张充仁纪念馆

张充仁纪念馆是闵行区博物馆下头一间纪念馆^[1]，来勒上海市闵行区七宝镇北西街75号（蒲溪广场75号），主要陈列个是雕塑家张充仁个生平。

上海市闵行区七宝镇北西街75号，张充仁纪念馆

历史

纪念馆设勒蒲汇塘边个张之珍、张维城旧宅里向^[2]，是明清时期建筑，二层砖木结构，建筑面积587平方米^[3]。2001年，七宝镇启动七宝老街改造二期，决定筹建张充仁纪念馆，来勒征得张充仁家人同意以後，选定场馆进行装修^[3]。2003年3月17号，张充仁纪念馆开放^[4]。

纪念馆目前设置序厅、“饮誉欧洲”、“画室春秋”、“雕塑泰斗”四隻展区，分别介绍张充仁个艺术启蒙、初露锋芒、欧洲闻名搭回转到中国以後开设画室投入抗日救亡、艺术教育个过程，展示张充仁个艺术生涯，同时展出张充仁生前创作个水彩画、雕塑、油画代表作品^[5]，比方讲伊做个密特朗、德彪西、邓小平人像雕塑^[2]。此外，张充仁纪念馆专门开设了隻展区，展示张充仁跟《丁丁历险记》作者埃尔热个相关资料^[6]。为咾纪念张充仁诞辰一百周年，纪念馆特为来勒纪念馆门口安了一尊张充仁全身铜像^[3]。

此外，张充仁纪念馆开展各类活动，跟上海张充仁艺术研究交流中心一道举办多场学术研讨活动，出版、发布一些纪念性文章、书籍^[7][3]。

评价

张充仁个家属来勒纪念馆开馆个辰光送去贺电，表示用一年辰光筹备成立家小型博物馆是隻奇迹；时任比利时驻沪总领事麦克思表示，为迭隻纪念馆是张充仁帮埃尔热伟大友谊的个象征^[3]。

箇隻博物馆来勒2004年评选进闵行区爱国主义教育基地，2005年开始是闵行区文明单位，2009年畀中华人民共和国文化部评为国家三级博物馆，2012年变成上海市爱国主义教育基地^[5]。