Chiong-kun-khu
From Wikipedia, the free encyclopedia
Remove ads
Chiong-kun-khu (Siraya-gí: Auong) sī Tâi-oân Tâi-lâm-chhī ê 1 ê khu, kū-miâ sī Au-âng (漚汪).
這篇文章有漢字兮版本。 參考這篇文章兮漢字版本。 |
Remove ads
Le̍k-sú
Chiong-kun-khu tī 1920 nî chìn-chêng ê kū-miâ hō-chò "Au-âng", sī tùi Siraya-gí ê "Auong" hoan-e̍k kòe--lâi--ê, ì-sù sī "khe", kàu-taⁿ iá-ū chok chē lâng koàn-sì iōng chit-ê miâ. "Chiong-kun" chit-ê miâ ê iû-lâi tī thoân-soat lāi-té kóng sī kah Si Lông ū koan-hē. 1683 nî, Si Lông chhōa-peng phah-pāi Bêng Tēⁿ, Chheng-têng ūi-tio̍h chióng-lē Si Lông, í má cháu saⁿ-kang ê hoān-ûi chò ī ê gia̍p-tē, se-kàu Má-soa-kau, tang kàu O͘-soaⁿ-thâu, siōⁿ-bē-kàu bé cháu kah taⁿ Chiong-kun-chng hù-kīn ê sî kha soah tn̄g--khì, só͘-í tī chia khí "Chiong-kun-hú", sī Si Lông chiong-kun kah Ngô͘ Eng chiong-kun chò-hóe iōng--ê, āu--lâi Si Lông chhōa in pâng-á-lāi kah Ngô͘ Ông nńg sèⁿ ê chhin-cho̍k lâi chia khai khún, chiâⁿ-chò "Chiong-kun-chng"[1]. Chāi-tē-lâng mā tiāⁿ-tiāⁿ kā kán-chheng chò "Chiong-chng".
1920 nî Tâi-oân tē-hng kái-chè, tī chia siat "Chiong-kun-chng", oe̍h hō͘ Tâi-lâm-chiu Pak-mn̂g-kūn koán-hat, chiàn-āu kái siat Tâi-lâm-koān Chiong-kun-hiong, 2010 nî 12 goe̍h 25 Tâi-lâm koān-chhī ha̍p-pèng seng-keh, chiâⁿ-chò Chiong-kun-khu[2].
Remove ads
Chham-khó Chu-liāu
Wikiwand - on
Seamless Wikipedia browsing. On steroids.
Remove ads