长江三角洲
From Wikipedia, the free encyclopedia
Remove ads
長江三角洲，是長江下游一個衝擊平原。範圍北起通揚運河，南抵杭州灣，西至鎮江、揚州，東到海邊頭，詳細個三角洲個頂點來搭儀徵市。包括江蘇、浙江兩省部分蕩化搭原只頭個上海市，面積大約摸匝5萬平方公里，是一片大平原，只有少數丘陵嵌勒篤。
演變過程
長江三角洲的演變過程基本浪由三個方面組成：一個是長江三角洲主體太湖平原個形成；第二，是長江泥沙勒長江口頭個堆積老百姓的填海活動；第三，是生產活動對長江三角洲影響。
範圍
長江三角洲主要有兩層意思，一個是地理浪個長江三角洲，一個是經濟浪個長江三角洲。通常聽到個是經濟浪個。
長江三角洲經濟圈
長江三角洲經濟圈個地理範圍，已經超出地理浪個長江三角洲交關哉。
長江三角洲主要包括15個城市：上海市、蘇州市、無錫市、常州市、鎮江市、南京市、揚州市、泰州市、南通市、杭州市、寧波市、嘉興市、湖州市、紹興市、舟山市。搿個範圍有擴大個趨勢。2003年8月，長江三角洲城市經濟協調會第四次會議浪，浙江台州市撥接納成正式會員。勒首部《「長江三角洲城市經濟協調會」城市入會規程（建議稿）》當中，除脫現有16個長三角城市之外，江蘇鹽城、浙江溫州搭金華、安徽馬鞍山、蕪湖、滁州、宣城、巢湖搭銅陵等9個地級以上城市儕撥包括勒長三角城市群當中。2004年，安徽個合肥搭馬鞍山、浙江個金華搭衢州、江蘇個鹽城搭淮安6個城市先後遞交入會申請書撥長三角城市經濟協調會。
長江三角州城市圈是世界六大城市圈之一。
交通
長江三角洲地區是中國交通頂頂發達個地區之一。
鐵路：滬寧鐵路，寧通鐵路，滬杭鐵路；京滬高速鐵路
公路： 滬寧高速公路、寧杭高速公路、蘇嘉杭高速公路、滬杭高速公路、杭甬高速公路等
機場： 國際機場：上海浦東國際機場、浙江杭州蕭山國際機場、江蘇南京祿口國際機場、浙江寧波櫟社機場。 還有大大小小別個機場：上海虹橋機場、南通興東機場、舟山普陀山機場等等
航運： 世界大港：上海港、寧波舟山港、南通港、南京港、洋口港（勒建設）、嘉興港（乍浦港）。
橋梁： 南京長江大橋、南京長江二橋、南京長江三橋、江陰長江大橋、東海大橋、寧波杭州灣跨海大橋、潤揚長江大橋、崇海大橋、蘇通大橋、等。
相關條目
Remove ads
Wikiwand - on
Seamless Wikipedia browsing. On steroids.
Remove ads