蒲淞区

蒲淞區是上海浦西歷史丄隻市轄區。歷史丄區政府勒垃天山路西端新涇港邊個北新涇老街。^[1]

區界東連法華區，南接漕涇區，西面是青浦縣，北面是真如區，橫跨吳淞江，面積有得80.10平方公里。區里向有北新涇、虹橋、江橋、諸翟、華漕、周家橋、陳家渡、曹家渡、中新涇、王滿泗橋10隻鎮。蒲淞區箇名字從蒲匯塘、吳淞江來個。當地原本是蒲淞鎮。1912年，蒲淞鎮改成蒲淞市。^[2]民國17年（1928年），從上海縣劃到上海特別市，設立蒲淞區。民國27年（1938年），日本人拿蒲淞區撤銷脫，地劃畀滬西區。^[3]抗日戰爭結束仔麼，嘸沒重新設立蒲淞區，虹橋路望北設立第25區（新涇區），望南變成第26區（龍華區）。^[4]