Îⁿ-tiâⁿ

Îⁿ-tiâⁿ (圓埕) sī hō͘ ūn-tōng pí-sài kí-pān--ê thé-io̍k-tiûⁿ, ū toā-liōng koan-chiòng chē-ūi.

Bí-kok Houston Thài-khong Toā-îⁿ-tiâⁿ, choân sè-kài siōng chá--ê choân-ji̍t ho̍k-ha̍p-hêng (複合型) thé-io̍k-tiûⁿ, 1965 nî kiàn-sêng

Khai-koan-sek (開關式) thàu-thiⁿ toā îⁿ-tiâⁿ, Bí-kok Milwaukee iá-kiû-tūi chú-tiûⁿ : Miller Park

Sû-goân

「Dome」chit ê sû goân-té sī îⁿ-chhù-téng kiàn-tio̍k ê ì-sù, Ji̍t-gí kā im-e̍k chò "ドーム球 (きゅう)場 (じょう)", (Hùn-lēng-sek: Dômu kyûzyô). Tī Eng-gí lāi-té, chū-chiông Hiu-sū-tùn ê Thài-khong Îⁿ-tiâⁿ hō-miâ chò "Dome" liáu-āu, "Dome" khai-sí hőng the̍h-lâi hō-miâ sek-lāi thé-io̍k-tiûⁿ.

Siōng chá Tâi-oân Hoâ-gí chhut-hiān "Kī-tān" (Hoâ-gí: 巨蛋 (ㄐㄩˋㄉㄢˋ) ^Jùdàn) sī in-ūi Tang-kiaⁿ Toā-îⁿ-tiâⁿ tī 1988 khai-bō͘ ê sî ēng "BIG Entertainment and Gold Game!" chò tēng-ūi, sok-siá sī "BIG EGG", khòaⁿ--khí-lâi mā chhin-chhiūⁿ chi̍t lia̍p nn̄g, chū-án-ne hō͘ Tâi-oân hoan-e̍k chò "kī-tàn" (巨蛋), āu--lâi kî-thaⁿ--ê "Dome" mah hőng hoan-e̍k chò "kī-tàn". It-ti̍t kàu "Tâi-pak Sió-kī-tàn" lo̍k-sêng liáu-āu, "kī-tàn" mā tiāⁿ-tiāⁿ hőng ēng tī "Arena" ê miâ, nā-sī beh khu-pia̍t nn̄g-khoán thé-io̍k-tiûⁿ, Dome ē hō-chò "tōa-kī-tàn", Arena hō-chò "sió-kī-tàn".

Tâi-gí

It-ti̍t kàu Tâi-pak Sió-kī-tàn kap Ko-hiông Kī-tàn lo̍k-sêng liáu-āu, chia̍t-ūn kap kong-chhia ū su-iàu ēng Tâi-gí kóng-pò͘ chām-miâ, sûi chhut-hiān ài án-nóa hoan-e̍k ê thó-lūn, bo̍k-chiân tiāⁿ-tiāⁿ sī ti̍t-ti̍t ēng kī-tàn 來 kóng-pò͘.

Tâi-gí-bûn ha̍k-chiá Phoaⁿ Kho-goân (潘科元)--sin-seⁿ pêng-lūn: Ah-nā "kū-nn̄g" (巨卵)--ê kóng-hoat, tiō khah-bô thò-tòng, "kū" (巨) sī bûn-giân jī-gán (字眼), "nn̄g" (卵) sī kháu-gí sû-sò͘, án-ne tàu, bē-chiah-ka. Jî-chhiáⁿ kiàn-gī sú-iōng "toā-îⁿ-tiâⁿ".^[1]

Tâi-gí-bûn ha̍k-chiá Tō͘ kiàn-hong (杜建坊)--sin-seⁿ kiàn-gī: Iōng Eng-bûn--ê "Dome/Arena"--ê ì-e̍k (意譯) lâi-hō siōng hó, Dome sī îⁿ--ê chhù-téng, Arena sī îⁿ--ê chhau-tiûⁿ. Nā beh chō sin-sû (新詞), sú-iōng "oân-kong-tiâⁿ" (圓拱埕) iah-sī "oân-kong-koán" (圓拱館).^[2]

Kî-thaⁿ Siong-koan sin-sû

• Tâi-tang Tāi-ha̍k Hoâ-gí-hē Hù-kàu-siū Tiuⁿ Ha̍k-khiam (張學謙) kiàn-gī: "îⁿ-téng thé-io̍k-koán" (圓頂-).^[3]

• Tî-liáu chō sin-sû, tú-tio̍h "巨蛋", nā bô-ài liām Pak-kiaⁿ Koaⁿ-oē im, beh liām Tâi-oân-oē im, tiō ài-liām kī-tàn (Chiang-khiuⁿ) iah-sī kū-tàn (Choân-khiuⁿ), thâu chi̍t jī kap "kī-choa̍t" (kū-choa̍t)--ê "kī" (kū) kâng-im, boé-jī kap "phî-tàn" (皮蛋)--ê "tàn" kâng-im.^[4][5][6]

• Lēng-gōa tī bāng-lō͘ téng-koân ê thó-lūn lāi-té iá-koh ū "Tó͘-muh / A-lí-nah", "Khiong-téng", "Tōa-lia̍p-nn̄g" téng-téng ê sû.

Kok-kok ê Îⁿ-tiâⁿ

Bí-chiu

Kiû-tiûⁿ-miâ	tē-tiám	Khui-tiûⁿ	Chē-ūi-sò͘
Caesars Chhiau-kip Îⁿ-tiâⁿ (Caesars Superdome)	Bí-kok Niú-ò-liông	1975 nî 8 goe̍h 3 ji̍t	72,968 (Bí-sek kha-kiû)
Rogers Tiong-sim (Rogers Centre)	Ka-ná-tāi To-lûn-to	1989 nî 6 goe̍h 5 ji̍t	49,539 (iá-kiû)
Tropicana Kiû-tiûⁿ (Tropicana Field)	Bí-kok Sèng Pí-tek-pó	1990 nî 3 goe̍h 3 ji̍t	31,042 (iá-kiû)
Intuit Îⁿ-tiâⁿ (Intuit Dome)	Bí-kok Inglewood	2024 nî 8 goe̍h 15 ji̍t	18,000 (nâ-kiû)

Ji̍t-Pún

Tang-kiaⁿ Îⁿ-tiâⁿ, Ji̍t-pún siōng-chá--ê îⁿ-tiâⁿ, 1988 nî

Îⁿ-tiâⁿ lāi-pō͘, Tāi-pán Îⁿ-tiâⁿ(大阪-)

Kiû-tiûⁿ-miâ	tē-tiám	Khui-tiûⁿ	Chē-ūi-sò͘
Tang-kiaⁿ Îⁿ-tiâⁿ (Tokyo Dome; ドーム)	Tang-kiaⁿ-to͘ Bûn-kiaⁿ-khu 東京都文京区	1988 nî 3 goe̍h 17 ji̍t	46,000 (iá-kiû) 55,000 (ián-chhiùⁿ-hōe)
Izumo Îⁿ-tiâⁿ (Izumo Dome; 出雲ドーム)	Simane-koān Izumo-chhī 島根県出雲市	1992 nî 4 goe̍h 29 ji̍t	2,500
Hukuoka Îⁿ-tiâⁿ (Fukuoka Dome; 福岡ドーム)	Hukuoka-koān Hukuoka-chhī 福岡県福岡市	1993 nî 4 goe̍h 2 ji̍t	38,585 (iá-kiû) 52,500 (ián-chhiùⁿ-hōe)
Tāi-pán Îⁿ-tiâⁿ (Osaka Dome; 大阪ドーム)	Tāi-pán-hú Tāi-pán-chhī 大阪府大阪市	1997 nî 3 goe̍h 1 ji̍t	36,146 (iá-kiû) 50,000 (ián-chhiùⁿ-hōe)
Nagoya Îⁿ-tiâⁿ (Nagoya Dome; 名古屋ドーム)	Aiti-koān Nagoya-chhī 愛知県名古屋市	1997 nî 3 goe̍h 15 ji̍t	37,214 (iá-kiû) 50,500 (ián-chhiùⁿ-hōe)
Ôdate Chhiū-hái Îⁿ-tiâⁿ (Odate Jukai Dome; 大館樹海ドーム)	Akita-koān Ôdate-chhī 秋田県大館市	1997 nî 7 goe̍h 11 ji̍t	5,040
Se-bú Îⁿ-tiâⁿ (Seibu Dome; 西武ドーム)	Saitama-koān Tokorozawa-chhī 埼玉県所沢市	1979 nî 4 goe̍h 14 ji̍t (1999 nî ke-chng chhù-téng)	33,556
Sapporo Îⁿ-tiâⁿ (Sapporo Dome; 札幌ドーム)	Pak-hái-tō Sapporo-chhī 北海道札幌市	2001 nî 6 goe̍h 3 ji̍t	41,484 (kha-kiû) 40,476 (iá-kiû) 53,845 (ián-chhiùⁿ-hōe)

Hân-kok

Ko-chhioh Thiⁿ-téng Îⁿ-tiâⁿ (高尺-)

Kiû-tiûⁿ-miâ	tē-tiám	Khui-tiûⁿ	Chē-ūi-sò͘
Ko-chhioh Thiⁿ-téng Îⁿ-tiâⁿ (Gocheok Sky Dome)	Siú-ní-chhī	2015 nî 9 goe̍h 15 ji̍t	18,000 (iá-kiû) 25,000 (ián-chhiùⁿ-hōe)

Tâi-oân

Tâi-pak Toā-îⁿ-tiâⁿ

Ko-hiông Îⁿ-tiâⁿ

Toā-îⁿ-tiâⁿ

Kiû-tiûⁿ-miâ	tē-tiám	Khui-tiûⁿ	Chē-ūi-sò͘
Tâi-pak Toā-îⁿ-tiâⁿ	Tâi-pak-chhī Sìn-gī-khu	2023 nî 12 goe̍h 2 ji̍t	40,575 (iá-kiû) 59,833 (ián-chhiùⁿ-hōe)

Sió-îⁿ-tiâⁿ

Kiû-tiûⁿ-miâ	tē-tiám	Khui-tiûⁿ	Chē-ūi-sò͘
Kok-li̍p Thé-io̍k Tāi-ha̍k Chong-ha̍p Thé-io̍k-koán (Ku-soaⁿ Sió-îⁿ-tiâⁿ)	Thô-hn̂g-chhī Ku-soaⁿ-khu	1986 nî 7 goe̍h	15,000 (nâ-kiû)
Thô-hn̂g Chhī-li̍p Thé-io̍k-koán (Thô-hn̂g Sió-îⁿ-tiâⁿ)	Thô-hn̂g-chhī Thô-hn̂g-khu	1993 nî 9 goe̍h	15,000 (nâ-kiû)
Biâu-le̍k Koān-li̍p Thé-io̍k-tiûⁿ Kī-tàn Thé-io̍k-koán (Biâu-le̍k Îⁿ-tiâⁿ)	Biâu-le̍k-koān Biâu-le̍k-chhī	2001 nî 8 goe̍h 20 ji̍t	7,788 (nâ-kiû)
Hoa-liân Koān-li̍p Thé-io̍k-koán (Hoa-liân Sió-îⁿ-tiâⁿ)	Hoa-liân-koān Hoa-liân-chhī	2001 nî 7 goe̍h	5,000 (nâ-kiû)
Tâi-pak Sió-îⁿ-tiâⁿ	Tâi-pak-chhī Siông-san-khu	2005 nî 12 goe̍h 1 ji̍t	15,000 (nâ-kiû)
Sin-tek-koān Thé-io̍k-koán (Tek-pak Îⁿ-tiâⁿ)	Sin-tek-koān Tek-pak-chhī	2008 nî 12 goe̍h 31 ji̍t	8,000 (nâ-kiû)
Ko-hiông-chhī Hiān-tāi-hòa Chong-ha̍p Thé-io̍k-koán (Ko-hiông Îⁿ-tiâⁿ)	Ko-hiông-chhī Chó-iâⁿ-khu	2009 nî 9 goe̍h 27 ji̍t	15,000 (nâ-kiû)
Kim-ô͘ Chong-ha̍p Thé-io̍k-koán (Kim-mn̂g Sió-îⁿ-tiâⁿ)	Kim-mn̂g-koān Kim-ô͘-tìn	2010 nî 8 goe̍h 4 ji̍t	3,500 (nâ-kiû)
Tâi-tiong Îⁿ-tiâⁿ	Tâi-tiong-chhī Pak-tūn-khu	Heng-kiàn tiong	15,500 (nâ-kiû)
Tâi-lâm Sió-îⁿ-tiâⁿ	Tâi-lâm-chhī Tang-khu	Kui-oē-tiong
Sin-pak Sió-îⁿ-tiâⁿ	Sin-pak-chhī Pang-kiô-khu	Kui-oē-tiong	18,000-20,000 (nâ-kiû)