江泽民

江泽民（1926年8月17号—2022年11月30号）江苏扬州人，祖籍吴越徽州府，四世祖迁居江北。中国共产党中央委员会总书记、中央军事委员会主席搭仔中共第三代领导集体核心。

江泽民总书记

伊本生是中国共产党上海市委员会书记，为仔解拆天安门六四学生闹风潮桩事干高头立功上台。

2022年11月30号上昼12点13分，江泽民因白血病合并多脏器功能衰竭，抢救无效，勒拉上海华东医院没脱哉^[1]，在世日脚96岁^[2]。下昼头里4点34分，新华社发布《告全党全军全国各族人民书》，公布江泽民过世个消息^[2]。2022年12月11号上昼头里12点35分，照仔江泽民死脱前个遗愿搭伊亲眷个忖头，江泽民个骨灰由扬州号兵舰护送到长江入海口撒到海里向^[3]。

轶事

才艺

2002年，伊个辰光个罗宋国总统普京颂赞江心孔巧会个才艺多，勒拉各个国度个元首里向传为逸话，又讲伊罗宋语讲来邪气好，外加会得用英语搭意大利语唱歌，自家搭伊是“推扳得远天野地”^[4]。

江泽民会得多种闲话是有名个，伊个俄语^[5]、英语^[5]、吴语里向个上海闲话^[6]、江淮官话个扬州闲话是顶介惯熟个。有讲江泽民会得英语、俄语、罗马尼亚语，还稍许会眼德语搭仔日语^[4]。是伊有常仔模仿粤语、西南官话^[7][8][9]是活脱势像。江泽民向美国听客背过林肯个演讲，还且勒搭公开场化背过《哈姆雷特》片段搭《西风颂》诗^[4]。

2011年，《领导干部外事用语丛书》首发，江泽民还畀本书写序——《领导干部一定要努力学习外语》^[10]。

江泽民勒拉笛子、书法个高头也蛮来山个^[11][12]。据新华社报道，伊一生顶顶欢喜西方古典音乐^[4]。是伊年常参加节庆联欢活动或者搭淘伴聚会个辰光，常桩头里会得上去“扎台型”，要么唱两句，用意大利语唱我个太阳，要么拉二胡、唱京剧^[4]。

流行文化

主文章：膜蛤文化

2012年11月中共十八届一中全会推选仔习近平当总书记后首，“膜蛤文化”拉简中互联网起头行起来。交关网民扮江泽民个言语方式个假样头，结生出各式样个时路文化^[13]哉。