理学

程朱理學，是宋明理學當中一個主要個派系，迭個學派，也叫做性理學，簡稱就是理學，搭伊拉相對個，一般叫做心學。迭個思潮，是宋帝國辰光儒家再造個產物。是程顥、程頤、朱熹之類個人發展出來個。勒拉南宋辰光，理學慢慢佔到社會個主導地位。到明朝，理學成為明帝國個官方思想，並且，勒科舉制度當中作為錄取官僚個標準。之後，一直到清朝滅亡，儕是大一統帝國個指導思想。理學鼓吹要存天理，滅人慾。對各地個文化發展有極大破壞作用，並嚴厲禁錮一般人個自由，造成功明朝、清朝社會扭曲。