昌化路桥

昌化路桥是中华人民共和国上海市普陀区一座横跨苏州河个桥，北接中潭路，南到澳门路接昌化路，跨度49米，桥阔24米，双向4车道^[1]。

历史

昌化路桥老底子是潭家渡。中华人民共和国成立仔么，勒垃摆渡口造仔座阔约4米，长约50米个7孔人行木桥，因为南面是归化路，叫伊归化路桥。1957年，归化路改名昌化路，桥也更名成昌化路桥。因为木桥跨度小，忒矮，发生多埭撞桥事故，外加年久失修，故咾拆脱重造，上海市市政工程设计研究所设计室设计，上海市市政工程公司施工，1974年3月份造好个，是座中承式肋拱桥，也是苏州河丄头一座中承式肋拱桥^[2]。

后首来为仔配合两湾一宅^[3]旧区改造，昌化路桥拆脱重造，总投资约3500万元，上海市住房和城乡建设管理委员会、普陀区政府共同投资，上海市政工程建设处造，2000年造好个，还是中承式肋拱桥^[1]。