門半島、氹（dáon）仔、路氹搭路環四個區域所組成，2000年後氹仔搭路環之間填海形成出以賭業為主個路氹城：澳門半島是澳門個核心，伊個東北面小部分陸地搭中國大陸連接，氹仔搭路環原本分別為兩座離島，後來因填海而成為路氹城。

澳門古稱濠鏡澳，或稱濠江、龍涯門、海鏡、鏡海、馬交、梳打埠。

1980年代，葡萄牙搭中國探討澳門前途，後頭於1987年簽署《中葡聯合聲明》，葡萄牙根據聲明於1999年12月20號移交澳門政權畀中國，實行一國兩制，「澳人治澳、高度自治」。澳門為獨立經濟體，其中旅遊業搭博彩業為重要產業。

澳門勒明代史書裡向撥稱為「蚝鏡」（濠鏡），澳門當時辰光是葡萄牙幫中國貿易個主要補給港口。葡萄牙人登陸澳門後頭，問當地人搿𡍲叫啥，勒媽閣廟旁邊咾，當地人以為伊拉問埃爿廟所以就回答「媽閣」，就這樣澳門就被命名為「Macau」（粵語「媽閣」葡文譯音）。澳門原本屬於廣東省香山縣（現在中山市）。1557年，葡萄牙人向當時辰光大明政府得到居住權，成為第一批進入中國個歐洲人。最初由果亞親王管轄，1623年，葡萄牙政府委任馬士加路也是首任澳門總督。

澳門史浪以著名中西文化交流，勒世界經濟運轉有過大功。

1844年9月20號，葡萄牙女王瑪麗亞二世宣布澳門做「自由港」；1849年，葡萄牙弗再向中國交澳門個地租。1851年，葡萄牙占領仔氹仔。1864年，葡萄牙再趟占領路環。1883年，葡萄牙再占領望廈、青洲。1887年，當時個葡萄牙政府迫清政府簽訂《中葡和好通商條約》，規定哉「葡國永駐管理澳門以及屬澳之地與葡區治理它處無異」^[1] 。1896年，葡萄牙企圖再占領附近個大小橫琴島，但弗成功。1908年，葡萄牙要求展界，並劃定澳門個界址。1961年，葡萄牙海外部確定澳門為旅遊區，特准設立賭場。同年澳門政府頒布《承投賭博娛樂章程》。勒1974年，澳門首條陸路連接工具──澳氹大橋落成啟用之前，民間或運輸往來兩離島搭灣仔儕只有船，曾經有航班。

葡萄牙人勒澳門一直擁有特權或者特殊地位，普遍居民對搿個情況多多少少弗滿意：搿樣弗滿，從1849年8月29號沈志亮殺死亞馬留總督開始，直到1966年12月3號，因為文化大革命搭仔氹仔坊眾學校事件而觸發個「一二三」事件為止個情況好看到。1974年4月25號葡萄牙革命，新政府實行非殖民地化政策，承認澳門弗是殖民地，而是中國領土。中葡兩國政府勒1986年開始為了澳門問題展開合共四輪談判，1987年4月13號兩國總理勒北京簽訂《關於澳門問題的聯合聲明》搭兩隻附件。聯合聲明講，澳門地區（包括澳門半島、氹仔島搭路環島）是中國個領土，中華人民共和國會得勒1999年12月20號拿澳門恢復行使主權，而1993年3月31號勒北京，由全國人大通過並經當時國家主席江澤民頒布個《澳門特別行政區基本法》（共九章145條另加三附件）成為相當於澳門自家個「憲法」。

1999年12月20號零時勒澳門新口岸交接儀式會場（拆脫了，現在分別改建為「文化中心廣場」搭「澳門回歸賀禮陳列館」），由中、葡兩國元首見證澳門第127任總督韋奇立搭澳門特區行政長官何厚鏵交接澳門政權，明朝早浪向澳門人歡迎駐澳門解放軍，中華人民共和國正式對澳門行使主權。根據《基本法》，澳門特區行政長官是五年一任，最多好連任一趟。

澳门

澳門個發音

行政區劃

歷史

姐妹城市

參考

Wikiwand - on