語言

语言，就广义来讲，是成套个沟通以及符号、表达方式搭处理规则，一般拨称为文法。符号通常称之为文字，会得以视觉、声音或者触觉个方式来进行传达。

用弗同语言表示个《世界人权宣言》第一条

严格来话，语言是指人搭人之间沟通用个语言——自然语言。在一个先进个社会中，一般人全要通过学习再好获得语言能力。语言个目的是交流观念、意见、思想咾啥。语言学就是从人类研究语言分类与规则随后发展出来个。研究语言个专家拨讴作语言学家。

当人发现爻某点动物譬方海豚好以某种方式沟通，就诞生著动物语言个概念。20世纪由于计算机诞生，人需要拨计算机指令，个种对机器个“单向沟通”便叫计算机语言。

语言搭方言

语言衹是一种有政治地位个方言，方言就是政治地位低下个语言。抛开政治因素，就其自然属性来话，任何方言全毫无疑问是种语言。西班牙社会语言学家，祷义•髦拉(Toni Mollà)在其著作《Manual desociolingüística》2005年第二版P55-56中指出：纯从学术角度来话，呒没可普遍适用交拨普遍接受个原则来区别“语言”替“方言”。 法国语言学家亨利埃德•怀尔傣（Henriette Walter）在其著作《法语全方位》里明确指出：“方言是种语言”，外加话：“法语衹是一种成功个方言lefrançais n'estqu'un patois qui a réussi”。寔句言话拨包括法兰西学术院院士爱力克•奥赛拿在内个交关学者，直接引用为：语言衹是一种成功个方言。

出生嘞俄罗斯帝国个（今拉脱维亚）一德语家庭，娶著个犹太妻子，二战时候移居美国的）知名社会语言学家、意第绪语学家马克斯•魏因赖希（Max Weinreich 俄语 МейерЛазаревичВейнрейх）有曾话歇一句名言：“语言就是拥有陆军搭海军个方言（Unelangue est un dialecte avec une armée et une flotte./Alanguage isa dialect with an army and navy.）”。

语言学家罗杰瑞在《汉语概论》中个言话：“大家侬常庄讲，汉语方言是弗同个语言。确实是寔然，有眼大学当中，亚洲语言系会得担普通话交广东话分开敎，就像德语系担德语搭荷兰语分开敎一样。但是，啥是语言、啥是方言，无法绝对分清。弗管如然话，衹要清漺汉语方言区别邪大便是。对历史语言学家来话，汉语更加像一只语系，而弗像几种方言里个单一语言然介，汉语方言个复杂程度替欧洲个罗马语系交关相似。”

人造语言

• 世界语

另见

• 方言
• 克里奥尔语

外部连结

维基共享资源里向寻得着搭该篇文章搭界个多媒体资源：

语言

• Distribution of languages on the Internet (2002)（英语）
• New Internet Language (Angle Theory) 档案，存勒互联网档案馆当中。（2019年8月3号）
• The impact of language in a globalised world - Goethe-Institut（英语）
• Top Languages in the world Internet usage population and penetration report (Nov 2007) 档案，存勒互联网档案馆当中。（2012年4月26号）（英语）
• World Atlas of Language Structures（英语）
• Wiki of Languages and constructed Languages（英语）