婺州片

婺州片是對吳語個另外隻分區方法裏向隻片，差大弗多是金華市個大部分地區（除開老底子宣平縣），或者講老底子金華府個範圍，外加杭州建德市少部分地區。^[1]婺州片個分區法勒垃1987年版《中國語言地圖集》、《現代漢語方言大詞典》咾啥個語言學著作里向儕有出現，底下個言話有得金華話、湯溪話、義烏話、蘭溪話、武義話、永康話、浦江話、東陽話咾啥個。