Pang-chān:朱育賢
From Wikipedia, the free encyclopedia
Remove ads
朱育賢（1991年11月26出世），是臺灣兮職業野球選手，目前佇中華職棒味全龍。
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
(cropped).jpg)
朱育賢國中兮時才開始拍野球，後來加入大理高中青棒隊、中國文化大學野球隊。2015年季中選秀予Lamigo桃猿以第七輪、第28順位揀入去，守備位置是一壘手、外野手。2024年，朱育賢行使自由球員權利，最後以4年4800萬兮合約轉隊到味全龍。
Remove ads
經歷
(cropped).jpg)
特殊記錄
2016年4月8號佇新莊野球場對戰中信兄弟兮比賽，佇九局上代打，拍出一支二壘安打，是生涯頭一支安打。
2016年5月7號佇桃園野球場對戰義大犀牛，面對Lansford摃出生涯頭一支hőng-bú-láng。
2016年7月24佇新莊野球場對戰中信兄弟，頭一擺達成單場雙響砲。
2016年8月12佇桃園球場對戰義大犀牛兮比賽，代打面對賴鴻誠摃出生涯頭一支滿壘全壘打，是中華職棒史上第11支代打滿壘全壘打。
2017年6月9號佇桃園球場對戰統一7-ELEVEn獅，九局下面對DeMark拍出生涯頭一支再見安打。
2017年11月18佇東京巨蛋舉行兮第一屆亞洲職棒冠軍爭霸賽對戰日本隊，九局下面對西武獅兮投手平井克典，摃出中左外野方向兮孤分全壘打，幫助臺灣得着規屆比賽兮頭一分[1]，落尾嘛得着本屆賽事最佳十人一壘手。[2][3]
2019年4月9號佇桃園球場對戰統一7-ELEVEn獅，九局下面對邱浩鈞摃出生涯頭一支再見hőng-bú-láng，毋但是單場MVP，嘛成做中華職棒史上頭一位單場雙響砲是「滿壘全壘打＋再見hőng-bú-láng」兮選手[4]。
2019年6月29佇新莊野球場對戰富邦悍將兮比賽，三局上面對陳仕朋摃出半季第21轟，佮1996年下半季時報鷹兮Denny所創造兮中職紀錄平濟[5]，八局上面對楊彬摃出半季第22轟，破中職30年來兮紀錄[6]。
2019年8月24，佇洲際野球場對戰中信兄弟，單場3支雙殺打、連紲3个打席雙殺攏佮聯盟紀錄平濟。
2020年4月15，佇桃園球場對戰統一7-ELEVEn獅，朱育賢生涯頭一擺單場三響砲，而且第二轟閣幫助球隊佇延長賽內底拍轉去平手兮局面，第三轟面對劉軒荅摃出再見hőng-bú-láng。隔日閣摃出單場雙響砲，兩工攏總五支hőng-bú-láng，佮彼當陣踮中信兄弟兮曾陶鎔佇2017年5月5號-6號創兮紀錄平濟。可惜朱育賢佇八局下夆換落去，無緣挑戰連紲兩工三響砲兮紀錄[7]。
2020年4月25，佇臺南野球場對戰統一獅，頭一局着摃出兩分砲，創造開季8戰8轟兮紀錄，嘛超過1999年兄弟象洋砲Ted Wood開季14場摃出8轟兮紀錄[8]。
2020年6月6號，佇桃園球場對富邦悍將兮比賽當中，二局下面對Sosa摃出中右外野方向兮兩分hőng-bú-láng，是中華職棒第一萬支hőng-bú-láng[9]。
2020年8月9號，佇洲際野球場對戰中信兄弟兮比賽內底，二局上面對周磊摃出中右外野方向兮孤分hőng-bú-láng，是生涯第一百轟[10]。
2021年10月14對戰中信兄弟摃出hőng-bú-láng，是樂天桃猿隊史兮第1700轟。
2021年10月30，摃出賽季第20轟，完成連紲3年20轟，是中華職棒第3儂、本土第二儂[11]。
2021年11月11，對戰富邦悍將投手藍愷青摃出中左外野方向再見hőng-bú-láng，是生涯第三支再見hőng-bú-láng。
2023年6月1號，對戰統一獅投手Keyvius摃出中外野方向兮2分hőng-bú-láng，完成生涯第150轟。
2024年5月10號，對戰統一獅投手古林睿煬拍出安打，完成生涯第900支安打。
2024年11月24，2024年世界野球12強賽對戰日本，替補着傷落場兮潘傑楷擔任一壘手，九局下用再見雙殺結束比賽，予中華隊得着冠軍。
2024年底宣布行使自由球員（FA）權利，落尾佇12月12以4年4800萬兮合約正式轉隊到味全龍[12]。
2025年4月5號，佇天母野球場對戰富邦悍將，5局下面對游霆崴摃出一支孤分 hőng-bú-láng，嘛是伊生涯第1000支安打，是中職第30位達成兮選手。另外用 hőng-bú-láng 達成千安是中職史上第二位（頭一位是張志豪）[13]。仝一日中信兄弟兮王威晨嘛拍出生涯第1000支安打，是聯盟頭一擺出現兩个儂佇仝一日達成千安兮情形。
Remove ads
職棒生涯成績
中華職棒
- （粗烏字是彼年上懸抑上好兮成績）
參考資料
外部連結
Wikiwand - on
Seamless Wikipedia browsing. On steroids.
Remove ads