路易十五

路易十五(全名：Louis le Bien-Aimé，1710年2月15號－1774年5月10號），是太陽王路易十四個曾孫，也是路易十六個爺爺。伊1715年只有5歲辰光就繼位，一直統治到1774年。伊統治辰光，法國作風比之前保守，弗過依靠中央集權搭洛可可藝術，依然維持自家立在歐洲大陸個第一軍事強國搭文化中心個地位。路易十五作風墮落，歡喜享樂搭尋情婦白相。有名個情婦蓬巴杜夫人立在路易十五執政中後期邪氣有影響力，立在伊個讚許下頭，法國個沙龍文人也勃發，伏厄太、顱縮等啟蒙文人，立在路易十五執政挨末階段獲得老高個影響力。