Ia̍p Kun-chiong

Ia̍p Kun-chiong (1972 nî 10 goe̍h 25 ji̍t chhut-sì ), sī Tâi-oân ê iá-kiû soán-chhiú, hiān-jīm Bī-choân Liông chóng-kàu-liān. Kiû-oân sî-kî siú-pī ūi-tì sī pó͘-chhiú, bat tī Tiong-hôa Chit-pāng Bī-choân Liông, Heng-lông Gû kah Hiaⁿ-tī Chhiūⁿ hāu-le̍k, mā tiāⁿ-tiāⁿ ji̍p-soán kok-ka-tūi, sī kè Âng It-tiong, Chan Tì-cheng nn̄g tōa thih-pó͘ liáu-āu Tiong-hôa-tūi óa-tāng ê pó͘-chhiú, bat kah Ko Chì-kong, Tân Hong-bîn pēng-lia̍t chò Tâi-oân saⁿ tōa pó͘-chhiú. Thè-ia̍h liáu-āu tī chin-chē ki kiû-tūi tam-jīm kàu-liān, chóng-kàu-liān.

Ia̍p Kun-chiong 葉君璋
Ia̍p Kun-chiong (tī 2012 nî hip--ê)
Bī-choân Liông – No. 27
It-kun chóng-kàu-liān
Chhut-sì: 1972 nî 10 goe̍h 25 ji̍t （1972-10-25）(52 hòe)  Tiong-hôa Bîn-kok Tâi-pak-chhī
Táⁿ-kek: chiàⁿ Tâu-kiû: chiàⁿ
Tiong-hôa Chit-pāng Chho͘-chhù chhut-sài
1996 nî 4 goe̍h 8 hō, tī Bī-choân Liông
Tiong-hôa Chit-pāng sò͘-kì thóng-kè (chì 2011 nî ûi-chí)
Táⁿ-kek-lu̍t	0.230
An-táⁿ	961
Choân-lûi-táⁿ	6
Táⁿ-tiám	355
Thau-luí	36
Tūi-ngó͘
Kiû-oân sî-kî Bī-choân Liông (1996 nî－1999 nî) Heng-lông Gû (2000 nî－2009 nî) Hiaⁿ-tī Chhiūⁿ (2010 nî－2011 nî) Kàu-liān sî-kî Cleveland Ìn-tē-an-lâng sin-lâng liân-bêng (2012 nî－2015 nî) Gī-tāi Sai-gû it-kun chóng-kàu-liān (2015 nî 6 goe̍h－2016 nî 10 goe̍h) Hù-pang Hān-chiòng it-kun chóng-kàu-liān (2016 nî 11 goe̍h－2019 nî 4 goe̍h) Bī-choân Liông it-kun chóng-kàu-liān (2019 nî－)
Seng-gâi cheng-chhái piáu-hiān kah ti̍t-chióng
Kiû-oân sî-kî Tiong-hôa Chit-pāng nî-tō͘ chóng-koan-kun: 1997－1999, 2004, 2005, 2010 Tâi-oân Tōa-sài MVP: 2005 Tiong-hôa Chit-pāng Chòe-ka 10-jîn Chióng (Pó͘-chhiú): 2000－2002 Tiong-hôa Chit-pāng Kim-chhiú-thò Chión (Pó͘-chhiú): 2000－2002 Tiong-hôa Chit-pāng Bêng-seng-sài: 1997－2006, 2008－2011 Kàu-liān sî-kî Tiong-hôa Chit-pāng nî-tō͘ chóng-koan-kun: 2016, 2023 Tiong-hôa Chit-pāng Chòe-ka chóng-kàu-liān: 2016, 2023

Ia̍p Kun-chiong

Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
Sè-kài-poe Iá-kiû-sài
	2001 nî Tâi-oân	Thoân-tūi
A-chiu Iá-kiû Kím-phiau-sài
	1993 nî Perth	Thoân-tūi
	1995 nî Kong-san	Thoân-tūi
	2003 nî Pak-hái-tō	Thoân-tūi
	2007 nî Tâi-tiong	Thoân-tūi
A-chiu Ūn-tōng-hōe
	1994 nî Kóng-tó	Thoân-tūi
	2006 nî Tō͘-ha	Thoân-tūi
Chiu-chè-poe Iá-kiû-sài
	2006 nî Tâi-tiong	Thoân-tūi

Seng-gâi

In-ūi Ia̍p Kun-chiong tī gia̍p-î sî-kî tio̍h tiāⁿ-tiāⁿ ji̍p-soán kok-ka-tūi, só͘-í tī ji̍p-khì chit-pāng chìn-chêng tio̍h siū-tio̍h chiâⁿ chē kiû-tūi ê koan-chù, lo̍h-bóe 1996 nî ka-ji̍p Tiong-hôa Chit-pāng Bī-choân Liông. 1999 nî Bī-choân Liông oân-sêng 3-liân-pà liáu-āu soan-pò͘ kái-sàn, Ia̍p Kun-chiong kah tūi-iú Tiuⁿ Thài-san, Tân Kim-bō͘ ka-ji̍p Heng-lông Gû, choán-tūi liáu-āu tī 2000 nî kàu 2002 nî liân-sòa 3-tang lóng tit-tio̍h pó͘-chhiú ūi-tì ê Chòe-ka 10-jîn Chióng, Kim-chhiú-thò Chión.

2009 nî-té, Heng-lông Gû kah Ia̍p Kun-chiong kái-iok, Hiaⁿ-tī Chhiūⁿ kah i chiap-chhiok thó-lūn ka-bêng ê tāi-chì, tān-sī sûi koh in-ūi khó-lū tio̍h Heng-lông Gû ê thāi-tō͘ tiong-chí chhiam-iok, Tâi-pak-chhī Chit-gia̍p Iá-kiû-oân Chit-gia̍p Kang-hōe seng-bêng Heng-lông Gû sī in-ūi Ia̍p Kun-chiong ka-ji̍p kang-hōe pēng-chhiáⁿ tam-jīm lí-sū-tiúⁿ chiah kā i táⁿ-ap^{[chù 1]}, āu--lâi Tâi-pak-chhī Chèng-hú Lô-kang-kio̍k chú-tōng kài-ji̍p tiâu-cha. 2010 nî 2 goe̍h 2 hō, ka-ji̍p Tiong-hôa Chit-pāng Hiaⁿ-tī Chhiūⁿ.

2011 nî 1 goe̍h koh-chi̍t-pái chū-hùi khì Bí-kok chham-ka Bí-kok Chit-pāng Cleveland Ìn-tē-an-lâng Sió-liân-bêng chhun-hùn, Khu Chhiong-êng, Ko Chì-kong mā chò-hóe chham-ka. 11 goe̍h 11, in-ūi bô ha̍p kiû-tūi chiàn-le̍k su-kiû, Chhiūⁿ-tūi khak-tēng bē sio̍k-iok, kiat-sok 16-nî ê chit-pāng seng-gâi. 12 goe̍h 15 kong-pò͘ ka-Kī í-keng tit-tio̍h Cleveland Ìn-tē-an-lâng ê iau-chhiáⁿ, khì Bí-kok tam-jīm in kî-hā sin-lâng liân-bêng A-lī-song-ná Ìn-tē-an-lâng ê kàu-liān, chiâⁿ-chò Tâi-oân thâu-chi̍t-ūi thè-hiu liáu-āu khì gōa-kok chò kàu-liān ê soán-chhiú.

2014 nî 9 goe̍h 30, lī-iōng Ìn-tē-an-lâng Sió-liân-bêng kiû-kùi kiat-sok ê sî-chūn, kah Lamigo Thô-oân chhiam--loeh nn̄g-kò͘-goe̍h ê ha̍p-iok, hi-bāng kā o̍h tio̍h ê mi̍h-kiāⁿ hun-hióng hō͘ kiû-oân. 12 goe̍h 9 hō, chiap-jīm Gī-tāi Sai-gû hù-léng-tūi, sī Tiong-hôa Chit-pāng kè Koeh Kiàn-lîm liáu-āu tē-3-ūi bat í kiû-oân sin-hūn tam-jīm kiû-thoân koán-lí chit-bū ê lâng. 2015 nî ē-pòaⁿ-kùi khai-sí chiap-jīm chóng-kàu-liān, pēng-chhiáⁿ tī 2016 nî Tâi-oân Tōa-sài í 4-sèng 2-pāi phah-iâⁿ Tiong-sìn Hiaⁿ-tī, tit-tio̍h Gī-tāi Sai-gû kiû-thoân-sú ê ûi-it chi̍t-ê chóng-koan-kun. 2018 nî 7 goe̍h 30, in-ūi Hù-pang Hān-chiòng chiàn-chek bô hó chhéng-sî, chóng-kàu-liān chit-ūi hō͘ Tân Liân-hông chiām-sî tāi-lí. 2019 nî 4 goe̍h 17, Bī-choân Liông chèng-sek soan-pò͘ tńg--khì Tiong-chit, jīm-bēng Ia̍p Kun-chiong chò chóng-kàu-liān^[3], Ia̍p Kun-chiong mā tī 2023 nî Tâi-oân Tōa-sài chhōa-niá Bī-choân Liông í 4-sèng 3-pāi phah-iâⁿ Lo̍k-thian Thô-oân, hō͘ Bī-choân Liông tī hôe-kui Tiong-chit it-kun liáu-āu ê tē-3-tang tio̍h tit-tio̍h chóng-koan-kun.

Keng-le̍k

• Tâi-pak-chhī Sū-lîm-khu Sū-lîm Kok-sió Siàu-pāng-tūi
• Tâi-pak-koān Pang-kiô Kok-tiong Chheng-siàu-pāng-tūi (Êng-kang)
• Tâi-pak-koān [[Sin-pak-chhī Su-li̍p Tiong-hôa Ko-kip Tiong-ha̍k|Tiong-hôa Tiong-ha̍k] Chheng-pāng-tūi (Êng-kang)
• [[Êng-kang Iá-kiû-tūi ] ]
• Siaⁿ-pó Kī-jîn Iá-kiû-tūi
• Tiong-hôa Chit-pāng Bī-choân Liông (1996 nî－1999 nî)
• Tiong-hôa Chit-pāng Heng-lông Gû (2000 nî－2009 nî 12 goe̍h 21)
• Tâi-pak-chhī Chit-gia̍p Iá-kiû-oân Chit-gia̍p Kang-hōe lí-sū-tiúⁿ (2009 nî 2 goe̍h 14－12 goe̍h 21)
• Tiong-hôa Chit-pāng Hiaⁿ-tī Chhiūⁿ (2010 nî 2 goe̍h 2 hō－2011 nî 11 goe̍h 11)
• Tâi-pak-chhī Chit-gia̍p Iá-kiû-oân Chit-gia̍p Kang-hōe lí-sū-tiúⁿ (2010 nî 2 goe̍h 10 hō－10 goe̍h 30)
• Cleveland Ìn-tē-an-lâng sin-lâng liân-bêng tâu-pō͘ kàu-liān (2012 nî－2015 nî)
• Tiong-hôa Chit-pāng Lamigo Thô-oân chhun-hùn kheh-chō chí-tō kàu-liān (2014 nî)
• Tiong-hôa Chit-pāng Lamigo Thô-oân kheh-chō kàu-liān (2014 nî 10 goe̍h－2014 nî 11 goe̍h)
• Tiong-hôa Chit-pāng Gī-tāi Sai-gû-tūi hù-léng-tūi（2014 nî 12 goe̍h－2015 nî 12 goe̍h)
• Tiong-hôa Chit-pāng Gī-tāi Sai-gû it-kun chóng-kàu-liān (2015 nî 6 goe̍h－2016 nî 10 goe̍h)
• Tiong-hôa Chit-pāng Hù-pang Hān-chiòng it-kun chóng-kàu-liān (2016 nî 11 goe̍h－2019 nî 4 goe̍h)
• Tiong-hôa Chit-pāng Bī-choân Liông chóng-kàu-liān (2019 nî 4 goe̍h 17－)

Te̍k-sû Sū-chek

• 2008 nî 3 goe̍h 10 hō, Ò-ūn 8-chhiúⁿ-3 tùi-chiàn Ka-ná-tāi, 8-kio̍k-siōng Ka-ná-tāi cháu-chiá leh cháu tńg--khì pún-lúi ê sî kā í-keng chiap-tio̍h kiû beh chhì-sat cháu-chiá ê Ia̍p Kun-chiong lòng--loeh, ín-hoat nn̄g-tūi ê chhiong-tu̍t.
• 2016 nî 4 goe̍h 24, Tiong-sìn Hiaⁿ-tī Chiúⁿ Tì-hiân beh thiau-chiàn í-keng ûi-chhî 27-tang ê Tēⁿ Hēng-seng Soa-hî Chiòng-gāi ê sî, Gī-tāi Sai-gû tan-tiûⁿ 4-pái pó-sàng Chiúⁿ Tì-hiân hō͘ i kì-lio̍k tn̄g--khì, ín-hoat cheng-gī.

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sì-sí	Sa̋n-sín	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
1996	Bī-choân Liông	72	221	59	1	24	5	10	32	69	5	0.267	0.299	0.312	0.611
1997		96	358	71	0	24	10	20	63	82	7	0.198	0.240	0.229	0.469
1998		101	308	60	1	25	3	33	71	75	8	0.195	0.270	0.244	0.514
1999		91	287	74	0	29	8	24	53	86	10	0.258	0.312	0.300	0.612
2000	Heng-lông Gû	85	273	72	0	22	2	21	41	82	6	0.264	0.316	0.300	0.616
2001		88	304	77	1	25	2	17	35	91	15	0.253	0.293	0.299	0.592
2002		85	278	59	1	18	1	25	44	77	11	0.212	0.275	0.277	0.552
2003		81	249	64	0	29	1	28	41	72	5	0.257	0.330	0.289	0.619
2004		77	202	45	0	12	0	25	44	47	3	0.223	0.307	0.233	0.540
2005		101	321	68	1	20	1	13	70	82	6	0.212	0.243	0.255	0.498
2006		100	303	75	0	32	0	18	38	88	15	0.248	0.287	0.290	0.577
2007		69	218	53	1	20	1	13	33	66	2	0.243	0.284	0.303	0.587
2008		97	311	70	0	26	2	20	32	83	14	0.225	0.271	0.267	0.538
2009		92	262	61	0	26	0	19	42	73	7	0.233	0.284	0.279	0.563
2010	Hiaⁿ-tī Chhiūⁿ	67	168	31	0	9	0	13	32	37	5	0.185	0.240	0.220	0.460
2011		67	124	22	0	14	0	8	18	23	7	0.177	0.226	0.185	0.411
Ha̍p-kè	16-tang	1369	4187	961	6	355	36	307	691	1133	126	0.230	0.281	0.271	0.552

Chóng-kàu-liān Sî-kî

Nî-tō͘	Kiû-tūi	Miâ-chhù	Chhut-sài	Sèng-tiûⁿ	Hô-kio̍k	Pāi-tiûⁿ	Sèng-lu̍t	Sèng-chha	Pī-chù
2015	Gī-tāi Sai-gû	3	60	29	0	31	0.483	8
2016		2	119	61	1	57	0.517	8.5	Ē-pòaⁿ-kùi koàn-kun, Tâi-oân Tōa-sài koan-kun Kiû-kùi-bóe in-ūi chi̍t-ji̍t chóng-kàu-liān oa̍h-tāng, hō͘ Tiuⁿ Kiàn-bêng tāi-lí chi̍t-tiûⁿ pí-sài
2017	Hù-pang Hān-chiòng	4	120	48	2	70	0.407	29
2018		3	73	31	0	42	0.425	–	Kùi-tiong chhéng-sî
2021	Bī-choân Liông	5	120	50	3	67	0.427	17
2022		3	120	57	5	58	0.496	12.5	Kùi-āu-sài (1－3 su hō͘ Tiong-sìn)
2023		1	120	62	5	53	0.539	–	Ē-pòaⁿ-kùi koàn-kun, Tâi-oân Tōa-sài koan-kun
2024		4	120	58	0	62	0.483	12
Ha̍p-kè: 8-tang			852	396	16	440	0.474

Chù-kha

1. "Tâi-pak-chhī Chit-gia̍p Iá-kiû-oân Chit-gia̍p Kang-hōe" sī tī Tâi-pak-chhī Chèng-hú Lô-tōng-kio̍k ê chù-chheh ê kang-hōe miâ^[1], tùi-gōa mā hō-chò "Tiong-hôa Chit-pāng Kiû-oân Kang-hōe"^[2].