Ga̍k Tong-hôa

Ga̍k Tong-hôa (1995-nî 10-goe̍h 19 chhut-sì ), sī Tâi-oân Tayal-cho̍k ê iá-kiû soán-chhiú, bo̍k-chiân tī Tiong-hôa Chit-pāng Tiong-sìn Hiaⁿ-tī hāu-le̍k, siú-pī ūi-tì sī lāi-iá-chhiú, gōa-iá-chhiú. Chú-iàu sī jī-lúi-chhiú ûi-chú.

Ga̍k Tong-hôa 岳東華
Tiong-sìn Hiaⁿ-tī – No. 98
lāi-iá-chhiú, gōa-iá-chhiú
Chhut-sì: 1995 nî 10 goe̍h 19 ji̍t （1995-10-19）(29 hòe)  Tiong-hôa Bîn-kok Gî-lân-koān Tāi-tông-hiong
Táⁿ-kek: tó Tâu-kiû: chiàⁿ
Chho͘-chhù chhut-sài
2017-nî 10-goe̍h 8-hō, tī Tiong-sìn Hiaⁿ-tī
Seng-gâi sò͘-kì thóng-kè (chì 2024 nî ûi-chí)
Táⁿ-kek-lu̍t	0.238
Choân-lûi-táⁿ	26
Táⁿ-tiám	177
Thau-luí	22
Tūi-ngó͘
Tiong-sìn Hiaⁿ-tī（2017-nî 8-goe̍h－）
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2021、2022、2024 Tiong-hôa Chit-pāng nî-tō͘ Chòe-ka Bí-ki Chióng: 2019 Tiong-hôa Chit-pāng Bêng-chheⁿ-sài: 2022、2024 Sè-kài Iá-kiû 12-kiông Sài koan-kun: 2024

Ga̍k Tong-hôa

Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
Sè-kài Iá-kiû 12-kiông Sài
	2024-nî Tang-kiaⁿ	Thoân-tūi

Ga̍k Tong-hôa sī Ga̍k--sī 3-hiaⁿ-tī ê tōa-hiaⁿ, sió-tī Ga̍k Chèng-hôa kah i kāng-khoán lóng tī Tiong-sìn Hiaⁿ-tī, jī-tī Ga̍k Siáu-hôa tī Hù-pang Hān-chiòng.

Seng-pêng

Tāi-ha̍k 3-nî ê sî chham-ka 2017-nî kùi-tiong soán-siù-hōe, in-ūi Ga̍k Tong-hôa tī 2016-nî U-23 Sè-kài-poe Iá-kiû-sài piáu-hiān kah chin hó, hō͘ Tiong-sìn Hiaⁿ-tī í thâu-1-lûn tē-3-ūi kéng ji̍p-khì, 8-goe̍h 1-hō chèng-sek í 520-bān chhiam-iok-kim ka-ji̍p Tiong-sìn Hiaⁿ-tī, hőng jīn-ûi thang chiap-pan Chhiōⁿ-tūi ê lāi-iá chiàn-le̍k^[1][2]。2024-nî 11-goe̍h 24 Tâi-oân Tāi-piáu-tūi tit-tio̍h 2024-nî Sè-kài Iá-kiû 12-kiông Sài] koan-kun, Ga̍k Tong-hôa mā-sī chit-pái chham-ka pí-sài ê kiû-oân chi-it.

Keng-le̍k

• Gî-lân-koān Sam-seng-hiong Sam-seng Kok-sió Siàu-pāng-tūi
• Gî-lân-koān Sam-Seng Kok-tiong Chheng-siàu-pāng-tūi
• Sin-pak-chhī Kok-pó Ka-siong Chheng-pāng-tūi
• Thô-hn̂g-chhī Khai-lâm Tāi-ha̍k (Ûi-lûn Si̍t-gia̍p) Iá-kiû-tūi
• Tiong-hôa Chit-pāng Tiong-sìn Hiaⁿ-tī (2017-nî 8-goe̍h－)

Sêng-pāng Kok-chhiú Keng-le̍k

• 2019-nî Sè-kài Iá-kiû 12-kiông Sài Tiong-hôa-tūi
• 2024-nî Sè-kài Iá-kiû 12-kiông Sài Tiong-hôa-tūi

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sì-sí	Sa̋n-sín	Lúi-táⁿ-sò͘	Siong-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2017	Tiong-sìn Hiaⁿ-tī	1	1	0	0	0	0	0	0	0	0	0.000	0.000	0.000	0.000
2018	Tiong-sìn Hiaⁿ-tī	24	55	8	0	1	1	4	16	8	0	0.145	0.200	0.145	0.345
2019	Tiong-sìn Hiaⁿ-tī	60	164	50	6	26	2	14	32	80	3	0.305	0.358	0.488	0.846
2020	Tiong-sìn Hiaⁿ-tī	76	237	69	4	34	4	25	39	96	10	0.291	0.355	0.405	0.760
2021	Tiong-sìn Hiaⁿ-tī	71	181	38	2	13	1	17	35	50	3	0.210	0.276	0.276	0.552
2022	Tiong-sìn Hiaⁿ-tī	112	382	92	3	36	6	36	81	118	5	0.241	0.305	0.309	0.614
2023	Tiong-sìn Hiaⁿ-tī	82	251	56	3	24	0	44	67	75	2	0.223	0.339	0.299	0.638
2024	Tiong-sìn Hiaⁿ-tī	118	356	75	8	43	8	64	82	113	7	0.211	0.326	0.317	0.643
合計	8冬	544	1627	388	26	177	22	204	352	540	30	0.238	0.321	0.332	0.653

Te̍k-sû Sū-chek

Ji̍p-khì chit-pāng chìn-chêng

• 2007-nî Tē-10-kài Chu-lô-san-poe Kok-chè Nńg-sek Siàu-pāng Iau-chhéng-sài Chòe-ka 9-jîn-chióng.
• 2012-nî Âng-hio̍h-poe Siàu-pāng Kím-phiau-sài kah Chheⁿ-pāng Iau-chhéng-sài Táⁿ-kek-chióng.
• 2016-nî Tē-1-kài U-23 Sè-kài-poe Iá-kiû-sài bêng-seng kiû-oân, chòe-ka sam-lúi-chhiú.

Ji̍p-khì chit-pāng liáu-āu

• 2017-nî 10-goe̍h 20 bīn-tùi Thóng-it 7-ELEVEn Sai ê thiau-chiàn-sài, Ga̍k Tong-hôa thâu-1-pái tī chit-pāng it-kun sian-hoat, tam-jīm tē-9-pāng sam-lúi-chhiú^[3].
• 2018-nî 5-goe̍h 18, tī Thian-bú Iá-kiû-tiôⁿ, 6-kio̍k-siōng bīn-tùi Lamigo Thô-oân sian-hoat tâu-chhiú Ông Ek-chèng phah-chhut seng-gâi it-kun ê thâu-1-ki an-táⁿ.
• 2019-nî 7-goe̍h 21, tī Chiu-chè Iá-kiû-tiôⁿ tùi-chiàn Thóng-it 7-ELEVEn Sai, 8-kio̍k-hā bīn-tùi N̂g Chùn-gān kòng-chhut tiong-gōa-iá hong-hiòng ê 3-hun hőng-bú-láng, sī i seng-gâi ê thâu-1-ki hőng-bú-láng.
• 2020-nî 6-goe̍h 19, tī Chiu-chè Iá-kiû-tiôⁿ tùi-chiàn Lo̍k-thian Thô-oân, 9-kio̍k-hā nn̄g-pêng 4:4 pêⁿ-chhiú, Ga̍k Tong-hôa bīn-tùi Lo̍k-thian Thô-oân ê chiong-kiat-chiá Ông Io̍k-lîm kòng-chhut tiong-gōa-iá hong-hiòng ê 3-hun hőng-bú-láng, sī i seng-gâi thâu-1-ki chài-kiàn hőng-bú-láng.^[4]
• 2020-nî 11-goe̍h 1-hō tī Chiu-chè Iá-kiû-tiôⁿ chìn-hêng Tâi-oân Tōa-sài tē-2-tiôⁿ, 2-kio̍k-hā bīn-tùi Thóng-it 7-ELEVEn Sai-tūi tâu-chhiú Melville kòng-chhut iū-gōa-iá hong-hiòng 2-hun ê hőng-bú-láng, kâng-chi̍t-kio̍k sió-tī Ga̍k Chèng-hôa kāng-khoán kòng-chhut 2-hun ê hőng-bú-láng, chiâⁿ-chò Tiong-hôa Chit-pāng sú-siōng thâu-chi̍t-pái hiaⁿ-tī tī chóng-koan-kun-sài kòng-chhut hőng-bú-láng。
• 2023-nî 4-goe̍h 3-hō tī Tâi-lâm Iá-kiû-tiôⁿ tùi-chiàn Thóng-it Sai, liân-sòa 5-ê táⁿ-se̍k chiōⁿ-lúi, phò i seng-gâi ê kì-lo̍k.

Ka-têng

• Ū 2-ê sió-tī － Ga̍k Siáu-hôa kah Ga̍k Chèng-hôa, kah Ga̍k Tong-hôa kāng-khoán lóng-sī chit-pāng soán-chhiú^[5], kî-tiong Ga̍k Chèng-hôa mā tī 2019-nî (Tiong-chit 30-nî) ê kùi-tiong soán-siù-hōe lāi-té í tē-1-lûn tē-jī-ūi hō͘ Tiong-sìn Hiaⁿ-tī kéng-tio̍h.