陈家镇（上海市）

陈家镇（崇明说话：Dzen Ka Tsen）勒中国上海市崇明区顶东南丄，东面是新海镇个崇明东滩，南面长江入海口，西面是中兴镇、北面是东平镇前哨新村居委会。上海长江隧桥崇明出口就勒陈家镇里向。面积94.9平方公里。户籍人口6.02万人，外头人1.51万人（2025年）。^[1]

2008年5月，从陈家镇看伊辰光勒垃造个上海长江隧桥

历史

1995年陈镇乡撤乡改镇，改名陈家镇。1994年3月份，裕安乡撤乡改镇，改名裕安镇。^[2]:35

2000年底，本来个陈家镇搭裕安镇归并建立新个陈家镇。^[2]:35

行政区划

陈家镇有21个村民委员会，10个居民委员会，统共359个村民小组（2023年）。^[3]:33那末有28个村、居：^[1]

裕鸿佳苑第一社区居委会、瀛陈居委会、裕弘居委会、裕鸿佳苑第三社区居委会、裕鸿佳苑第四社区居委会、裕鸿佳苑第二社区居委会、裕鸿佳苑第七社区居委会、立新村村委会、瀛东村村委会、新桥村村委会、东海村村委会、铁塔村村委会、朝阳村村委会、奚家港渔业村村委会、协隆村村委会、陈南村村委会、陈西村村委会、八滧村村委会、先锋村村委会、裕丰村村委会、裕安村村委会 、鸿田村村委会、裕北村村委会、花漂村村委会、展宏村村委会、晨光村村委会、裕西村村委会搭德云村村委会。