郑成功

郑成功（闽南语：Tēnn Sîng-Kong，1624年—1662年6月23号），名讳郑森，表字明俨、大木，幼名福松，是南明政权辰光纵横来勒东亚大洋高头个反清朝将领，因隆武帝赐伊明朝国姓朱，赐名成功，世称“国姓爷”^[1]、“郑赐姓”、“郑国姓”、“朱成功”，又因蒙永历帝封延平王，称“郑延平”。所以，后世尊伊为“延平郡王”、“开台尊王”、“开台圣王”等。

郑成功

生平

郑森个爸爸郑芝龙来勒年轻辰光，曾经是纵横南大洋个海盗，到天启后期，畀朝廷诏安，成为明帝国个福建水师头目。崇祯十七年，明帝国灭脱后，伊成为南明水师将领，郑家出身勒明帝国福建省泉州府南安县安平港（现分别属于中国福建省泉州市下头个晋江市安海镇搭南安市石井镇）^[2]，郑森个妈妈田川氏出身勒日本肥前国平户岛（今日本长崎县平户市）。郑成功出生勒母亲个故乡平户，从小就受到日本文化个熏陶。六岁，畀伊拉爸接回福建老家，长到十几岁后，又搭当时典型个官宦子弟一样，畀伊送到金陵求学。后头继承发展父业，曾垄断福建搭东洋个贸易，只要福建商船出海均需向郑氏纳税，假使弗交税必遭受＂倭寇＂袭击。伊又组织福建移民屯田台湾，因此搭荷兰人个远东利益冲突（见台湾荷兰统治时期）。来勒明朝全国性统治还没崩溃个辰光，还好搭荷兰人殖民个台湾和睦共处，向荷兰福尔摩沙殖民当局交税。但是，当明朝政权崩溃后，郑成功逐渐失去大陆基地，为夺得台湾为落脚点，伊令福建商船弗要搭荷兰人管理个台湾贸易，断荷兰人个殖民利益减损大半，最终成功驱逐荷兰人的福尔摩沙殖民政府，以台湾为基地建立南明政权。^[3]

1645年，清军攻入江南，灭脱弘光政权，没多久，浙江个鲁王监国也失败，之后，郑芝龙投降满洲人、田川氏来勒乱军中自尽；郑森率领伊爸爸个旧部来勒闽地、吴越沿海抵抗满洲帝国，成为南明后期顶重要个军事力量之一，1660年代初，伊个海军一度由海路突袭、包围满洲个江宁府（原明朝南京），但因为轻敌，还是畀清军击退，只好依靠海战优势蹲勒海岛厦门、金门。1661年，为开发新个基地，伊率军横渡台湾海峡，第二年，击败荷兰东印度公司来勒台湾大员个（今台湾台南市境内）驻军，从此开始郑氏在台湾的统治，但没过多久，就生病死脱。伊死脱之后，台湾民间陆续建立庙宇祭祀，其中以台南延平郡王祠顶顶重要。