Tē-kiû ê tāi-khì-khoan

Tē-kiû ê tāi-khì-khoan sī chi̍t-têng pau tiām Tē-kiû sì-ûi, siū tāng-le̍k giú tiâu ê khì-thé, tō sī it-poaⁿ kóng ê khong-khì. Tē-kiû ê tāi-khì-khoan só͘ chhòng-chō ê ap-le̍k, hō͘ e̍k-thài ê chú thang chûn-chāi tī tē-kiû piáu-bīn, lēng-gōa mā ū khip-siu chí-gōa-sòaⁿ, pó-chhî un-loán, kap kiám-chió ke̍k-toan un-tō͘ ê kong-lêng, pó-hō͘ che he̍k-chheⁿ téng ê sèⁿ-miā.

Cho͘-sêng

Taⁿ khong-khì ê chú-iàu cho͘-sêng, chiàu thé-chek^[1]

Khì-thé		Thé-chek(A)
Hō-miâ	Hòa-ha̍k-sek	ppmv(B)	%
Chit-sò͘	N2	780,840	78.084
Sng-sò͘	O2	209,460	20.946
Argon	Ar	9,340	0.9340
Jī-sng-hòa thòaⁿ-sò͘	CO2	400	0.04[2]
Neon	Ne	18.18	0.001818
Helium	He	5.24	0.000524
Methane	CH4	1.79	0.000179
Bô hâm tī téng-bīn ê taⁿ khong-khì:
Chúi-cheng-khì(C)	H2O	10–50,000(D)	0.001%–5%(D)
chù-kái: (A) Tī lí-sióng khì-thé, thé-chek hun-lu̍t sī téng-û mole hun-lu̍t,     lēng-gōa khòaⁿ thé-chek (jia̍t-le̍k-ha̍k) (B) ppmv: ēng thé-chek sǹg ê pah-bān-hūn-it (ppm) (C) Tī kui-ê tāi-khì-khoan chú-cheng-khì chiàm 0.25% ê chit-liōng (D) Chúi-cheng-khì chiàu só͘-chāi chin bô-kâng[3]