Pang-chān:李振昌

From Wikipedia, the free encyclopedia

Remove ads

李振昌1986年10月21日出世),是臺灣兮職業棒球選手,守備位置是投手,偏名「小李飛刀」,目前佇中華職棒中信兄弟效力,進前是美國職棒 Cleveland 印地安儂日本職棒埼玉西武獅兮選手。

Quick facts 李振昌, 中信兄弟 – No. 34 ...

2013年7月11入去大聯盟,是第九位𬦰 (peh)去哩大聯盟兮臺灣選手、Cleveland 印地安儂隊史內底頭一位臺灣球員,轉去到臺灣加入中信兄弟了後,因為投球成績優異,所以球團決定予伊擔任終結者兮位置。

Remove ads

生涯

李振昌生佇澎湖縣湖西鄉龍門村,是厝內兮大囝。𪜶 (in)兜是單親家庭,三歲兮時爸母離婚,伊阿母佮阿媽共伊佮小弟𤆬大漢。

自國小開始着捌接受過硬式野球兮訓練,後來去到屏東縣屏東高中青棒隊測試,佇彼當陣兮教練林省言觀察了後,共伊納入野球隊培養。佇成棒兮李振昌上緊兮球速通到152km/h[1],並且佇讀臺北體院期間捌入選成棒國家代表隊幾若擺。

2008年參加荷蘭主辦兮哈連盃[2]北京奧運[3]捌兩擺面對古巴成棒隊先發主投,攏會當封鎖古巴打線,雖然無替臺灣得着勝利,毋過伊兮實力嘛受着關注。

美國職棒

2008年9月,Cleveland 印地安儂以40.5萬美金簽約金兮小聯盟合約共李振昌簽落來[4]

2012年6月,進行手術了後展開復健。11月,球團為着避免伊予其他球隊用規則5選秀兮方式選走,共伊囥入去40儂兮保護名單內底。

2013年7月11,李振昌起哩大聯盟。7月15,佇對戰堪薩斯市皇家兮比賽內底頭一擺佇大聯盟上場,中繼1.1局,無安打、無失分,尾仔6:4拍敗皇家,李振昌無關勝敗。毋過過無偌久隨佇7月23夆放落去3A。9月4號因為大聯盟擴編,閣一擺起哩大聯盟。9月11對戰堪薩斯市皇家七局上場,中繼一局失一分,夆敲出兩支安打,無保送無 săn-sín。印地安儂隊落尾以3:6輸予皇家。佇2013年球季,李振昌佇大聯盟攏總出賽8場,投4.1局送出4擺 săn-sín 夆拍出4支安打失3分,其中有2分自責分,防禦率4.15。

2014年9月5號面對芝加哥白襪仔,10局頂半上場救援,守落來了後靠隊友兮再見安打得着個人生涯頭一場大聯盟兮勝投。這冬伊出賽37場投28局送出26擺 săn-sín,有14分自責分,防禦率4.50。

日本職棒

2015年球季結束了後,印地安儂隊共合約賣予埼玉西武獅,11月27,李振昌加盟西武,走去日本職棒。佇2016年,李振昌干焦佇一軍出賽18場、防禦率6.46。2016年11月1號,西武獅決定莫續約,李振昌成做自由球員。轉去臺灣了後,佇富邦悍將進行自主訓練。

轉去美國職棒

2016年12月23,李振昌佮科羅拉多洛磯簽落包含大聯盟春訓邀請兮小聯盟合約,但是2017年伊兮3A成績無好,所以干焦佇小聯盟爾爾。

2018年1月31,李振昌佮洛杉磯 Dodgers簽落包含大聯盟春訓邀請兮小聯盟合約,繼續拍拚欲轉去大聯盟。

2018年6月4號,雖然這冬伊佇3A投出好成績,但是李振昌行使合約內底兮脫走條款,正式予 Dodgers 釋出,李振昌轉去臺灣參加彼冬兮中職選秀會

中華職棒

2018年7月2號,佇選秀會頂懸予中信兄弟以第一輪第三位選入去,7月10號,中信兄弟宣布以3冬半、月薪62萬、逐年閣有上濟100萬箍兮激勵獎金、總價值上懸通到3,004萬兮複數年合約共伊簽落來。中信兄弟總教練 Snyder 嘛表示:「李振昌是今年選秀會內底上好兮投手,選擇伊毋是傷困難兮決定,而且嘛因為伊經驗豐富閣有中繼、後援兮經驗,若無意外會共終結者兮位置交予伊。」

李振昌選擇兮背號是34號,原因是感念西武獅時代橫田久則教練兮照顧,所以選擇穿橫田教練過去佇兄弟效力兮時穿兮34號。

2018年7月25完成中職初登板,後援1局無失分得着勝投佮單場MVP,落尾兄弟以5:3拍敗Lamigo桃猿,兄弟總教練 Syder 嘛共伊呵咾。

獅隊總教練黃甘霖表示,李振昌毋但直球速度緊,趨球シンカー (sìn-khah)出手了後會走去本壘板兩爿,因為轉速緊,足晏才會變化,佇中職是足懸兮水準。黃甘霖嘛講中職少年兮打者有機會對決李振昌是好兮代誌,對打擊一定會有幫助。

Remove ads

職棒生涯成績

美國職棒

More information 年度, 球隊 ...

日本職棒

More information 年度, 球隊 ...

中華職棒

More information 年度, 球隊 ...
Remove ads

閣看

  • 臺灣出世大聯盟選手列單
  • 旅美野球選手

參考資料

外部連結

Loading related searches...

Wikiwand - on

Seamless Wikipedia browsing. On steroids.

Remove ads