唐吉訶德

《唐吉訶德》，或譯《吉訶德大人》（西班牙語：Don Quijote de la Mancha，原標題個原意爲《來自曼查個騎士吉訶德大人》），是西班牙作家塞萬提斯於1605年搭1615年分兩部分岀版個反騎士小說。故事背景是個早嘸沒騎士個年代，主角唐吉訶德幻想自家是個騎士，乃末作出種種令人匪夷所思個行徑，最終從夢幻當中甦醒過來。

唐·吉訶德搭佢個第一瘦馬羅西南特，搭佢個侍從桑丘·潘沙搭佢個驢，慘敗於攻擊風車之後。By Gustave Doré.

《唐吉訶德》畀視爲西班牙黃金時代頂頂有得影響力個作品之一，以及整個西班牙個文學典範，也是現代西方文學個奠基作品之一以及最早個西方典範小說之一。^[1]對書中主角唐吉訶德個評價呈現多樣化，佢畀一些人視爲堅持信念、憎恨壓迫、崇尚自由個英雄，又畀另一些人當成沉溺於幻想、脫離現實、動機善良但行爲盲目且有害個典型。總之是一個集矛盾於一身、既可喜又可悲個人物。

昰本書留下了一句著名個開場白：

「

En un lugar de la Mancha, de cuyo nombre no quiero acordarme, no ha mucho tiempo que vivía un hidalgo de los de lanza en astillero, adarga antigua, rocín flaco y galgo corredor. 曼查有個地方，地名就用弗著提哉，嘸沒幾許辰光前住著一位貴族。佢伊然個貴族，矛架上有一支長矛，還有一面古代皮盾、一匹瘦馬搭一隻獵兔狗。

」

創作背景

《唐吉訶德》個產生是一個時代個產物。西班牙經過收復失地運動，顛覆搭驅逐仔阿拉伯人個統治，完成了國家個統一，同時又依靠其龐大個騎士隊伍，雄霸歐洲，遠征美洲，造就爻西班牙個「黃金世紀」。昰段辰光咾，西班牙個文學也繁榮發展起來，田園小說、流浪漢小說、騎士文學搭戲劇等各大流派爭奇鬥豔。騎士文學在西班牙曾風靡一時，各種作品層出弗窮。別林科夫話「騎士小說表現出對個人人格個愛護搭尊重，爲壓迫者搭畀壓迫者犧牲全部力量甚至自家生命個勇敢精神，擔女子作爲愛搭美在塵世個代表。」騎士文學對於衝破中世紀神學禁慾主義個束縛、對人性個解放具有極大個進步意義。不過隨著後來封建經濟個解體搭火槍火炮在軍事丄個使用，騎士文化變得越來越弗合時宜，十五世紀開始出現一批打家劫舍、殺人越貨個強盜騎士，騎士文學開始變得愈發庸俗化。賽凡提斯生活個時期，西班牙還流行著五六十部粗製濫造、荒謬愚昧個騎士小說，乃末，賽凡提斯決定創作《唐吉訶德》，「擔騎士文學個地盤完全摧毀」，佢沿用騎士作爲主角個寫作形式，擔騎士制度、騎士精神漫畫化，當佢個小說出版後，西班牙個騎士小說也隨之崩潰。^[2]

主題

《唐吉訶德》作者賽凡提斯在序言中申明「昰部書衹弗過是對於騎士文學個一種諷刺」，目個在於「擔騎士文學地盤完全摧毀」。書籍中描繪了西班牙在16世紀搭17世紀個整個社會，公爵、公爵夫人、封建地主、僧侶、牧師、兵士、手工藝人、牧羊人、農民，弗同社會階層個男女各色人物一共700多個，尖銳無情個批評了昰段時期西班牙個政治、法律、道德、宗教、文學、藝術搭私有財產制度，小說也畀譽爲「行將滅亡個騎士階級個史詩，一部偉大個現實主義文學名著」。^[2]

內容情節

全書共由兩個部分所構成，敘述了唐吉訶德個三趟冒險歷程。

第一次歷險

第一部前半段個劇情。單槍匹馬，範圍弗出唐吉訶德個家鄉拉·曼恰（la Mancha）地區，弗幸受傷而歸。家人擔整屋子個騎士小說全燒脫。

第二次歷險

第一部後半段個劇情。佢尋著鄰居桑丘·潘沙擔任佢個侍從，並承諾畀佢一個總督個官。主僕兩人偷偷較出門，一路上做出來交關荒唐可笑個戇事體，擔風車當成功巨人、擔旅店看成功城堡、又擔羊群視爲敵軍，還打倒官差、釋放一批惡囚，最後卻反畀囚犯掠奪，推板一眼喪命，畀人用籠子、牛車帶轉去。

第三次歷險

第二部個劇情。兩人前往巴賽隆納（Barcelona），並參加了幾場當地舉辦個比武，畀公爵夫婦請到城堡做客，桑丘正式擔任總督治理海島，實際上幕後卻是公爵夫婦故意設計、惡整佢場二人個鬧劇。佢個鄰居加拉斯果（Sansón Carrasco）先後變裝成鏡子騎士、白月騎士，試圖透過騎士道個決鬥打敗脫唐吉訶德，打醒佢個遊俠騎士夢。唐吉訶德末腳畀打敗脫，抑鬱回家，病倒在床，後來終於醒悟，痛斥騎士小說，臨終辰光咾立下遺囑話許姪女咾想要繼承遺產就弗准嫁畀騎士，甚至喜讀騎士小說個人。

人物介紹

唐·吉訶德

唐·吉訶德，本書個主人翁。本名爲：阿隆索·吉哈諾（Alonso Quijano）{{noteTag|1= 須注意個是：Don是西班牙貴族個尊稱，相當於英文個「Sir」、「Lord」，噶咾唐·吉訶德應作吉訶德「爵士」、「閣下」、「大人」或「先生」纔是，弗過由於佢是位騎士，而騎士常畀稱之爲爵士相當，所以原本標題個意思可能是要話個是一位「吉訶德爵士」個故事機會比較大。

唐·吉訶德是一個瘦削個、面帶愁容個小貴族，由於酷愛閱讀騎士文學，走火入魔，騎上一匹瘦弱個老馬，尋著一柄生了鏽個長矛，帶著破了洞個頭盔，開始遊歷天下，鋤強扶弱，爲大家打抱弗平。佢雇用了附近個農民桑丘·潘薩做侍從，騎著驢兒跟從在後面；唐吉訶德又擔鄰村一個擠奶姑娘想像成爲佢個女恩主，擔佢名字起成功「托波索之達辛妮婭」。隨後佢以一個嘸沒受到正式封號個騎士身份開始冒險事業，佢完全失脫對現實個感覺而沉入了漫無邊際個幻想中，唯心個對待身邊個一切，一路上闖禍弗少，喫虧弗少，挨打弗少，佢擔鄉村客店當做城堡，擔老闆當做寨主，硬要老闆封佢做騎士；老闆擔馬料帳本當做《聖經》，冊封佢爲騎士；佢看到風車，沖上去搭佢大戰一場，弄得來遍體鱗傷；佢擔羊群當做軍隊，沖上去廝殺，畀牧童用石子打腫仔面孔，打落脫牙齒。佢擔理髮匠當做武士，搶奪佢個洗臉盆當做頭盔；佢解放了一群罪犯，並且殺了押送個衙役；佢就昰然糊裏糊塗個度過了自家個晚年，直到畀參孫·加拉斯果打醒後纔悔悟。

桑丘·潘薩

桑丘原本是近所個一名農夫，鄉村貴族唐·吉訶德由於沉迷騎士遊俠小說，說服農夫桑丘跟佢一起上路。桑丘代表個是一個頭腦簡單，心直口快角色。農夫桑丘願意擔任佢個侍從，陪佢「征戰四方」，理由是，唐吉訶德承諾會給佢做一個島個統治者。

杜爾西內婭·臺爾·托波索

杜爾西內亞·臺爾·托波索（Dulcinea del Toboso）：一名附近農村養豬個村姑、唐•吉訶德擔佢看成了華貴聖潔個「達辛妮亞」（Dulcinea）。昰個是唐吉訶德搭佢另外取得名字，因爲昰然介聽上去更有聲望。佢個原名叫做Aldonza Lorenzo。

公爵夫妻

公爵夫妻：本名弗詳。僅在後面個劇情登場。

學士

學士：本名參孫·加拉斯果（Sansón Carrasco），唐·吉訶德個好友，僅在後面個劇情登場。佢先後變裝成「鏡子騎士」搭「白月騎士」，試圖透過騎士道個決鬥打敗脫唐吉訶德，打醒佢個遊俠騎士夢。

評價

約翰·沃爾夫岡·馮·歌德：「我感到賽凡提斯個小說，真是一個令人愉快又使人深受教益個寶庫。」^[3]

喬治·戈登·拜倫：「《唐吉訶德》是一個令人傷感個故事，佢越是令人發笑，噶嚜也越使人感到難過。昰位英雄是主持正義個，制伏壞人是佢個唯一宗旨。正是那些美德使佢發了瘋。」^[4] 海因里希·海涅：「賽凡提斯、莎士比亞、歌德成了三頭統治，在敘事、戲劇、抒情昰三類創作裏向分別達到登峰造極個地步。」^[4]

維克多·雨果：「賽凡提斯個創作是昰然巧妙，可謂天衣無縫；主角與桑丘，騎著各自個牲口，渾然一體，可笑又可悲，感人至極……」^[3]

維薩里昂·格里戈裡耶維奇·別林斯基：「在歐洲所有一切著名文學作品中，擔嚴肅搭滑稽，悲劇性搭喜劇性，生活中個瑣屑搭庸俗與偉大搭美麗昰然水乳交融……昰然介個範例僅見於賽凡提斯個《唐吉訶德》。」^[3]

米蘭·昆德拉：「賽凡提斯發明仔現代小說。」^[3]

弗拉基米爾·納博科夫：「唐吉訶德是一個童話故事，正如荒涼山莊也是一個童話故事，死魂靈也是一個童話故事，包法利夫人搭安娜·卡列尼娜都是最優秀個童話故事。倘若嘸沒昰眼童話故事，世界就會變得弗真實。」^[3]