Lîm Chú-io̍k

Lîm Chú-io̍k (1993 nî 9 goe̍h 19 ji̍t chhut-sì ) sī Tâi-oân ê chit-gia̍p iá-kiû soán-chhiú, siú-pī ūi-tì sī tâu-chhiú, bo̍k-chiân tī Tiong-hôa Chit-pāng Bī-choân Liông hāu-le̍k. Lîm Chú-io̍k chū-sè-hàn tio̍h leh phah iá-kiû, phēng-chhiáⁿ tī 2018 nî chham-ka Tiong-hôa Chit-pāng Soán-siù-hōe, lo̍h-soán liáu-āu keh-nî koh-chi̍t-pái chham-ka 2019 nî soán-siù-hōe, lo̍h-bóe hō͘ Bī-choân Liông tī tē-5-lûn kéng tio̍h^[1].

Lîm Chú-io̍k 林子昱
Bī-choân Liông – No. 71
Tâu-chhiú
Chhut-sì: 1993 nî 9 goe̍h 19 ji̍t （1993-09-19）(32 hòe)  Tiong-hôa Bîn-kok Tâi-tang-koān Tiông-pin-hiong
Táⁿ-kek: chiàⁿ Tâu-kiû: chiàⁿ
Tiong-hôa Chit-pāng Chho͘-chhù chhut-sài
2021 nî 3 goe̍h 18, tī Bī-choân Liông
Tiong-hôa Chit-pāng sò͘-kì thóng-kè (chì 2024 nî ûi-chí)
Sèng-tâu — pāi-tâu	9–22
Tiong-kè — kiù-oān	9–1
Săn-sín — sì-bái	153–118
Hông-gū-lu̍t	4.08
Tūi-ngó͘
Bī-choân Liông (2020 nî－)
Seng-gâi cheng-chhái piáu-hiān kah ti̍t-chióng
Tiong-hôa Chit-pāng nî-tō͘ chóng-koan-kun: 2023 Tiong-hôa Chit-pāng Bêng-chheⁿ-sài: 2023

Lîm Chú-io̍k 2021 nî tī it-kun chho͘ teng-pán, sui-jiân tâu-chhut 3-sèng 11-pāi ê sêng-chek, tān-sī 108.1-kio̍k ê tâu-kiû mā tùi kiû-tūi ū bē-chió ê kòng-hiàn, hông-gū-lu̍t 4.65 tùi sin-lâng lâi-kóng mā sǹg-sī bē-bái^[2][3].

Bo̍k-chiân Lîm Chú-io̍k siōng-kín ê kiû-sok thang kàu 150 km/h, mā ū chiok-chē kiû-chéng thang phòe.

Keng-le̍k

• Tâi-tang-koān Chiong-goân Kok-sió Siàu-pāng-tūi
• Tâi-tang-koān Sin-seng Kok-tiong Chheng-siàu-pāng-tūi
• Ko-hiông-chhī Sam-sìn Ka-siong Chheng-pāng-tūi
• Tâi-lâm-chhī Khong-lêng Tāi-ha̍k Iá-kiû-tūi
• Tâi-lâm-chhī Sêng-pāng-tūi（2017 nî－2019 nî)
• Tiong-hôa Chit-pāng Bī-choân Liông (2019 nî 8 goe̍h 3 hō－)

Te̍k-sû Sū-chek

• 2021 nî 3 goe̍h 18, tī Tâi-tiong Chiu-chè Iá-kiû-tiûⁿ tùi-chiàn Tiong-sìn Hiaⁿ-tī, Lîm Chú-io̍k tam-jīm sian-hoat tâu-chhiú, sī i kò-jîn chit-pāng it-kun chho͘ teng-pán. Chú-tâu 4-kio̍k iōng 55-kiû, hŏng khà-chhut 7-ki an-táⁿ, sit 3-hun, tâu-chhut 1-pái săn-sín, 1-pái sì-bái-kiû, lo̍h-bóe Bī-choân Liông í 1 : 5 su-kiû, mā chiâⁿ-chò i it-kun seng-gâi thâu-chi̍t-ê pāi-tâu.
• 2021 nî 3 goe̍h 30, tī Thô-hn̂g Kok-chè Iá-kiû-tiûⁿ tùi-chiàn Lo̍k-thian Thô-oân chú-tâu 5-kio̍k iōng 73-kiû, hŏng khà-chhut 6-ki an-táⁿ, bô sit-hun, tâu-chhut 2-pái săn-sín, 1-pái sí-kiû. Lo̍h-bóe Bī-choân Liông í 3 : 0 phah-iâⁿ Lo̍k-thian Thô-oân, Lîm Chú-io̍k tit-tio̍h i it-kun seng-gâi thâu-chi̍t-ê sèng-tâu; mā hō͘ i chiâⁿ-chò Bī-choân Liông tńg--khì kàu chit-pāng liáu-āu, thâu-chi̍t-ê tī it-kun sài-sū tâu-móa 5-kio̍k tit-tio̍h sèng-tâu ê pún-thó͘ tâu-chhiú^[4][5].
• 2021 nî 11 goe̍h 2 hō, tī Sin-pak Chhī-li̍p Sin-chng Iá-kiû-tiûⁿ tùi-chiàn Hù-pang Hān-chiòng, chú-tâu 7.1-kio̍k hŏng khà-chhut 4-ki an-táⁿ, sit 3-hun, ta̍t-sêng 100-kio̍k ê tâu-kiû^[6].

Chit-pāng Seng-gâi Sêng-chek

Nî-tō͘	Kiû-tūi	Chhut-sài	Sian-hoat	Sèng-tâu	Pāi-tâu	Tiong-kè	Kiù-oān	Oân-tâu	Oân-hong	Sì-sí	Sa̋n-sín	Tâu-kiû kio̍k-sò͘	Chū-chek-hun-lu̍t	Hŏng chiōⁿ-lúi-lu̍t
2021	Bī-choân Liông	24	21	3	11	1	0	0	0	43	52	108.1	4.65	1.48
2022		15	11	2	4	2	1	0	0	36	30	63.2	2.69	1.43
2023		30	8	3	6	6	0	0	0	31	52	64.0	5.20	1.52
2024		17	3	1	1	0	0	0	0	8	19	33.1	2.70	1.26
Ha̍p-kè	4-tang	86	43	9	22	9	1	0	0	118	153	269.1	4.08	1.45