上海久事大鲨鱼篮球俱乐部

上海久事大鲨鱼篮球俱乐部，始建于1996年1月，是中国男子篮球职业联赛个球队之一，球队主场垃拉上海。

历史

开端

上海男篮有50年个历史。1995年，时任上海东方电视台台长穆端正看到伊辰光足球联赛场面闹猛唻弗得了，决定成立篮球俱乐部^[1]。1996年1月份，上海体育运动技术学院帮上海东方电视台合作成立上海东方篮球俱乐部。伊辰光，上海东方男篮排名只有全国男篮第16名，必过通过一年乙级联赛成功打进甲级联赛，1996/97全国甲A联赛里向夺得第六名。个首，主教练李秋平胆胆大大起用青年选手姚明、刘炜、贾孝忠等人，历史性个连续三年打进联赛总决赛，2001/02赛季姚明领仔球队获得球队目前唯一一座CBA总冠军奖杯。个帮八一火箭争夺总冠军个三年也是球队历史丄顶辉煌个辰光。

衰落

2002年，姚明加盟休斯敦火箭，球队进入后姚明时代，失去主心骨，成绩一塌糊涂。2006-07赛季，球队是姚明离开球队仔么头趟打进季后赛，头一轮就畀其他球队刷下来。因为资金、伤病咾啥个多方面因素，2008/09赛季球队甚至排到联赛倒数第二名，是球队建队到现在顶推板个成绩。

回升

2009年3月份，球队赞助商西洋集团选择撤资。同年夏天，姚明全资个上海泰戈鲨客投资管理有限公司帮上海东方篮球俱乐部的股东就俱乐部股权转让个事体达成一致，正式签署俱乐部股权转让“框架协议”，姚明成为上海东方篮球俱乐部老板^[2]。

2009-2010赛季开始，上海大鲨鱼男篮主场从卢湾体育馆搬到浦东源深体育中心，玛吉斯轮胎冠名。球队请仔NBA资深教练小鲍勃·邓华德，2009-2010赛季引进前NBA球员约翰·卢卡斯三世、约旦国手赛义德·阿巴斯等球员扩充实力，取得姚明离队到伊辰光顶长个联赛九连胜，打进季后赛半决赛。2010-2011赛季开始，球队球衣颜色从原先个主场白色勾边紫色、客场紫色勾边白色改成功主场白色勾边橙色、客场蓝色勾边橙色或橙色勾边白色。

2016年10月份，球队宣布获得哔哩哔哩弹幕网冠名投资，球队改名叫上海东方大鲨鱼俱乐部哔哩哔哩篮球队。^[3]

2017年10月20号，姚明拿上海东方大鲨鱼篮球俱乐部所有股权转让出去，正式卸任上海队老板。 ^[4]

2019年，上海大鲨鱼男篮队100%个股权正式转让畀上海久事集团个久事体育，改名上海久事大鲨鱼篮球俱乐部^[5]。2023年，球队主场回到浦西，搬到上海体育馆^[6]。