瑞典语维基百科

瑞典语维基百科（瑞典语：Svenskspråkiga Wikipedia）是维基百科协作计划个瑞典语版本，由非营利组织──维基媒体基金会维持负责。到2025年9月份，伊勒垃各语言维基百科计划中，规模排名第3（依条目量计算），有得约莫260万条目，必过大多数是機器人Lsjbot写个^[1]，2016年11月份个辰光，Lsjbot弗再勒垃瑞典语维基百科丄开新條目，瑞典语维基百科條目数量已经有得380万，伊辰光條目數量第二多^[2]，必过弗少條目呒啥内容咯没参考来源，外加有得重複个條目。後首来到现在，瑞典語維基百科一直勒垃处理箇星條目，條目数字开始变小，到2021年12月份，條目数量已经删到只有得280万哉。

瑞典语箇隻计划是2001年5月份开始个，是维基百科第四早个言话版本，只比英文版、德语版、加泰罗尼亚语版个晏。^[3]瑞典语版个维基百科也是少数还是拿条目品质拆成三隻优秀级别个维基百科，分成功推荐条目（Rekommenderade artiklar）、优良条目（Bra artiklar)和典范条目（Utmärkta artiklar）。