江杨北路站

江杨北路站勒垃上海宝山区江杨北路绥化路，是上海轨道交通3号线个地面侧式车站、北面隻终点站，3号线、4号线共用个江杨北路车辆基地（宝钢车辆段）西面。

江杨北路地铁站

设计规划

3号线北延伸早期规划里向呒没箇站个，北端终点附近线路走向经过比较，确定是沿咾同济路—富锦路跑个，对外运营部分到铁力路站就结束哉，铁力路站望西是出入库线^[1]。必过勒垃宝钢车辆段设计个辰光，决定拿原设计里向畀职工上下班用个简易站台扩展成一座正式车站，拿车辆段里向个部分线路改成运营正线，箇就是现在个江杨北路站^[2]。

车站结构

箇站是侧式站台2面2线地面车站。虽然箇站有两隻站台，列车用个是站前折返方式，一般性只勒垃南面隻站台上下车。原先江杨北路车辆基地只有正线北面隻停车库，进出库线路亦接勒正线北面，故咾出入库列车常停勒北面隻闲置站台里向；随咾车辆基地扩建正线南面隻停车库，2015年2月16号到28号，车站临时停运^[3]，调整线路布置，接进新车库，勒垃正线南面新增一道“第三线”^[4][5]。

第三线勒垃实际建设个辰光，因为工程原因比原设计短一截，开通以後因为信号系统里向个长度帮实际弗一样，导致过箇隻股道个列车三天两头畀信号系统扣停。但是呢，阿尔斯通对U200信号系统维护少，印度方面^{[註 1]}更新软件多埭也解决弗了，运营方只好修改实地轨道电路个位置来解决问题^[7]。

地面层
	侧式站台 · 开右边车门
		█ 3号线 备用站台
		█ 3号线 往上海南站方向（铁力路）
	侧式站台 · 开右边车门
	站厅	1号出口、票务服务、自动售票机、人工服务台

立勒付费区里向拍摄铁轨末端 立勒付费区里向拍摄铁轨末端  立勒地铁站外头拍摄铁轨末端 立勒地铁站外头拍摄铁轨末端  江杨北路站站台 江杨北路站站台  江杨北路站站厅 江杨北路站站厅  地下换向通道 地下换向通道

车站出口

江杨北路站1号口

江杨北路站个出口勒垃站厅南面，有得无障碍坡道。

接驳换乘情况

江杨北路地铁站开通仔么，因为配套交通弗方便，车站周边有较多非法营运车辆（“黑车”）^[8]。2008年7月份，车站南侧造出来江杨北路综合交通枢纽开工，有多座公交站台搭仔P+R停车场，2009年10月份基本完工^[9]，必过到2010年5月底纔正式交付畀公交公司，公交枢纽开通运营^[10]，配套个P+R停车场继续闲置到2016年2月份纔对外开放^[11][12]。虽然公交枢纽开通仔么，公交部门新开仔几条线路，因为班次少、呒没覆盖月浦农村，黑车还是莫牢牢止^[13][14]。

江杨北路P+R停车场有96隻停车位，工作日脚基本浪向好停满，日均周转率（停车辆次比泊位数量）约1.04，也就是平均每日天有100部车子停进来^[15]。

注释

1. 3、4号线开通个辰光全线用Alstom U200信号系统，箇系统大部分客户集中勒印度城市轨道交通系统，故咾2014年阿尔斯通拿箇系统业务转移畀印度方面。後来3、4号线信号改造，因为箇技术能力忒推板，运营方决定彻底废弃整隻现有U200系统^[6]。