Domitila (1996)

Domitilla jẹ́ fíìmù ọdún 1996 ti orílẹ̀-èdè Nàìjíríà, tó ní àwọn gbajúmọ̀ òṣèré bí i Anne Njemanze, Sandra Achums, Ada Ameh, àti Kate Henshaw. Fíìmù náà dá lórí arábìrin kan tó ń tiraka láti rí jíjẹ-mímu nípa ṣíṣe iṣẹ́ aṣẹ́wó ní Èkó.^[1][2][3] Apá kejì fíìmù náà, ìyẹn Domitilla 2, jáde ní ọdún 1999, àtúnṣe rẹ̀ sì máa jáde ní ọdún 2023.

Ìtàn ní ṣókí

Ngozi, tó jẹ́ akọ̀wé ọ́fíìsì kan máa ń ṣiṣẹ́ aṣẹ́wó ní alẹ́ pẹ̀lú orúkọ ìnágijẹ "Domitilla" ( Anne Njemanze ), pẹ̀lú àwọn ọ̀rẹ́ rẹ̀, ìyẹn Judith (Kate Henshaw), Anita (Ada Ameh), àti Jenny (Sandra Achums). Àwon owó tó ń rí ò lè gbọ́ àwọn ìnáwó rẹ̀ àti owó ìwòsàn bàbá rẹ̀ (Emmanuel France). Lẹ́yìn ìwọléwọ̀de rẹ̀ pẹ̀lú John (Charles Okafor), ìyẹn fi òpin sí ọ̀rọ̀ ìfẹ́ wọn ní kété tí ó mọ̀ nípa iṣẹ́ aṣẹ́wó tó ń ṣe. Domitilla lọ sí àpéjọ ayẹyẹ kan pẹ̀lú àwọn ọlrẹ́ rè, níbi tí ó ti pàdé olóṣèlú ọlọ́rọ̀ kan tí orúkọ̀ rẹ̀ ń jẹ́ Lawson (Enebeli Elebuwa).

Àmọ́ ayé da iyẹ̀pẹ̀ sí gàrí rẹ̀ nígbà tí olóṣellú yìí kú sí hòtẹ́ẹ̀lì tí wọ́n jọ sùn sí. Gbogbo ẹ̀rí nawọ́ sí Domitilla...

Àwọn akópa

• Ann Njemanze bí i Domitilla
• Sandra Achums bí i Judith
• Ada Ameh bí i Anita^[4]
• Kate Henshaw bí i Jenny^[5]
• Charles Okafor bí i John
• Enebeli Elebuwa bí i Dr Lawson
• Maureen Ihua bí i Fúnmi Lawson