Pang-chān:中華成棒隊
From Wikipedia, the free encyclopedia
Remove ads
中華民國野球代表隊（簡稱中華成棒隊、中華隊），是中華民國野球運動兮國家代表隊；自1981年開始，根據《Lausanne 協議》佇國際體育賽事內底嘛號做中華臺北野球代表隊（Chinese Taipei Baseball Team）[1]。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
中華成棒隊佇1950年代組成，是亞洲野球總會創始會員，佮日本隊、韓國隊做伙夆號做「亞洲三強」；中華野球代表隊（包括三級野球）長期以來嘛位佇世界棒壘球總會野球世界排名兮頭前，目前是世界第二[2]。
中華成棒隊兮選手組成，除了中華職棒、業餘野球隊球員以外，閣有佇日本職棒佮美國職棒大聯盟、小聯盟拍拚兮臺灣選手。中華成棒隊兮組隊、訓練捌予中華民國野球協會負責；自2017年開始，一級賽事組隊、訓練改予中華職棒接手負責[3]。
Remove ads
歷史
1951年，第一擺經過選訓委員選拔選手組成「臺灣聯隊」，1月26予臺灣省野球協會理事長謝東閔𤆬領去到菲立賓進行友誼賽，是中華民國戰後頭一擺進行國際交流兮體育團體，實際上嘛有國家隊兮實力，但是因為毋是正式國際賽，對手嘛毋是國家代表隊，所以是「臺灣隊」應戰[5][6]:36[7][8]。
主要賽事
世界野球經典賽
2009年世界野球經典賽，中華隊以2連敗成績夆淘汰，毋但是本屆賽事頭一个出局兮國家，嘛以1：4第二擺佇正式國際賽輸予中國。2013年世界野球經典賽，因為頂屆中華隊戰績無好，所以這屆着愛對資格賽開始拍。中華隊佇資格賽內底無失分全部攏贏進入正賽。正賽預賽B組內兮頭兩戰成功拍敗澳洲、荷蘭，上尾一場雖然以2：3輸予韓國，但是因為荷蘭贏韓國誠濟，猶原是分組第1進入8強複賽。複賽頭一戰佮日本拍甲第10局才以3：4一分輸球，第二場予古巴以14：0提前佇第7局 khő͘-tó͘，成做這擺賽事複賽頭一个出局兮國家，佮四強決賽無緣。2017年世界野球經典賽，中華隊對戰以色列、荷蘭、韓國攏拍輸（0勝3敗），成做分組上尾一名淘汰，毋過因為後一屆經典賽對16隊楦大到20隊，所以得着後一屆世界野球經典賽兮資格。2023年世界野球經典賽頭一戰着以12：5輸予巴那瑪，雖然後來拍贏荷蘭、以大利，毋過拍輸古巴了後因為失傷濟分，佇五隊攏是2勝2敗兮狀況，失分率0.886成做A組填底，2026年愛對資格賽開始拍。中華隊佇資格賽內底以2勝2敗成做分組第三進入附加賽，落尾佇附加賽內底以6：3拍贏西班牙進入正賽。
2009年、2023年攏夆淘汰，致使失去2013年、2026年正賽兮資格；愛對2012年頭一擺舉辦兮2013年經典賽資格賽、2025年舉辦兮2026年資格賽開始拍。2012年11月佇2013年經典賽資格賽得着第4組第1名，得着2013年經典賽正賽兮資格。2025年2月佇2026年經典賽資格賽得着第1組第3名，拍贏附加賽得着2026年經典賽正賽資格。
世界野球12強賽
.jpg)
2015年第一屆世界野球12強賽，中華隊以1：4拍敗古巴，是29年來頭一擺。（頂擺是1986年世界盃）[9]但是猶原佇預賽夆淘汰，落尾是第9名。2019年世界野球12強賽，中華隊拍入去複賽，佇日本千葉海洋球場對決南韓隊，臺灣以7：0拍敗南韓，是臺灣佇一級賽事內底贏南韓上濟的一戰，嘛是臺灣頭一擺完封南韓[10][11]。這擺12強中華隊佇複賽落尾是2勝3敗，得着第5名[12]，這嘛是中華隊10年以來佇國際一級賽事內底上好兮成績[13]。2024年世界野球12強賽，臺灣成功拍入去冠軍賽，落尾中華隊佇冠軍賽以4：0拍敗日本隊，毋但是頭一擺得着12強冠軍，嘛是隊史頭一擺得着三大賽（奧運、WBC、12強）兮冠軍，創下臺灣野球史上好兮紀錄[14]，
夏季奧運（非定期舉辦）
1984年洛杉磯奧運，野球頭一擺成做示範項目，中華隊得着銅牌。1992年 Barcelona 奧運，野球項目頭一擺成做正式項目，中華隊得着銀牌。是臺灣佇奧運野球項目上好兮成績。中華隊以2007年亞錦賽第三名兮資格，參加奧運野球最終資格排名賽（閣號做「八搶三資格賽」）得着季軍，進入2008年北京奧運。2008年北京奧運，中華隊佇採用突破僵局制兮延長賽（12局）內底以7：8頭一擺輸予中國。
- 1984年：
示範賽銅牌 - 1988年：示範賽第八名（預賽B組第四）
- 1992年：
銀牌 - 1996年：無晉級正賽
- 2000年：無晉級正賽
- 2004年：第五名
- 2008年：第五名
- 2020年：無晉級正賽
世界盃野球賽（已停辦）
1984年世界盃，中華隊以6：1拍敗美國隊，是臺灣頭一擺佇正式國際賽拍敗美國，落尾得着亞軍。2001年世界盃野球賽，是世界盃頭一擺佇臺灣舉行，攏總有16隊參賽，是彼當陣臺灣野球史上規模上大兮國際賽。其中臺美戰，現場有25,000个觀眾，是臺灣野球彼當陣單場上濟儂入場兮紀錄。本屆世界盃因為連紲拍敗日、韓2隊，有亞洲冠軍兮象徵意義，嘛是臺灣佇世界盃史上第3擺得着第3名。嘛因為這擺賽事兮成功，吸引球迷轉去到球場支持臺灣國內兮職業野球賽事[15]。2007年世界盃野球賽，世界盃閣一擺佇臺灣舉行，攏總有16隊參賽，中華隊佇預賽第5場以5：9輸予墨西哥、佇第7場以7：10輸予美國，閣佇複賽連紲輸予荷蘭、韓國、墨西哥，干焦得着第8名。
|
|
|
洲際盃野球賽（已停辦）
1983年洲際盃，中華隊以13：1拍贏古巴隊，是頭一擺拍敗世界野球強權古巴。1977年預賽佮加拿大、波多利哥並列第六名，加賽拍贏加拿大、輸予波多利哥無晉級複賽。
|
|
|
U-23世界盃野球賽（本底是21U世界盃）
2014年21U世界盃野球賽，中華隊佇冠軍賽以9：0完封日本，是成棒隊史頭一擺佇正式世界性比賽內底得着冠軍。2016年U-23世界盃野球賽，中華隊佇預賽夆淘汰了後排名是第7名。
- 2014年（21U）：
冠軍 - 2016年：第七名
- 2018年：第五名
- 2021年：第六名
- 2022年：
季軍 - 2024年：第八名
次要賽事
夏季世界大學運動會
2015年佇韓國光州舉辦兮世界大學運動會，中華隊佮日本並列金牌（因為落雨取消金牌戰），是成棒隊史頭一擺佇世界性綜合運動比賽內底得着金牌。2017年夏季世界大學運動會野球比賽，中華隊佇預賽以3：4輸予法國、11：0拍贏捷克、3：6輸予南韓拍輸兩場關鍵比賽了後無法度晉級複賽，佇5-8名排名戰內底11：1、15：0拍贏墨西哥佮露西亞了後得着第5名[16]。
- 1993年：第六名
- 1995年：第五名
- 2015年： 金牌（並列）
- 2017年：第五名
世界大學野球錦標賽
- 2002年：第四名
- 2004年：第四名
- 2006年：
亞軍 - 2008年： 季軍
- 2010年：第六名
- 2018年： 亞軍
亞洲賽事
亞洲運動會
2006年杜哈亞運，5戰全贏，拍敗韓國、泰國、中國、菲立賓佮日本，落尾得着金牌，是中華隊佇亞運共野球當做正式項目了後頭一擺得着金牌。2018年Jakarta 亞運，佇預賽第一場賽事對戰韓國，以2：1拍贏，嘛是2006年杜哈亞運了後隔12冬閣一擺佇國際賽內底拍敗由職棒選手組成兮韓國隊，而且這擺中華隊閣是業餘球員組成兮[17]，本屆亞運落尾得着銅牌[18]。
因為野球予奧運對28項固定項目內底刣掉，亞運嘛受着影響，2010年廣州亞運了後野球成做非定期舉辦兮項目，2014年仁川亞運兮野球項目是主辦地家己揀兮項目之一。
- 1990年：
示範賽金牌 - 1994年：
銅牌 - 1998年： 銅牌
- 2002年：
銀牌 - 2006年： 金牌
- 2010年： 銀牌
- 2014年： 銀牌
- 2018年： 銅牌
- 2022年： 銀牌
亞洲野球錦標賽
1954年12月18到24，菲立賓舉辦頭一屆亞錦賽，這是中華民國野球代表隊頭一擺參加國際賽。這屆兮賽事干焦有4隊參賽，是中華民國、日本、韓國、菲立賓，這4隊嘛是佇彼年5月成立兮亞洲野球總會兮創始會員國。但是中華民國兮頭一場國際賽落尾以3戰攏輸填底兮成績結束。1955年，佇第2屆亞錦賽內底，中華民國以3勝3敗兮成績得着第2名。1983年佮日本、韓國並列冠軍。1985年佮韓國並列亞軍。1989年佮日本、韓國並列冠軍。2012年亞錦賽，中華隊以7：0拍贏韓國隊，是久長來中華成棒隊贏韓國隊上濟兮一場[19][20]。2019年亞洲野球錦標賽兮決賽，中華隊以5：4拍敗日本隊，嘛是2001年亞錦賽了後隔18冬閣一擺佇亞錦賽拍敗日本隊，並且得着隊史第五冠。
自從野球予奧運對固定項目刣掉了後，各國對主辦亞錦賽無啥興趣，佇2009年了後成做非定期舉辦兮賽事。
|
|
|
|
亞洲職棒冠軍爭霸賽
2017年亞洲職棒冠軍爭霸賽，中華隊佇預賽以0：1輸予韓國、2：8輸予日本，佇第一屆賽事內底得着第3名，王柏融、朱育賢得着大會兮最佳十人[21][22]。
- 2017年：
第三名 - 2023年： 第三名
東亞運動會（已停辦）
2013年天津東亞運預賽，雖然中華隊捌用11：0 khő͘-tó͘ 日本（7局）；但是佇突破僵局制兮延長賽（10局）內底以3：4第三擺輸予中國。
- 2013年：
銅牌
Remove ads
球衫
Remove ads
相關文章
- 中華臺北女子野球代表隊
- 中華民國野球協會
- 臺灣野球史
- 中華臺北
- 世界棒壘球聯盟
- 國際野球總會世界排名
- 冠軍之路Team Taiwan（12強電影）
參考資料
外部連結
Wikiwand - on
Seamless Wikipedia browsing. On steroids.
Remove ads