Lí Khái-ui

Lí Khái-ui (1997 nî 9 goe̍h 11 chhut-sì ), sī Tâi-oân ê iá-kiû soán-chhiú, bo̍k-chiân tī Tiong-hôa Chit-pāng Bī-choân Liông hāu-le̍k, chú-iàu sī chò jī-lúi-chhiú, sī Liông-tūi tńg-lâi Tiong-hôa Chit-pāng liáu-āu tē-it-nî soán-siù (2019 nî soán-siù tē-2-lûn tē-1 chí-miâ) ka-ji̍p kiû-tūi ê soán-chhiú.

Lí Khái-ui 李凱威
Bī-choân Liông – No. 21
Jī-lúi-chhiú
Chhut-sì: 1997 nî 9 goe̍h 11 ji̍t （1997-09-11）(27 hòe)  Tiong-hôa Bîn-kok Ko-hiông-chhī Kó͘-san-khu
Táⁿ-kek: tò Tâu-kiû: chiàⁿ
Chho͘-chhù chhut-sài
2021 nî 3 goe̍h 14, tī Bī-choân Liông
Seng-gâi sò͘-kì thóng-kè (chì 2024 nî ûi-chí)
Táⁿ-kek-lu̍t	0.291
An-táⁿ	487
Choân-lûi-táⁿ	11
Táⁿ-tiám	149
Thau-luí	67
Tūi-ngó͘
Bī-choân Liông (2019 nî —)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2023 Tiong-hôa Chit-pāng Chòe-ka 10-jîn Chióng (jī-lúi-chhiú): 2023、2024 Tiong-hôa Chit-pāng Kim-chhiú-thò Chióng (jī-lúi-chhiú): 2022、2023、2024 Sè-kài Iá-kiû 12-kiông Sài koan-kun: 2024

Lí Khái-ui

Tit-kàu ê chióng
Tāi-piáu  Tiong-hôa Tâi-pak
Lâm-chú iá-kiû
Sè-kài Iá-kiû 12-kiông Sài
	2024 nî Tang-kiaⁿ	Thoân-tūi

Chit-pāng Seng-gâi

tī 2019 kùi-tiong soán-siù lāi-té hō͘ Bī-choân Liông tī tē-2-lûn tē-1-ūi kéng tio̍h, hőng jīn-ûi thang kah soán-siù chiōng-goân Lâu Ki-hông chò-hóe kā Liông-tūi lāi iá hông-sòaⁿ siú-hō͘ hó. Āu-lâi í Sin-tâi-phiò 450-bān kho͘ ê chhiam-iok-kim ka-ji̍p Bī-choân Liông^[1].

2021 nî sī Lí Khái-ui ê sin-lâng-nî, í táⁿ-kek-lu̍t 0.273 kah 22-pái thau-lúi sêng-kong ê piáu-hiān, í sin-lâng-nî lâi kóng sī chiâⁿ bē-bái ê sêng-chek, mā tī chit-nî kah kâng tūi ê gōa-iá-chhiú Koeh Thian-sìn oân-sêng seng-gâi 100 (pah)-an^[2].

Keng-le̍k

• Ko-hiông-chhīKó͘-giâm Kok-sió Siàu-pāng-tūi
• Ko-hiông-chhī Ngó͘-hok Kok-tiong Chheng-siàu-pāng-tūi
• Ko-hiông-chhī Ko-oán Kang-siong Chheng-pāng-tūi
• Tiong-hôa Chit-pāng Bī-choân Liông (2019 nî 7 goe̍h —)

Chit-pāng Seng-gâi Sêng-chek

• (Chho͘-o͘-jī sī hit-nî siōng-koân ia̍h siōng-hó ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Tit-hun	Thau-luí	Sì-sí	Sa̋n-sín	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2021	Bī-choân Liông	112	439	120	2	32	62	22	42	37	154	8	0.273	0.335	0.351	0.686
2022		108	391	110	2	43	65	19	47	66	142	6	0.281	0.355	0.363	0.718
2023		119	423	122	5	40	64	12	73	69	161	7	0.288	0.388	0.381	0.769
2024		115	423	135	2	34	58	14	59	54	157	7	0.319	0.398	0.371	0.769
Ha̍p-kè	4-tang	454	1676	487	11	149	249	67	221	226	614	28	0.291	0.370	0.366	0.736

Te̍k-sû Sū-chek

• 2021 nî 4 goe̍h 24, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, 8-kio̍k-siōng bīn-tùi Ngô͘ Chùn-úi kòng chhut seng-gâi thâu-chi̍t-ki hőng-bú-láng.
• 2021 nî 10 goe̍h 22, tī Thian-bú Iá-kiû-tiôⁿ tùi-chiàn Hù-pang Hān-chiòng, 3-kio̍k-hā kah tūi-iú Koeh Thian-sìn hoat-tōng siang-thau-lúi sêng-kong, tàu-tīn oân-sêng tan-kùi 20-thau.
• 2021 nî 10 goe̍h 24, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, 8-kio̍k-siōng bīn-tùi Ngô͘ Chùn-úi phah chhut an-táⁿ, oân-sêng seng-gâi 100 (pah)-an (mā sī tan-kùi pah-an).
• 2023 nî 4 goe̍h 2 hō, tī Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, 1-kio̍k-siōng ta̍t-sêng Chiu-chè Kiû-tiôⁿ ê tē-600-ê thau-lúi.
• 2023 nî 8 goe̍h 18, tī Thian-bú Iá-kiû-tiôⁿ tùi-chiàn Thóng-it 7-ELEVEn Sai, 6-kio̍k-hā ta̍t-sêng seng-gâi chi̍t-pah táⁿ-tiám.