Bī-choân Liông

Bī-choân Liông (味全龍) sī Tiong-hôa Chit-pāng ê chi̍t ki kiû-tūi, mā-sī Tiong-chit ê chhòng-sí kiû-tūi chi-it, bat-tī 1999 nî kái-sàn, tān-sī 2019 nî iū-koh tńg-lâi Tiong-chit. Bī-choân tī 1979 nî tio̍h ū gia̍p-û iá-kiû-tūi, 1990 nî chit-pāng sêng-li̍p tio̍h chiâⁿ-chò chhòng-sí kiû-tūi chi-it, tī Chit-pāng goân-nî tio̍h the̍h-tio̍h Tiong-chit tē-1-ê chóng-koan-kun. 1999 nî Téng-sin Kok-chè Chi̍p-thoân siu-kò͘ Bī-choân, tān-sī Téng-sin bô-siūⁿ-beh kè-sio̍k keng-êng iá-kiû-tūi, Bī-choân Liông chū-án-ne kái-sàn. 2019 nî Bī-choân Liông koh-chi̍t-pái ka-ji̍p Tiong-hôa Chit-pāng, 2020 nî khai-sí tī jī-kun pí-sài, 2021 nî chèng-sek chiâⁿ-chò Tiong-hôa Chit-pāng it-kun ê tē-5-tūi, pēng-chhiáⁿ-tī tē-3-tang 2023 nî phah-pāi Rakuten Thô-oân tit-tio̍h tńg-lâi Tiong-chit í-āu ê thâu-chi̍t-ê chóng-koan-kun.

Bī-choân Liông
tóng-àn:Wei Chuan Dragons logo.png
Só͘-sio̍k liân-bêng	Tiong-hôa Chit-gia̍p Pāng-kiû Tāi Liân-bêng
Kiû-thoân hoat-jîn	Kiōng-hiáng Pāng-kiû Kó͘-hūn Iú-hān Kong-si
Sêng-li̍p sî-kan	1989 nî 1 goe̍h 1 hō
Kiat-sok sî-kan
Le̍k-sú	Bī-choân Iá-kiû-tūi (1978 nî — 1989 nî) Bī-choân Liông (1990 nî — 1999 nî, 2019 nî —)
Só͘-chai-tē	Tâi-pak-chhī
Chú-tiôⁿ	Tâi-pak Chhī-li̍p Thian-bú Iá-kiû-tiôⁿ
Tūi-hùn
Ióng-iú-chiá	Téng-li̍p Khai-hoat Si̍t-gia̍p (Téng-sin Chi̍p-thoân)
Léng-tūi	Teng Tiōng-hūi
Chóng-kàu-liān	Ia̍p Kun-chiong
Siōng-bóe chi̍t-ê léng-tūi	{{{last_leader}}}
Siōng-bóe chi̍t-ê chóng-kàu-liān	{{{last_manager}}}
Kùi-koan-kun	(5) 1990 hā 1991 siōng 1996 hā 1997 hā 2023 hā
Nî-tō͘ chóng-koan-kun	(5) 1990 1997 1998 1999 2023
Tāi-piáu-sek	Âng-sek
Koaⁿ-hong bāng-chí	www.wdragons.com/CWS

Bī-choân Liông ê saⁿ

Le̍k-sú

Gia̍p-î Sî-kî

1979 nî, Bī-choân Khì-gia̍p kah Tiong-kok Bûn-hòa Tāi-ha̍k kap-chok, Tiong-kok Bûn-hòa Tāi-ha̍k Iá-kiû-tūi kái-cho͘ chò Bī-choân Sêng-pāng-tūi. 1988 nî, Bī-choân kah Tiong-kok Bûn-hòa Tāi-ha̍k kiat-sok ha̍p-chok, Bī-choân Sêng-pāng-tūi hō͘ Bī-choân to̍k-li̍p keng-êng.

1990 nî-tāi

1990 nî, Tiong-hôa Chit-pāng chhòng-li̍p, Bī-choân Sêng-pāng-tūi kái-cho͘ chò Bī-choân Liông. Bī-choân Liông tī thâu-chi̍t-tang tio̍h tit-tio̍h hā-pòaⁿ-kùi koan-kun chìn-ji̍p chóng-koan-kun-sài, pēng-chhiáⁿ í 4 : 2 phah-pāi siōng-pòaⁿ-kùi koan-kun Sam-siong Hó͘, chiâⁿ-chò Tiong-hôa Chit-pāng ê thâu-chi̍t-ê chóng-koan-kun. 1991 nî, Bī-choân Liông tit-tio̍h siōng-pòaⁿ-kùi koan-kun, tān-sī tī chóng-koan-kun-sài G7 su hō͘ hā-pòaⁿ-kùi koan-kun Thóng-it Sai, bô-iân jī-liân-pà. 1996 nî, Bī-choân Liông tit-tio̍h hā-pòaⁿ-kùi koan-kun, tān-sī tī chóng-koan-kun-sài 2 sèng 4 pāi koh-chi̍t-pái su hō͘ siōng-pòaⁿ-kùi koan-kun Thóng-it Sai.

1997 nî, Bī-choân Liông tit-tio̍h hā-pòaⁿ-kùi koan-kun, pēng-chhiáⁿ tī chóng-koan-kun-sài í 4 : 2 phah-pāi siōng-pòaⁿ-kùi koan-kun Sî-pò Eng tit-tio̍h in ê tē-jī-ê chóng-koan-kun. M̄-koh in-ūi 2-ki kùi-koan-kun kiû-tūi lóng tī lēng-gōa chi̍t-ê pòaⁿ-kùi thiām-té, jî-chhiáⁿ nî-tō͘ thâu-3-miâ lóng bô-hoat-tō͘ phah kùi-āu-sài, só͘-í Tiong-chit kā kiû-kùi kái-chò "tan-it kiû-kùi + kùi-āu thiau-chiàn-sài". 1998 nî, Bī-choân Liông í nî-tō͘ tē-3-miâ phah ji̍p-khì kùi-āu thiau-chiàn-sài, seng tò iâⁿ Thóng-it Sai, sòa--lo̍h-lâi koh phah-pāi nî-tō͘ tē-1-miâ Heng-lông Gû sêng-kong tit-tio̍h chóng-koan-kun. 1999 nî, Téng-sin Kok-chè Chi̍p-thoân kò͘-pèng Bī-choân, tān-sī Bī-choân táng-sū-tióⁿ Gūi Èng-hêng bô siōⁿ-beh kè-sio̍k keng-êng iá-kiû-tūi; Liông-tūi tī chit-nî í nî-tō͘ tē-3-miâ chìn-ji̍p kùi-āu-sài, seng tī kùi-āu thiau-chiàn-sài phah-iâⁿ Thóng-it Sai, koh tī chóng-koan-kun-sài 4 : 1 phah-pāi Hô-sìn Keng, chiâⁿ-chò sú-siōng tē-2-ki 3-liân-pà ê kiû-tūi. Liông-tūi ê sêng-chek kah Tiong-chit kî-thaⁿ kiû-thoân ê koan-chhiat, lóng hō͘ Liông-tūi kong-pò͘ kái-sàn ê ji̍t-kî thoa khah kú--ê. Hit-tang-chūn Bī-choân Liông pō͘-hūn ê kiû-oân sīm-chì chū-goān kiám-sin sì-siâⁿ, hi-bāng ē-tàng kā kiû-tūi lâu--lo̍h-lâi. Kiû-bê mā thàu-kòe bāng-lō͘ kah mûi-thé hoat-khí liân-sū kah iû-hêng té-chè bī-choân, tī kâng-nî 12 goe̍h 12 hoat-khí "Iá-kiû Bê-chiòng Tōa-iû-hêng". Tān-sī Gūi Èng-hêng iu-goân kian-chhî kái-sàn Liông-tūi, Liông-tūi chóng-kàu-liān Chhî Seng-bêng kóng: "Gūi-ka lâi--ah, chiah chai N̂g-ka ê hó."^[1][2][3]

2020 nî-tāi

2019 nî 8 goe̍h 17, Ka-gī Chhī-tióⁿ N̂g Bín-hūi tī "Lāu-liông Sin-liông Chhù-bī Tùi-khòng-sài (老龍新龍趣味對抗賽)" khui-kiû.

2019 nî 2 goe̍h 21, Téng-sin Chi̍p-thoân piáu-sī í-keng sêng-li̍p "Bī-choân Liông Chit-gia̍p Iá-kiû-tūi Tiû-pī-chhù", pēng-chhiáⁿ chhiáⁿ Bī-choân Liông chêng léng-tūi Jîm Tiong-kia̍t tam-jīm kò͘-būn, ka-sok kiû-tūi tiû-chó͘ ê chìn-tō͘^[4]. 4 goe̍h 17, Bī-choân Liông tī Bīn-chheh hoat-pò͘ iáⁿ-phìⁿ kong-pò͘ léng-tūi, kàu-liān-thoân miâ-toaⁿ, chóng-kàu-liān hō͘ Ia̍p Kun-chiong tam-jīm, kàu-liān hō͘ Tiuⁿ Thài-san, N̂g Kéng-liông tam-jīm^[5]. 4 goe̍h 29, Bī-choân Liông 正式提交中職加盟企劃書^[6]. 5 goe̍h 13, Tiong-chit siông-bū lí-sū-hōe thong-kòe Bī-choân Liông ê sin-chhéng^[7]. 6 goe̍h 24, keng-kòe Tiong-hôa Chit-pāng Hōe-oân Tāi-hōe khak-jīn liáu-āu oân-sêng ka-bêng thêng-sū, Bī-choân Liông chiâⁿ-chò Tiong-hôa Chit-pāng tē-gō͘-tūi, ē tī 2021 nî kiû-kùi ka-ji̍p^[8], pēng-chhiáⁿ kè-sêng goân-pún Bī-choân kiû-thoân ê kì-lo̍k, kā Táu-la̍k Iá-kiû-tiôⁿ chò in ê hùn-liān ki-tē^[9][10].

2020 nî kiû-kùi, tī jī-kun ê pí-sài í 53 sèng 31 pāi 2 hô ê chiàn-chek pâi-tī tē-it, chìn-ji̍p koan-kun-sài bīn-tùi Tiong-sìn Hiaⁿ-tī, lo̍h-bóe í 3 sèng 1 pāi tit-tio̍h jī-kun ê chóng-koan-kun^[11].

2021 nî kiû-kùi sī in tńg--khì kàu Tiong-chit it-kun ê thâu-chi̍t-tang, Bī-choân Liông siōng-pòaⁿ-kùi thiām-té, hā-pòaⁿ-kùi pâi-tī tē-saⁿ, lo̍h-bóe tī thâu-chi̍t-tang pâi-tī nî-tō͘ tē-gō͘^[12]. 2022 nî kiû-kùi, Bī-choân Liông tī jia̍t-sin-sài pâi-tī tē-it, tī siōng-pòaⁿ-kùi tī tńg--khì kàu Tiong-chit liáu-āu sèng-lu̍t thâu-chi̍t-pái chhiau-kòe gō͘-siâⁿ (31 sèng 29 pāi), sui-jiân tiong-ng bat in-ūi COVID-19 chō-sêng chiâⁿ-chē chú-le̍k kiû-oân khak-chín, hó-ka-chài chiàn-chek bô lak--lo̍h-khì. Hā-pòaⁿ-kùi Bī-choân Liông bat keng-le̍k 9-liân-pāi ê khó-lâu, lo̍h-bóe in-ūi pâi-tī nî-tō͘ tē-saⁿ phah ji̍p-khì kùi-āu thiau-chiàn-sài, m̄-koh lo̍h-bóe 1 sèng 3 pāi su hō͘ hā-pòaⁿ-kùi koan-kun Tiong-sìn Hiaⁿ-tī, kah Tâi-oân Tōa-sài bô-iân. 2023 nî kiû-kùi, Bī-choân Liông tī 10 goe̍h 19 tit-tio̍h hā-pòaⁿ-kùi koan-kun kah choân-nî-tō͘ sèng-lu̍t tē-it, mā sī Bī-choân ê tē-gō͘-ê kùi-koan-kun, chìn-ji̍p Tâi-oân Tōa-sài^[13]. Lo̍h-bóe Bī-choân Liông tī 11 goe̍h 12 ê Tâi-oân Tōa-sài G7 í 6 : 3 phah-iâⁿ Lo̍k-thian Thô-oân, lo̍h-bóe 4 sèng 3 pāi tit-tio̍h tńg--khì Tiong-chit ê thâu-chi̍t-ê Tâi-oân Tōa-sài koan-kun, mā-sī tūi-sú tē-gō͘-ê chóng-koan-kun^[14], lēng-gōa tī 11 goe̍h 4 hō ê Tâi-oân Tōa-sài G1, Bī-choân Liông ê Lâu Ki-hông koh kòng-chhut Tâi-oân Tōa-sài le̍k-sú-siōng thâu-chi̍t-ki chài-kiàn hőng-bú-láng^[15]. 2024 nî 3 goe̍h 30 Tiong-hôa Chit-pāng khai-bō͘-chiàn, sī Tiong-hôa Chit-pāng thâu-chi̍t-pái tī Tōa-kī-tàn kí-pān lē-hêng-sài, nn̄g-pêng hun-pia̍t sī Lo̍k-thian Thô-oân kah chêng-chi̍t-tang ê chóng-koan-kun Bī-choân Liông, lóng-chóng 28,618-ê koan-chiòng ji̍p-tiôⁿ, chhiau-kòe Tiong-hôa Chit-pāng khai-bō͘-chiàn siōng-chē koan-chiòng ê kì-lo̍k^[16]. 9 goe̍h 29, in-ūi Tiong-sìn Hiaⁿ-tī í 8:5 phah-pāi Lo̍k-thian Thô-oân tit-tio̍h hā-pòaⁿ-kùi koan-kun, Liông-tūi chū-án-ne sit-khì kùi-āu thiau-chiàn-sài ê chu-keh, bô-iân jī-liân-pà. 12 goe̍h 12, Bī-choân Liông kong-pò͘ í 4-tang ê ha̍p-iok ka-siōng kek-lē chióng-kim 4800-bān kā Chu Io̍k-hiân chhiam--lo̍h-lâi, chiâⁿ-chò tūi-sú thâu-chi̍t-ūi FA kiû-oân^[17]。

Ta̍k-nî Sêng-chek

Ta̍k-nî Siōng Hā Pòaⁿ-kùi kah Choân-nî Chiàn-chek

• (O͘ chho͘-jī sī tūi-sú siōng-hó ê sêng-chek)

Kiû-kùi	Siōng-pòaⁿ-kùi					Hā-pòaⁿ-kùi					Choân-nî Chiàn-chek
	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù	Sèng	Pāi	Hô	Sèng-lu̍t	Miâ-chhù
1990	25	20	0	.556	2	21	20	4	.512	1	52	34	4	.605	1
1991	26	16	3	.619	1	20	19	6	.513	2	46	35	9	.568	2
1992	23	20	2	.535	2	22	18	5	.550	4	41	42	7	.494	2
1993	26	19	0	.578	2	22	21	2	.512	3	48	40	2	.545	3
1994	17	27	1	.386	5	19	25	1	.432	4	36	52	2	.409	5
1995	25	25	0	.500	3	22	27	1	.449	5	47	52	1	.475	5
1996	25	23	2	.521	4	30	20	0	.600	1	55	43	2	.561	3
1997	15	31	2	.326	7	31	15	2	.674	1	46	46	4	.500	3
1998	Tan-it sài-kùi chè										56	48	1	.538	3
1999	Tan-it sài-kùi chè										49	39	4	.557	3
1999 nî kiû-kùi kiat-sok liáu-āu kái-sàn, 2019 nî tńg--khì kàu Tiong-chit
2020	Tńg--khì kàu Tiong-chit ê thâu-chi̍t-tang, kan-na tī jī-kun pí-sài
2021	22	36	2	.379	5	28	31	1	.475	3	50	67	3	.427	5
2022	31	29	0	.517	4	26	29	5	.473	4	57	58	5	.496	3
2023	30	27	3	.526	2	32	26	2	.552	1	62	53	5	.539	1
2024	26	34	0	.433	5	32	28	0	.533	2	58	62	0	.483	4

Kùi-āu-sài Chiàn-chek

Kiû-kùi	Kùi-āu-sài			Tâi-oân Tōa-sài
	Tùi-chhiú	Sèng	Pāi	Tùi-chhiú	Sèng	Pāi
Bī-choân Liông
1990	bô			Sam-siong Hó͘	4	2
1991	bô			Thóng-it Sai	3	4
1996	bô			Thóng-it Sai	2	4
1997	bô			Sî-pò Eng	4	2
1998	Thóng-it Sai	2	1	Heng-lông Gû	4	3
1999	Thóng-it Sai	2	1	Hô-sìn Keng	4	1
2022	Tiong-sìn Hiaⁿ-tī	1	3	bô chìn-kip
2023	bô			Lo̍k-thian Thô-oân	4	3

Kiû-oân

Bī-choân Liông hiān-ia̍h sêng-oân hián lūn pian
Kiû-oân			Kàu-liān
Tâu-chhiú   0 Lí Chhiau   5 Tân Ú-hun  15 Iûⁿ Gio̍k-siông  16 Ông Ûi-tiong  17 Koeh Hiok-chèng  18 Chhî Jio̍k-hi  20 Ngô͘ Chùn-kia̍t  29 Barreda [en]  33 Lowther [en]  35 Eppler  37 Gagnon  39 Lī Úi-sêng  41 Tēⁿ Tián-hō  42 Tiō Kéng-êng  43 Iâu Un-to  45 Tân Chì-kia̍t  47 Sòng Bûn-hôa  48 Lîm I̍t-ta̍t  51 Tiuⁿ Kéng-io̍k  52 Woodall  56 Herrera [ja]  59 Tân Koàn-úi  67 Chô Iū-chê  68 Lô Hôa-úi  69 Hô Chong-kî  71 Lîm Chú-io̍k  74 Tiuⁿ Kun-siú  75 N̂g Úi-kia̍t  77 Lîm Chú-kia̍t  78 Ngô͘ Kun-e̍k  90 Ông Tēng-éng  96 Lí Sêng-hong  99 Lîm Khái-ui  00 Ong Úi-kin 104 N̂g Khún-thêng 106 Lîm Pek-iū 107 ◎Ông Pek-iông 122 Lí Tì-lîm 124 Sih Io̍k-ta̍t 128 Ngô͘ Sêng-hān 129 ◎Tân Pek-an 132 Lîm Hông-ûi 134 Lîm Hian-ú 139 ◎Ngô͘ Tong-lîm	Pó͘-chhiú   4 Giljegiljaw Kungkuan   9 Lîm Sîn-hun  22 Chn̂g Hō-úi  60 Lâu Sî-hô  63 Chiúⁿ Siàu-hông  65 Ngô͘ Péng-un 123 N̂g Chàn-ûi 125 Lâu Iāu-hô Lāi-iá-chhiú   3 Masegesege Abalrini   6 Koeh Giâm-bûn  10 N̂g Pek-hô  21 Lí Khái-ui  23 Lâu Chùn-hūi  25 Tiuⁿ Chèng-ú  26 Iûⁿ Liām-chó͘  31 Lîm Tì-sèng  36 Lí Tián-gē  44 Tân Su-tiōng  46 Lâu Ki-hông  57 Namoh Iyang  61 Ngô͘ Tong-iông  72 Chio̍h Siông-ú 88 Chiu Úi-hông 127 Khó͘ Chú-khiam 131 Ngô͘ Sêng-hō	Gōa-iá-chhiú   1 Tân Chú-hô   2 Koeh Thian-sìn   7 Lîm Hàu-thêng  11 Chu Io̍k-hiân  24 Ông Sūn-hô  28 Tēⁿ Khái-bûn  34 Tiuⁿ Iū-bêng  50 Chan Sèng-an  58 Khó͘ Phok-hông  81 Tiuⁿ Iū-ka  82 Jiám Sêng-lîm 133 Chhui Sèng-ín 135 Pò͘ Kun-tì 137 ◎Phoaⁿ Sìn-an	It-kun chóng-kàu-liān  27 Ia̍p Kun-chiong It-kun kàu-liān  14 Cruz (Táⁿ-kek kàu-liān)  30 Román (Tâu-chhiú thóng-tiû kàu-liān)  54 Lîm Úi-un (Siú-se̍k kàu-liān)  66 Tiuⁿ Kiàn-bêng (Táⁿ-kek / gōa-iá siú-pī kàu-liān)  70 Ko-Su Iông-kài (Siú-se̍k kàu-liān)  76 Lâu Êng-hôa (Siú-pī thóng-tiû kàu-liān)  86 Tân Chì-úi (Lāi-iá siú-pī kàu-liān)  91 Koeh Sèng-an (Tâu-chhiú kàu-liān)  92 N̂g E̍k-chì (Tâu-chhiú kàu-liān)  93 Khu Chhiong-êng (Iá-chhiú thóng-tiû kàu-liān)  94 Lâu Ka-hô (Pó͘-chhiú kàu-liān)  95 Ko Hàu-gî (Cháu-lúi kàu-liān) Jī-kun chóng-kàu-liān  12 Tiuⁿ Ka-hō (Chóng-kàu-liān / gōa-iá siú-pī kàu-liān) Jī-kun kàu-liān  19 Lô Ka-jîn (Tâu-chhiú kàu-liān)  32 Ông Eng-phêng (Pó͘-chhiú kàu-liān)  53 Ngô͘ Ka-iū (Chō͘-lí táⁿ-kek kàu-liān)  62 Ngô͘ Chong-chùn (Táⁿ-kek / Cháu-lúi kàu-liān)  79 Lîm Chong-lâm (Siú-se̍k / lāi-iá siú-pī kàu-liān)  80 Ông Hō (Thé-lêng kàu-liān)  83 Phêⁿ Li̍p-giâu (Thé-lêng kàu-liān)  87 Lâu Ka-khái (Chō͘-lí thé-lêng kàu-liān)  89 Siau It-kia̍t (Tâu-chhiú kàu-liān)  97 Khu Sè-kia̍t (Thé-lêng kàu-liān)  98 Tân Ka-khu (Iá-chhiú io̍k-sêng kàu-liān)
Chù-kha: Ū piau "◎" ê sī chū-chú pôe-hùn soán-chhiú.