上海南站站

上海南站站垃拉上海市徐匯區漕河涇街道滬閔路桂林路，鐵路上海南站邊邊頭，由上海鐵路局勘測設計院設計^[1]，是上海地鐵1號線、3號線搭15號線個地鐵換乘站，也是3號線個南起迄站。

1號線站台

3號線站台

15號線站廳

地鐵上海南站搭鐵路上海南站處拉一個結構之中。3號線站台搭站廳垃拉鐵路車站個南側，1號線站台搭站廳設拉鐵路車站個北側。按照原規劃，1號線搭3號線個換乘聯絡通道是15號線個預留車站，後些來放棄脫哉，現在15號線個車站來勒柳州路東面滬閔路南面隻角丄。

車站結構

車站樓層

地鐵上海南站設勒鐵路上海南站個地面層、地下一層、二層搭三層。3號線站台來勒地面，貼隔壁是鐵路上海南站個站台，但當中有鐵絲網隔開來；1號線、3號線搭15號線個站廳儕來勒地下一層，當中1號線搭3號線站廳來勒鐵路站房兩側，由地下通道連起來，15號線站廳則來勒柳州路下頭，通過地下通道跟1號線站廳連起來。1號線站台設勒地下二層^[2]，15號線站台則來勒地下三層。

地面層
	出入口	1-2、8、10出入口
		█ 3號線終點站 下車站台
	島式站台 · 開左邊車門
		█ 3號線 往江楊北路方向（石龍路）
地下一層
	3號線站廳	3出入口、票務服務、自動售票機、人工服務台
	1號線站廳	4-6出入口、票務服務、自動售票機、人工服務台
	15號線站廳	9出入口、票務服務、自動售票機、人工服務台
地下二層
		█ 1號線 往莘莊方向（錦江樂園）
	島式站台 · 開左邊車門
		█ 1號線 往富錦路方向（漕寶路）
地下三層
		█15號線 往顧村公園方向（桂林公園）
	島式站台 · 開左邊車門
		█15號線 往紫竹高新區方向（華東理工大學）

歷史

安裝全高屏蔽門前個1號線地下島式站台（2005年）

安裝半高屏蔽門前個3號線島式站台（2006年）

翻新前個1號線3號線換乘通道（2006年）。

• 剛開通個辰光，1號線上海南站站叫「新龍華站」，來勒滬閔路桂林路東面，是地面側式站台，付費區里向兩隻方向互弗連通。因為設計個辰光明確伊是臨時車站，故咾伊個站台弗像1號線其它車站伊能介預留8節編組長度，只有6節編組長度。2001年，因為老個上海南站啟用，改名叫「上海南站站」。
• 2004年1月1號，為咾配合新上海南站搭仔上海南站換乘站個建設，3號線上海南站站封站改造，3號線運營區段縮短到江灣鎮-石龍路。
• 為咾配合新上海南站搭仔上海南站換乘站建設，1號線上海南站改成地下段，新個上海南站上海火車站站方向搭仔莘莊方向站台分別來勒2004年10月30號搭仔12月4號投入運營。本來個地鐵上海南站站舊個地面站台拆脫哉。
• 2005年10月15號，3號線上海南站站恢復運營。
• 2014年起，3號線站台開始安裝半高屏蔽門^[3]。同時3號線站廳來勒1月份進行改造，增加售票窗口、擴大售票區域，改善車站售票區域搭重要通道之間個擁堵狀況^[4]。
• 2018年12月份，為咾提高閘機進出速度，上海南站站3號線站廳啟動閘機改造工程，拿所有個閘機儕調成拍打門式閘機，2019年春運前完成^[5]。
• 2019年1月份起，為咾配合15號線施工，1號線上海南站站個6號口臨時封閉。6號口搭仔周邊商鋪進行土建改造，成為未來換乘大廳個一部分^[6]。
• 2021年1月23號，15號線開通，本站成為3線換乘車站。6號口重新開放，並新增8號口、10號口兩隻出入口。
• 2024年4月4號開始，本站來勒3、4號口設立免二次安檢通道，國鐵車站出站個乘客從3、4號口進地鐵站弗需要經過二次安檢。^[7]
• 2024年6月13號，9號口啟用。

參見

• 鐵路上海南站
• 上海長途客運南站