黃浦公園

黃浦公園，勒拉上海黃浦區，是中國頂早個現代化公園，造勒1886年，當時稱爲公共花園、外灘公園及大橋公園等。

1920年代個黃浦公園

1946年，更改爲現名。1994年5月27號，勒拉公園裏向個上海市人民英雄紀念塔建成。^[1]

「華人與狗不得入內」之謎

1917年公園注意事項

有一隻流行個都市傳說，傳聞黃浦公園門前有一塊「華人與狗不得進入」個門牌。香港電影《精武門》就是根據迭個傳說，拍攝由李小龍飾演陳真箇角色，怒踢此門牌個經典畫面。但是當時公園個規則當中，朆有得擔「華人」交「狗」個禁止事項擺勒同一隻句子裏向。^[2]

然而有得交關多人表示曾見歇過「華人與狗不得入內」個牌示。1903年，周作人勒伊日記裏向記述伊看到個是「犬與華人不准入」七隻字；1923年蔡和森話伊看到個是「華人與犬不得入內」八隻字；1924年孫中山勒《中國內亂之原因》一文中寫個是「狗同中國人不許入」迭八隻字^[3]；楊昌濟於1913年寫道：「上海西洋人公園門首榜雲：華人不許入……又雲犬不許入」；方志敏勒其著作《可愛的中國》中記錄牌子浪寫有「華人與狗不准進園」八隻字，陳盂熙則指，「一到外灘，公園門口木牌子『華人與狗不得入內』個字體赫然在目，真使我們感到莫大個侮辱」。^[4]此外，陳岱孫、周而複、曹聚仁、蘇步青、宋振庭等儕講迭塊牌子確實存在。《中華民國史事日誌》也有上海公共租界公園勒拉1928年6月1號撤脫「狗與華人不准入內」個木牌咾啥個內容^{[5] [6]}。

圖是蘇聯攝影師勒拉上海戰役後個上海拍個紀錄片《中國個重生》裡向出現個牌子

現在弗少人認為箇是隻都市傳說，因為嘸沒人有實物個相，只有蘇聯攝影師勒拉上海戰役後拍到過塊寫拉箇幾個字個牌子，別個洋文資料里向「華人」跟「狗」雖然儕弗讓進，但是弗擺勒同一隻句子裏向。