表字
From Wikipedia, the free encyclopedia
Remove ads
表字，也叫做字，是漢字文化圈裏向傳統浪向勒拉名之外，交自家起個跟本名意義相關個別名。有排人個表字廣爲人知，本名反而沒啥人曉得，第個稱之爲「以字行」，譬如像孟浩然，伊個名是浩，伊個字叫浩然。
簡介
根據記載，古代個辰光，男子勒拉20歲行冠禮（日本、唐代稱爲元服禮）箇辰光取字，女子15歲及笄（日本稱爲裳著禮或者鐵漿禮）或者許嫁個辰光取字。譬如像項籍，字羽，孔丘，字仲尼，司馬遷字，子長，李白，字太白。
字搭名一般來講是有關係個。譬如像杜甫字子美，甫是古代男子個美稱；韓愈字退之爲互補；杜牧字牧之爲相似；王維字摩詰爲欣賞佛教人物維摩詰而名。另外，還有得拿伯、仲、叔、季加勒字當中表以示排行，譬如孫堅四個兒子（孫策字伯符，孫權字仲謀，孫翊字叔弼，孫匡字季佐）。
根據《禮記•檀弓》裏向個講法，勒拉人成年仔以後，要受到社會高頭個尊重，同輩人直呼其名會顯得不恭敬，隔手需要取一個字，用來勒拉社會浪向搭人家交往個辰光用，表示相互尊重。所以，古人勒拉成年以後，名字只供長輩恩師搭自己稱呼，自稱其名表示謙遜，而字才是用來供社會浪向個人彼此稱呼個。
北齊個顏之推認爲，人名用來區別彼此，字呢是用來體現一個人個德行。大部分人個名搭字勒拉意義高頭都是有關聯的，譬如像嶽飛字鵬舉，關羽字雲長。
字起源於商朝，盛行於周朝，後手來逐漸形成功一種制度。直到近代仍就畀交關知識界搭文化界個人使用，譬如胡適字適之，孫文字載之，蔣中正字介石，毛澤東字潤之。到了現代已經老少有人勒拉日常生活當中使用，但是中國人口現有十三億，同名同姓發生率過高，有排人提議恢復表字制度，有排勒拉文化修養層面搭道德自律角度老嚴格個家庭、宗族、團體搭個人仍就保持搭沿用了表字個傳統。
字也有得一言字（譬如項籍字羽，屈原字原名平）跟三言字個形式（譬如李建成字毗沙門）。最常見個是兩言字。
字個構成個一些形式：
- 勒拉字前頭加男子個尊稱「子」字：譬如公孫僑字子產，杜甫字子美。
- 勒拉字前頭加排行字表示排行：孔丘字仲尼；也有得只以排行作爲字個：如劉邦字季。
Remove ads
特點
先秦女子個字構個成方式搭男子弗大一樣，稱呼女子個辰光是先字後姓，另外有得交關是勒拉姓氏上頭冠以排行字作爲字，譬如季姬（姬姓人家個幼女）、孟姜（薑姓人家個長女）、叔隗（隗姓人家個三女）等。
另外勒拉古文當中，男性名搭字連稱時，習慣浪先稱字後稱名。譬如《史記》中稱呼孔子個阿爸爲「叔梁紇」，其中「叔梁」是字，「紇」是名；女性個完整名則是「字、姓、名」個次序，【季羋稱爲「季羋畀我」，「季」是字，羋姓，「畀我」是名。
以字行
以字行是「以字行於世」個意思，是一個關於稱謂個術語。
漢字文化圈當中，中國、朝鮮半島、越南等地個古代人，一般有得「名」有「得字」，「以字行」就是因爲種種原因，多僅稱呼此人的「字」，而不熟悉其「名」。
譬如明朝著名閣臣楊士奇，名寓，字士奇，但是世人通常只曉得其字，所以稱之爲「以字行」[1]。
反例，譬如李白，字太白、「蔣中正」，字「介石」，因名、字都爲世人所熟悉，就不能說是「以字行」。
著名人物
管仲、屈原、項羽、伍子胥、房玄齡、薛仁貴、孟浩然、呂洞賓、武平一、程鉅夫、羅貫中、劉伯溫、楊士奇、唐伯虎、文徵明、胡雪巖、吳稚暉、林獻堂、蔣百里、劉伯承、 許地山、俞平伯、張靈甫、梁實秋、魏克三、範漢傑等。
外文之翻譯問題
勒拉德語當中，「字」被翻譯爲Großjährigkeitsname、Volljährigkeitsname（成年之名字）或者Hofname（禮貌之名）。
參攷文獻
Wikiwand - on
Seamless Wikipedia browsing. On steroids.
Remove ads