维也纳峰会

維也納峰會（法語：Le congrès de Vienne），是1814年9月18號開始，一直持續到1815年6月9號個一場歐洲列強大型會議。迭個會議是奧地利有名個外交人物梅特涅串聯搞出來個。奧地利想通過迭個會議，獲得自家戰場高頭弗好取得個歐洲新秩序裁判權。事實證明，迭個事體做個蠻成功。會議高頭，奧地利帝國、俄羅斯帝國、英國搭普魯士成為討論歐洲各地秩序個四大巨頭，戰敗個法國搭日薄西山個西班牙畀排除立在決定圈之外。因為各大勢力對自家個利益分配有矛盾，會議斷斷續續，持續到第二年，直到拿破崙重新竄回法國，並登基建立百日王朝，再讓箇眼巨頭重新覺着緊張。最後，會議個決議立在滑鐵盧戰役開始之前簽訂。維也納會議並嘸正式個場面，大會儕無，所有決議是通過列強相互個自家碰頭慢慢形成個。