黎黄氏事件

黎黃氏事件，貤叫大鬧會審公廨案，發生勒1905年（光緒三十一年）12月份個上海。一名廣東籍已故小官僚個遺孀黎黃氏帶仔小輩同15名婢女從四川乘招商局個輪船回廣東，路過上海等船去廣東個辰光，上海公共租界巡捕房巡捕想敲竹槓弗成，就用販賣人口個罪名拿黎黃氏關到牢裏向去。公共租界會審公廨來勒審理箇樁案件個辰光，英國領事下令判罪，會審官金紹城則認為案情真相弗清弗爽個，弗好直接判案。經共同調查，黎黃氏的的確確弗勒販賣人口，故咾會審官金紹城要求英國領事釋放黎黃氏，遭到英國副領事個拒絕。公共租界會審公廨審理個辰光，又發生中英兩國會審官對女犯人應該關勒啥地方個爭論，外國巡捕直接打同肏鏟中國會審官金紹城，還動手搶犯人，引起旁聽群眾個公憤。上海居民對本國官員受辱反應強烈，到處圍打巡捕，放火燒脫老閘捕房。虞洽卿作為代表同租界當局交涉，據理力爭，再加上商人罷市，工人罷工，租界華人巡捕罷崗，迫使英方讓步，通過上海道袁觀海、工商界人士朱葆三、虞洽卿等人出面調解，一面釋放黎黃氏，一面勸令華商開市，規定「今後一律由中方巡捕到會審公堂維持秩序」。會審官金紹城因為箇樁事體罷官。^[1]

會審公廨審理案件個情景

1905年大鬧會審公廨案發生以後，上海市民攻擊老閘捕房

1905年12月8號，工部局巡捕來勒會審公廨大打出手，激起民憤，市民擁勒路上厾石頭同巡捕對峙