瑞典语维基百科

瑞典語維基百科（瑞典語：Svenskspråkiga Wikipedia）是維基百科協作計劃個瑞典語版本，由非營利組織──維基媒體基金會維持負責。到2025年9月份，伊勒垃各語言維基百科計劃中，規模排名第3（依條目量計算），有得約莫260萬條目，必過大多數是機器人Lsjbot寫個^[1]，2016年11月份個辰光，Lsjbot弗再勒垃瑞典語維基百科丄開新條目，瑞典語維基百科條目數量已經有得380萬，伊辰光條目數量第二多^[2]，必過弗少條目嘸啥內容咯沒參考來源，外加有得重複個條目。後首來到現在，瑞典語維基百科一直勒垃處理箇星條目，條目數字開始變小，到2021年12月份，條目數量已經刪到只有得280萬哉。

瑞典語箇隻計劃是2001年5月份開始個，是維基百科第四早個言話版本，只比英文版、德語版、加泰羅尼亞語版個晏。^[3]瑞典語版個維基百科也是少數還是拿條目品質拆成三隻優秀級別個維基百科，分成功推薦條目（Rekommenderade artiklar）、優良條目（Bra artiklar)和典範條目（Utmärkta artiklar）。