大连西路跨线桥

大連西路跨線橋，貤叫西體育會路跨線橋，是上海歷史丄頭一隻跨過城市道路個車行立交橋車行立交橋^{[1]:立交橋}，勒拉虹口區中部，東江灣路搭大連西路交叉口^{[註 1]}。第隻橋是1985年12月26號通車個，2012年4月20號關脫拆脫。後首來麼，迭頭造廣中路地道來疏導相關個車流哉。

概述

大連西路跨線橋勒拉個路口伊歇是市區到吳淞地區個要道^{[1]:立交橋}，南北方向交通比較擁堵。1983年9月份，虹口區城建辦勒拉編制地區規劃個辰光，提出造大連西路、東江灣路跨線橋。^{[2]:道路交通規劃}1985年，上海市市政工程管理局完成仔橋樑設計^[3]，同年9月12號動工，12月24號造好，26號（也有講法是1986年1月1號^{[4]:立交橋}）通車。箇座橋全長377米，南到虹口游泳池門口、北到上海外國語大學大門望北50米，總共21隻孔，當中主橋長288米、主跨跨度28米。橋面闊10.0米，雙向兩車道。整橋裝配式設計，鋼結構簡支梁，全部現場焊接出來個^{[2]:立交橋[5]:城市立交工程}。2012年4月20號23點鐘，大連西路跨線橋開始拆脫，畀廣中路地道北線隧道讓路^[6]。

文化

大連西路跨線橋用仔毛30年，承擔1993年東亞運動會、2007年女足世界盃咾啥個重大活動個車流疏導個生活，弗少周邊居民儕想牢伊，2012年開始拆後頭隻雙休日腳也有市民前來送個。1992年金雞獎「最佳兒童片」《燭光里的微笑》勒垃第隻橋取歇過景^[7]。

註釋

1. 箇隻路口夯八冷打加起來有得五隻弗同個路名：望西是廣中路、望東是大連西路；南北方向條路畀3號線高架（原淞滬鐵路）哈開來，西面隻叫西江灣路，東面隻望北是西體育會路、望南是東江灣路。